CAN by wêreldberaad oor kanker
Die program wil gesondheidswerkers, beleidskrywers en nieregeringsorganisasies beter toerus om op kankervoorkoming en -sorg te fokus.
Die Kankervereniging van Namibië (CAN) se uitvoerende hoof, mnr. Rolf Hansen, woon van 15 tot 17 Oktober vanjaar se wêreldberaad vir kankerleiers in Nur-Sultan in Kazakstan by.
Dit spruit voort uit CAN se belangstelling in die Unie vir Internasionale Kankerbeheer (UICC) se Behandeling vir almal-inisiatief.
Die vereniging is ná ’n onderhoud as Global Cancer Country Champion vir 2019 aangewys.
Die program wil gesondheidswerkers, beleidskrywers en nieregeringsorganisasies (NGO’s) toerus om beter op kankervoorkoming en -sorg te fokus.
Universele gesondheidsdekking en hoe kankersorg deur die wêreldbeweging geraak word, sal ook bespreek word.
Uit die meer as 100 wêreld- kankerverenigings wat op die kortlys was en waarmee onderhoude gevoer is, is CAN een van 16 suksesvolle verenigings uit elke wêreldstreek wat daaraan toegewy is om regerings by die stryd teen kanker te betrek.
Dít sodat regerings beter toegang tot kankerdienste kan verseker en op sleutelareas soos inligting, vroeë opsporing, behandeling en ondersteunende en sorg kan fokus.
Deur middel van verskeie hulpmiddels en ’n aanlyn kursus het die verskeie kampioenlande sedert Maart saamgewerk om ’n doeltreffende veldtog vir behandeling vir almal te beplan, wat voor die aanvang van die Kazakstan-beraad ingedien is.
Die dokument sal beskikbaar wees vir ander organisasies en spanne van ministeries van gesondheid om wêreldwyd as hulpmiddel te dien om hul eie gesondheidstelsels te versterk.
Gebaseer op die behoeftes wat deur die deelnemende lande en organisasies geïdentifiseer is, sal verdere ondersteuning gebied word om vaardighede in die bou van vennootskappe, kommunikasie, fondsinsameling en monitering te verskaf.
“Ek voel geëerd en oorweldig dat die wêreldgemeenskap ons gesamentlike pogings raaksien en dat ons deur hierdie ervaring in ons eie gemeenskap kan terugploeg om ons mense te help,” het Hansen gesê.
Sy reis word deur die internasionale organisasie gedek.
CAN het hul dank teenoor die UICC en skenkers uitgespreek.
Dit spruit voort uit CAN se belangstelling in die Unie vir Internasionale Kankerbeheer (UICC) se Behandeling vir almal-inisiatief.
Die vereniging is ná ’n onderhoud as Global Cancer Country Champion vir 2019 aangewys.
Die program wil gesondheidswerkers, beleidskrywers en nieregeringsorganisasies (NGO’s) toerus om beter op kankervoorkoming en -sorg te fokus.
Universele gesondheidsdekking en hoe kankersorg deur die wêreldbeweging geraak word, sal ook bespreek word.
Uit die meer as 100 wêreld- kankerverenigings wat op die kortlys was en waarmee onderhoude gevoer is, is CAN een van 16 suksesvolle verenigings uit elke wêreldstreek wat daaraan toegewy is om regerings by die stryd teen kanker te betrek.
Dít sodat regerings beter toegang tot kankerdienste kan verseker en op sleutelareas soos inligting, vroeë opsporing, behandeling en ondersteunende en sorg kan fokus.
Deur middel van verskeie hulpmiddels en ’n aanlyn kursus het die verskeie kampioenlande sedert Maart saamgewerk om ’n doeltreffende veldtog vir behandeling vir almal te beplan, wat voor die aanvang van die Kazakstan-beraad ingedien is.
Die dokument sal beskikbaar wees vir ander organisasies en spanne van ministeries van gesondheid om wêreldwyd as hulpmiddel te dien om hul eie gesondheidstelsels te versterk.
Gebaseer op die behoeftes wat deur die deelnemende lande en organisasies geïdentifiseer is, sal verdere ondersteuning gebied word om vaardighede in die bou van vennootskappe, kommunikasie, fondsinsameling en monitering te verskaf.
“Ek voel geëerd en oorweldig dat die wêreldgemeenskap ons gesamentlike pogings raaksien en dat ons deur hierdie ervaring in ons eie gemeenskap kan terugploeg om ons mense te help,” het Hansen gesê.
Sy reis word deur die internasionale organisasie gedek.
CAN het hul dank teenoor die UICC en skenkers uitgespreek.
Kommentaar
Republikein
Geen kommentaar is op hierdie artikel gelaat nie