Calle reageer oor Langer Heinrich

Die minister van finansies, mnr. Calle Schlettwein, het gesê die belastingowerhede is bewus van die Langer Heinrich-myn se beweerde belastingontduiking."Namibiese belastingowerhede is bewus van hierdie saak en ander soortgelyke sake waarin oordragbeprysing en winsverskuiwing na belastingtoevlugsoorde plaasvind," het Schlettwein Donderdag in 'n mediaverklaring gesê."Ons het jare gelede die belastingowerhede in Mauritius gekontak om bykomende inligting soos bankstate, finansiële state, maatskappye se groepstrukture, asook ander relevante inligting, in te win oor inkomste wat vermoedelik belasbaar is. Ons wag nog vir hul terugvoering."Die staat het na bewering N$219 miljoen in belastinginkomste verloor weens die verkoop van aandele in een van die wêreld se grootste uraanmyne, Langer Heinrich.Dít omdat die regering se belastingontduikingswet glo nie voldoende is nie.Die Australiese mynmaatskappy Paladin Energy het na wat verneem word N$665 miljoen in hul sakke gesteek ná aandele in die Langer Heinrich-myn verkoop is deur 'n buitelandse maatskappy, wat in Mauritius gebaseer is.Belasting op die wins van die verkoop van aandele deur 'n maatskappy met 'n myn- of mineralereglisensie val onder die Inkomstebelastingwet van 30 Desember 2011."Dié wet vereis dat 'n maatskappy enige bedrag in sy bruto inkomste insluit wat ontvang is deur die direkte of indirekte verkoop van aandele indien so 'n maatskappy ’n mynlisensie of mineraleregte het. “Dit is van toepassing, ongeag of die transaksie binne of buite Namibië plaasgevind het, en of die transaksie 'n direkte of indirekte verkryging was," lui die verklaring."Ons volstaan daarby dat die opbrengs van hierdie spesifieke transaksie onderhewig is aan belasting in Namibië en dat enige belasting wat betaalbaar is, ingevorder moet word. Die ministerie is besig met die saak," het Schlettwein verseker.Hy sê die ministerie is wetlik verplig om belastingbetalers se inligting vertroulik te hanteer.

Calle reageer oor Langer Heinrich

Kommentaar

Republikein 2025-06-17

Meld asseblief aan om kommentaar te lewer

Calle reageer oor Langer Heinrich

Kommentaar

Republikein 2025-06-17

Meld asseblief aan om kommentaar te lewer

MELD AAN

Advertensie