Cheetahs is deel van die ‘Groot 5’

Charles Smith – Dinsdag se vergadering van die Suid-Afrikaanse Rugbyunie (Saru) is een van die belangrikste – indien nie die heel belangrikste nie – in die 125-jarige bestaan van Vrystaat-rugby.Só sê Harold Verster, uitvoerende direkteur van die Vrystaat-Cheetahs, oor Saru wat Dinsdag gaan besluit of die Cheetahs in die Pro14-reeks in Europa gaan bly.“As ’n stemming sou bepaal dat Vrystaat nie deel van die Pro16-reeks sal wees nie, sal dit die Toyota Cheetahs finansiële skade berokken. Ons is positief dat gesonde verstand en Suid-Afrikaanse rugby se belange sal seëvier om die Cheetahs se huidige baanbreker-deelname aan die Pro-reeks te bevestig.”’n TOEKOMS IN RUGBYDie Cheetahs verdien – op meriete en prestasie – om ’n sentrale deel van Suid-Afrikaanse en wêreldrugby te wees. Vir die voortbestaan van Vrystaat-rugby sal hulle positief, maar voluit veg. Die Cheetahs, Vrystaat en Suid-Afrikaanse rugby verdien niks minder nie, sê hy.“Wees verseker dat ek en my direksie alles in die stryd gaan werp om die Toyota Cheetahs se toekoms te verseker.”Verster sê dit is hul verantwoordelikheid om al die regte en belange van Vrystaatrugby wat oor 125 jaar opgebou is, op die hoogste vlak en op elke beskikbare wyse te beskerm.“Ons dra ons ondersteuners, werknemers en spelers se belange op die hart. Vanuit ’n ekonomiese oogpunt is dit in Bloemfontein en die groter Vrystaat se belang dat die Cheetahs een van die franchises bly.”PRO-RUGBYDie Cheetahs het ’n geldige kontrak om in die afsienbare toekoms Pro-rugby te speel. Dit maak dus glad nie sin dat die franchise wat die baanbreker was, moet veg vir insluiting en oorlewing nie.“Dit klaar gesê, voel ek jammer vir die span wat dit nie gaan maak nie. Dit gaan verlammende gevolge hê, nie net vir die franchise wat uitval nie, maar dit gaan Suid-Afrikaanse rugby verswak en verarm.Na sy mening is dit nie ’n oplossing om een van die vyf uit te skop nie. Hy kan hom nie Suid-Afrikaanse rugby indink sonder een van die Cheetahs, die Bulls, die Lions, die Sharks of die Stormers nie.VYF GROTESDie statistiek wat Saru aan hulle voorgelê het, toon duidelik dat daar vyf grotes is. Afhangende uit watter hoek ’n mens dit beskou, is die Toyota Cheetahs soms tweede, soms derde en soms vierde.“Die punt is dat ons in elke kategorie of maatstaf altyd onder die topvier is. Ons gaan dus vashou aan ons ooreenkomste en kontrakte, maar ek dink ons moet alles in ons vermoë doen om ’n beter oplossing te vind.“My standpunt en benadering was nog altyd dat ons van probleme uitdagings met vindingryke oplossings moet maak en dit moet aanpak as ’n groep. Ek dink daar is ander moontlikhede en oplossings. Ek dink die vyf franchises moet om ’n tafel sit om ’n bedeling te vind wat al vyf en Suid-Afrikaanse rugby se toekoms sal verseker,” sê hy. – Netwerk24FOTOHarold Verster, uittredende besturende direkteur van die Vrystaat Cheetahs-maatskappy, by een van die Vrystaat se goue rugbyseuns, Ruan Pienaar. Die vraag is of die Cheetahs in die toekoms spelers soos Pienaar en Frans Steyn sal kan behou as die span uit die Pro14 geskop word. Foto Mlungisi Louw, Netwerk24

Cheetahs is deel van die ‘Groot 5’

Kommentaar

Republikein 2025-12-16

Meld asseblief aan om kommentaar te lewer

Cheetahs is deel van die ‘Groot 5’

Kommentaar

Republikein 2025-12-16

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.