Cango Construction vir N$4 miljoen gedagvaar

Yanna Smith - Die SME Bank se likwidateurs, mnre. Dave Bruni en Ian McLaren, dagvaar Cango Construction vir N$4 060 484,75.Die hofbevel teen Cango Construction, met sy geregistreerde kantore op Oshakati en hoofsakeperseel op Ondangwa, betrek die sakeman mnr. Michael Nghulondo, 'n werknemer van die Ondangwa-dorpsraad, mnr. Martin Shikongo, en die sakevrou me. Rauna Gotlieb, as die tweede, derde en vierde verweerders. Volgens Bruni en McLaren het die konstruksiemaatskappy, verteenwoordig deur Nghulondo, op 29 Januarie 2015 ’n lopende rekening met 'n oortrokke rekening oopgemaak. Op 30 Januarie 2015 het Nghulondo 'n waarborg onderteken wat hom as borg en medehoofskuldenaar aanspreeklik maak.Volgens die likwidateurs is "die bedrag wat verhaalbaar is (van Nghulondo) onbeperk, plus sodanige verdere bedrae of bedrae vir rente- of finansieringskoste op daardie bedrag, sowel as die koste wat van tyd tot tyd en hoe dan ook ontstaan, verskuldig en betaalbaar deur Cango Construction aan die SME Bank".Indien die maatskappy versuim, kan die SME Bank dit by Nghulondo verhaal. Nghulondo het erf 2761 in Washingtonstraat in Otjomuise, Windhoek, as sy adres vir regsdoeleindes aangedui.Shikongo en Gotlieb het dieselfde borgdokument met dieselfde bepalings onderteken en albei het erf 2609 in uitbreiding 9 op Oluno, Ondangwa, as hul adres vir regsdoeleindes aangedui.Op 31 Mei vanjaar het die oortrokke bankrekening N$4 060 484,75 beloop, wat rente insluit. "Cango Construction het nie sy verpligtinge ingevolge die ooreenkoms nagekom deur nie die uitstaande balans op die betaaldatum te betaal nie en het dus agterstallig met die sodanige betaling en rente daarop geraak."Bruni en McLaren eis die betaling van die balans van die oortrokke rekening, asook rente van 15,5% per jaar en die regskoste.Die verweerders het verlede Donderdag hul voorneme ingedien om die hofbevel teen te staan en 'n saakbeplanningsvergadering is voor regter Hannelie Prinsloo gehou.Sy het opdrag aan die verweerders gegee om hul pleitverduideliking nie later as 19 Oktober in te handig nie, en albei partye moet hul beëdigde verklarings teen 7 Desember inhandig. Die saak is tot 31 Januarie volgende jaar uitgestel.Mnr. Jacobus van Wyk van die regsfirma JC van Wyk verskyn vir Bruni en McLaren. Mnr. Ndateelela Shilongo van Sisa Namandje and Co. verdedig die vier verweerders.Die hoërhof het die SME Bank op 29 November 2017 voorlopig onder likwidasie geplaas ná 'n aansoek deur die Bank of Namibia.

Cango Construction vir N$4 miljoen gedagvaar

Kommentaar

Republikein 2026-05-05

Meld asseblief aan om kommentaar te lewer

Cango Construction vir N$4 miljoen gedagvaar

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.