Cheetahs vat pad oorsee ná afjak

Hendrik Cronjé SA Rugby se besluit om die Cheetahs uit die Pro16-reeks te skop, begin nou aan die spelersfront 'n uitwerking hê.Tian Schoeman en Reinach Venter, twee van hul bestendigste spelers in die onlangse Superrugby Unlocked-reeks, se koppe staan oorsee.Die aanduidings is dat die 29-jarige Schoeman hom by die Engelse klubspan Bath sal aansluit. Hy kan reeds in Januarie een van Bath se inwoners word nadat hy in 2018 van die Franse klubspan Bordeaux af by die Cheetahs ingeval het.Die Leeus is een van die ander spanne wat gretig was om hom te gaps.Schoeman gaan klousule 11 in sy kontrak uitoefen. Dié klousule is in die meeste Cheetahs se kontrakte vervat nadat die Vrystaters in 2017 uit die Superreeks gegooi is.Hiervolgens het spelers 'n tydperk van 120 dae om hul kontrakte met die Cheetahs op te sê ingeval 'n verandering in die kompetisiestrukture, wat moontlik negatiewe invloed op die spelers se loopbane inhou, aangebring word deur Wêreldrugby, SA Rugby of deur die Pro14-reeks.Die Cheetahs is wel bevoorreg dat hulle spelers soos Reinhardt Fortuin en Frans Steyn het wat losskakel kan speel, terwyl Fred Zeilinga ook beskikbaar en tans werkloos is.HAKERSDie 25-jarige Venter het Superrugby Unlocked nie as die Cheetahs se eerstekeuse-haker begin nie, maar hy was vanweë sy goeie spel aan die einde van die reeks sekerlik een van die eerste name wat Hawies Fourie in sy beginspan neergepen het.Die Franse klubspan Clermont het Venter raakgesien en maak planne om hom daar te kry sodra sy werkvisum gereed is.Met Venter, Wilmar Arnoldi, die Namibiese toetshaker Louis van der Westhuizen, Marnus van der Merwe en Jacques du Toit het Fourie goeie diepte op haker in Superrugby Unlocked gehad. Arnoldi sal binnekort weer kan speel ná sy beserin, wat Venter se vertrek kan versag.Venter en Schoeman se oorsese planne sal nietemin lastig vir Fourie wees nadat drie spelers tydens die Superrugby Unlocked-reeks vort is.– Netwerk24

Cheetahs vat pad oorsee ná afjak

Kommentaar

Republikein 2025-09-18

Meld asseblief aan om kommentaar te lewer

Cheetahs vat pad oorsee ná afjak

Kommentaar

Republikein 2025-09-18

Meld asseblief aan om kommentaar te lewer

MELD AAN

Advertensie