China, Namibië verstewig bande

Ronelle RademeyerNamibië en China het Maandag bilaterale betrekkinge verstewig te midde van verhoogde internasionale sanksiedruk teen een van die grootste Chinese konstruksiemaatskappye in die land.Die nouer samewerking sluit in ooreenkomste vir ekonomiese en tegniese samewerking aan die snelweg tussen Windhoek en die Internasionale Lughawe Hosea Kutako, menslike hulpbronontwikkeling by die Nasionale Beplanningskommissie, en 'n lewensvatbaarheidstudie vir die bou van vier nuwe skole in landelike gebiede. Die drie dae lange staatsbesoek van China se eerste adjunkpremier, mnr. Zhang Gaoli, aan Namibië volg kort op die hakke van Japan se aankondiging Vrydag dat hy, net soos die VSA vroeër verlede week, die Chinese konstruksiereus Qingdao Construction Namibia met sanksies gaan straf vir sy bande met Noord-Korea.Qingdao het, volgens die jongste verslag van die Verenigde Nasies (VN) se Veiligheidsraad, vier bouprojekte, asook 'n aantal werknemers en boumateriaal oorgeneem toe die Noord-Koreaners verlede jaar opdrag gekry het om Namibië te verlaat.Die projekte sluit volgens inligting die bouwerk aan die nuwe verdedigingshoofkwartier in Suiderhof in.Volgens die Veiligheidsraad se verslag het M.O.P. Architectural and Technical Services, deur wie Mansudae Overseas Projects Group of Companies (M.O.P.) in Pjongjang staatsprojekte van etlike miljard Namibiese dollar in die land gedoen het, met Qingdao onderhandel om sy projekte en werknemers oor te neem.Die proses is deur M.O.P. Architectural and Technical Services se besturende direkteur, mnr. Kim Tong-chol (49), bewerkstellig.Dit is om hierdie rede dat die nuwe vlaag sanksies deur die Amerikaanse tesourie en die Japanse regering ook teen Kim en M.O.P. in Namibië ingestel is.Dit blyk verder uit die verslag dat Kim nou die adjunk- besturende direkteur van Qingdao is. Hy woon in Herbststraat 34 in Ludwigsdorf in Windhoek. StaatshuisDit blyk uit tenderstatistiek wat deur Market Namibia se Tender Bulletin bygehou is dat Qingdao in Februarie 2008 in 'n advertensie in New Era geskoolde konstruksiewerkers gesoek het vir bouwerk aan die nuwe staatshuis in Auasblick. Dié projek was een van Noord-Korea se grootste konstruksieprojekte in Namibië.Qingdao, wat volgens die Federasie vir Konstruksiebedrywe in Namibië (CIF) se nuutste bedryfsgids 'n omset van tussen N$100 miljoen en N$200 miljoen per jaar het, se Namibiese filiaal is in 2008 gestig.Van die groot tenders wat die afgelope nege jaar aan Qingdao toegeken is, sluit in die nuwe terminaal by die Ondangwa-lughawe, fase 8 van die militêre basis op Keetmanshoop, die nuwe landdroshof en personeelwoning op Otjinene, die Hardapstreekraad se kantore op Rehoboth, personeelwonings by die Bosbounavorsingstasie by Ngoma, die opgradering van 'n akwakultuurprojek by Onavivi, fase 3 van die grenspos by Katwitwi en die weermag se maritieme gebou op Walvisbaai.Dié inligting is ook vervat in statistiek wat deur die Tender Bulletin beskikbaar gestel is.'n Oproep gister na die selfoon van mnr. Shaoquan Tang, hoof van Qingdao in Namibië, is deur 'n ene mnr. George beantwoord. Volgens hom werk Shaoquan nie meer vir Qingdao nie. Hy kon nie verklaar waarom sy nommer as dié van Shaoquan in die nuutste gids van die Federasie vir Namibiese Konstruksiebedrywe (CIF) gelys is nie.

China, Namibië verstewig bande

Kommentaar

Republikein 2026-05-05

Meld asseblief aan om kommentaar te lewer

China, Namibië verstewig bande

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.