Caprivi-saak: Siviele eise gaan voort

Die hoërhof sê die verhoor van 20 siviele eise van N$302 miljoen deur vrygespreektes in die Caprivi-hoogverraadsaak teen die aanklaer-generaal en die regering, moet voortgaan. Dít volg nadat die aanklaer-generaal, me. Martha Imalwa, 'n aansoek by die hof ingedien het om die siviele eise te stop terwyl sy teen die vryspreking van sommige in die hoof- Caprivi-hoogverraadsaak appelleer. “Indien die vervolging in hierdie stadium gestuit word, sal dit nie net voortydig wees nie, maar ook tot vooroordeel van die onderskeie partye se regte strek,” het adjunk-regter-president Hosea Angula tydens sy uitspraak op 24 Februarie gesê.“Hul reg om vir beweerde kwaadwillige vervolging vergoed te word, sal vir 'n onbepaalde tydperk uitgestel word totdat die appèl afgehandel kan word. “Objektief beskou, is dit nie regverdig om die saak te stuit terwyl dié wat vantevore saam met hulle beskuldig is, se saak voortgaan nie,” het Angula verder gesê.Regter Angula het bevind die feit dat die aanklaer-generaal meer as drie jaar gewag het om teen die vryspraak van 25 van dié voormalige beskuldigdes te appelleer, nie beteken dat strafregtelike verrigtinge ten opsigte van daardie verhoor nou hangend voor die hoërhof is nie.“Dit sal slegs die geval wees indien die aanklaer-generaal die hof oortuig het waarom die laat indiening van haar aansoek verskoon moet word. 'n Hofbevel om 'n siviele saak te stuit terwyl 'n strafsaak oor dieselfde kwessie aan die gang is, word nie ligtelik toegestaan nie en sal buitengewone omstandighede vereis voordat 'n hof dit sal doen,” het die regter gesê.

Caprivi-saak: Siviele eise gaan voort

Kommentaar

Republikein 2025-11-05

Meld asseblief aan om kommentaar te lewer

Caprivi-saak: Siviele eise gaan voort

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.