Carina Horn: ‘Vee voor jou eie deur, Evette’
Atletiek
Wim Pretorius – Die lewe was hel sedert sy verlede jaar, kort voor die wêreldkampioenskap in Doha, voorlopig vir die gebruik van verbode middels geskors is.
Só sê Carina Horn in ’n openhartige video, waar sy praat oor selfdoodgedagtes en ook uitvaar teen onder andere Evette de Klerk, wat verlede week gesê dat sy haar nasionale 100 m-rekord, wat dekades lank agter haar naam gepryk het, terugsoek.
Horn, wat in September 2019 voorlopig deur atletiek se integriteitseenheid (AIU) geskors is nadat Ibutamoren en LGD-4033 in haar gestel gevind is, sê daar is geen rede waarom haar Suid-Afrikaanse rekord van 10.98 in die 100 geskrap moet word nie.
“As jy vir my probeer sê dat my rekord nie moet staan nie, onthou dat ek op die internasionale komitee teen die gebruik van verbode middels dien, wat beteken dat ek minstens een keer ’n maand en soms drie keer binne ’n week getoets word,” sê Horn.
“(Toetsbeamptes kom) selfs op ’n Sondagaand, wanneer almal besig is om flieks te kyk en jy met jou lewe aangaan . . . wel ek dink nie jy doen dit nie, want jy is bekommerd oor klein k*k soos dié,” het sy met verwysing na De Klerk gesê
De Klerk het verlede week in ’n onderhoud met Netwerk24 gesê dat sy haar nasionale rekord van 11.06 in die 100 m, wat sy in 1990 opgestel het, voordat Horn dit in 2018 twee keer verbeter het, terug agter haar naam soek.
“As dit vir jou (De Klerk) daaroor gaan dat jy die rekord terug op ’n stuk papier soek, gaan doen dit. Dit is net soos om getroud te wees. Is jy werklik getroud aan daardie persoon in jou hart? Nee. Dit gaan oor wat jy doen, hoe jy ander hanteer,” sê Horn.
“Sy (De Klerk) het my in die koerant gepak oor my voorkoms. Sy het gesê dat sy nooit so sterk (soos ek) was nie. Luister hier, vrou, en wie ook al anders my van enigiets beskuldig het: as jy gaan kyk na die voorste tien naellopers in die wêreld en verspringers, hulle bene is groter as myne, paalspringers se arms ook. Ek is een van die kleinstes onder dié teen wie ek deelneem,” sê Horn.
“As jy my wil pak oor my liggaamsbou, dan kan jy eerder stilbly, want ek weet hoe ek geoefen het en dan het jy waarskynlik net nie genoeg geoefen nie.”
Horn sê sy het ná elkeen van haar rekord-wedlope self die toetsbeamptes genader en dat die uitslag elke keer aangedui het dat sy skoon is.
“Daar is mense wat nie beter as jy kan doen nie en dan jou lewe hel wil maak omdat hulle s’n k*k is. As jy ouer as 50 is en steeds oor ’n rekord bekommerd is, dan moet jy ernstig iets vind om jouself meer besig te hou,” sê Horn verder.
“My lewensdoel was nooit om die Suid-Afrikaanse rekord te breek nie. Die SA rekord beteken niks wanneer dit op internasionale vlak kom nie. Ek wil nie die beste in Suid-Afrika wees nie, ek wil die beste in die wêreld wees.
“As jy so oor my wil bespiegel, waar is die bewyse dat hulle jou getoets het?” het sy vir De Klerk gevra.
“Het jy dit (die vorige rekord) oorsee vermag? Nee, jy het nooit oorsee naby aan daardie tyd gekom nie. Ek het dit verskeie keer gedoen. Dalk het jy by die 90 m-merk weggespring? As jy kan bespiegel, dan kan ek ook.”
Horn sê dat sy in ’n stadium oorweeg het om haar eie lewe te neem.
“Daar was tye in die afgelope jaar of twee waar ek my eie lewe wou neem . . . net in ’n kar klim, wat ook al drink en bo 200 km/h jaag of so iets. Mense besef nie watter skade hulle kan aanrig nie.”
Haar verhoor voor die AIU het, ná maande se gesloer, eindelik op 13 November plaasgevind. Daar het Horn die kans gekry om haar kant van die saak te stel.
Ofskoon sy nie veel oor die saak kan uitbrei nie, sê sy die groen lig om weer deel te neem, sal binnekort kom.
“Die saak word nog afgehandel. Ek kan wel sê dat my onskuld bewys is aangesien die twee middels gevind is in die produkte – een was in ’n pre-workout en een in ’n proteïendrankie.
"Ek het niks doelbewus gebruik of onwettiglik nie. So dit bewys dat ek nie skuldig aan dit (opkikkers) is nie,” voeg Horn by. – Netwerk24
FOTO’S
Carina Horn, die Suid-Afrikaanse rekordhouer in die 100, glo sy sal binnekort onskuldig bevind word aan die doelbewuste gebruik van opkikkers. Foto Gallo Images
Evette de Klerk, wat tussen 1990 en 2015 die Suid-Afrikaanse rekord in die 100 m gehou het, in haar dae as atleet. Foto Gallo Images
Só sê Carina Horn in ’n openhartige video, waar sy praat oor selfdoodgedagtes en ook uitvaar teen onder andere Evette de Klerk, wat verlede week gesê dat sy haar nasionale 100 m-rekord, wat dekades lank agter haar naam gepryk het, terugsoek.
Horn, wat in September 2019 voorlopig deur atletiek se integriteitseenheid (AIU) geskors is nadat Ibutamoren en LGD-4033 in haar gestel gevind is, sê daar is geen rede waarom haar Suid-Afrikaanse rekord van 10.98 in die 100 geskrap moet word nie.
“As jy vir my probeer sê dat my rekord nie moet staan nie, onthou dat ek op die internasionale komitee teen die gebruik van verbode middels dien, wat beteken dat ek minstens een keer ’n maand en soms drie keer binne ’n week getoets word,” sê Horn.
“(Toetsbeamptes kom) selfs op ’n Sondagaand, wanneer almal besig is om flieks te kyk en jy met jou lewe aangaan . . . wel ek dink nie jy doen dit nie, want jy is bekommerd oor klein k*k soos dié,” het sy met verwysing na De Klerk gesê
De Klerk het verlede week in ’n onderhoud met Netwerk24 gesê dat sy haar nasionale rekord van 11.06 in die 100 m, wat sy in 1990 opgestel het, voordat Horn dit in 2018 twee keer verbeter het, terug agter haar naam soek.
“As dit vir jou (De Klerk) daaroor gaan dat jy die rekord terug op ’n stuk papier soek, gaan doen dit. Dit is net soos om getroud te wees. Is jy werklik getroud aan daardie persoon in jou hart? Nee. Dit gaan oor wat jy doen, hoe jy ander hanteer,” sê Horn.
“Sy (De Klerk) het my in die koerant gepak oor my voorkoms. Sy het gesê dat sy nooit so sterk (soos ek) was nie. Luister hier, vrou, en wie ook al anders my van enigiets beskuldig het: as jy gaan kyk na die voorste tien naellopers in die wêreld en verspringers, hulle bene is groter as myne, paalspringers se arms ook. Ek is een van die kleinstes onder dié teen wie ek deelneem,” sê Horn.
“As jy my wil pak oor my liggaamsbou, dan kan jy eerder stilbly, want ek weet hoe ek geoefen het en dan het jy waarskynlik net nie genoeg geoefen nie.”
Horn sê sy het ná elkeen van haar rekord-wedlope self die toetsbeamptes genader en dat die uitslag elke keer aangedui het dat sy skoon is.
“Daar is mense wat nie beter as jy kan doen nie en dan jou lewe hel wil maak omdat hulle s’n k*k is. As jy ouer as 50 is en steeds oor ’n rekord bekommerd is, dan moet jy ernstig iets vind om jouself meer besig te hou,” sê Horn verder.
“My lewensdoel was nooit om die Suid-Afrikaanse rekord te breek nie. Die SA rekord beteken niks wanneer dit op internasionale vlak kom nie. Ek wil nie die beste in Suid-Afrika wees nie, ek wil die beste in die wêreld wees.
“As jy so oor my wil bespiegel, waar is die bewyse dat hulle jou getoets het?” het sy vir De Klerk gevra.
“Het jy dit (die vorige rekord) oorsee vermag? Nee, jy het nooit oorsee naby aan daardie tyd gekom nie. Ek het dit verskeie keer gedoen. Dalk het jy by die 90 m-merk weggespring? As jy kan bespiegel, dan kan ek ook.”
Horn sê dat sy in ’n stadium oorweeg het om haar eie lewe te neem.
“Daar was tye in die afgelope jaar of twee waar ek my eie lewe wou neem . . . net in ’n kar klim, wat ook al drink en bo 200 km/h jaag of so iets. Mense besef nie watter skade hulle kan aanrig nie.”
Haar verhoor voor die AIU het, ná maande se gesloer, eindelik op 13 November plaasgevind. Daar het Horn die kans gekry om haar kant van die saak te stel.
Ofskoon sy nie veel oor die saak kan uitbrei nie, sê sy die groen lig om weer deel te neem, sal binnekort kom.
“Die saak word nog afgehandel. Ek kan wel sê dat my onskuld bewys is aangesien die twee middels gevind is in die produkte – een was in ’n pre-workout en een in ’n proteïendrankie.
"Ek het niks doelbewus gebruik of onwettiglik nie. So dit bewys dat ek nie skuldig aan dit (opkikkers) is nie,” voeg Horn by. – Netwerk24
FOTO’S
Carina Horn, die Suid-Afrikaanse rekordhouer in die 100, glo sy sal binnekort onskuldig bevind word aan die doelbewuste gebruik van opkikkers. Foto Gallo Images
Evette de Klerk, wat tussen 1990 en 2015 die Suid-Afrikaanse rekord in die 100 m gehou het, in haar dae as atleet. Foto Gallo Images
Kommentaar
Republikein
Geen kommentaar is op hierdie artikel gelaat nie