C-klas hou Merc se wiele lekker aan die rol
Die Mercedes-Benz C-klas het die wiele van dié Duitse motorvervaardiger in so 'n mate aan die rol gehou dat hy sy bedrywighede in Suid-Afrika gaan uitbrei.
'n R200 miljoen-belegging in sy aanleg in Oos-Londen sal Mercedes-Benz toelaat om van later vanjaar drie weergawes van sy AMG-passasiersmotors te vervaardig.
Dit sluit die Mercedes-AMG E43 4MATIC, Mercedes-AMG C63 en die Mercedes-AMG C63 S in.
“Verlede jaar was 'n uitdagende jaar, maar ons het steeds ons plaaslike markaandeel tot meer as 7% verhoog,” het Arno van der Merwe, uittredende uitvoerende hoof van Mercedes-Benz Suid-Afrika, Maandag by die Zwartkops-renbaan in Centurion met die bekendmaking van die maatskappy se resultate vir die boekjaar tot einde Desember gesê.
Mercedes-Benz Suid-Afrika se inkomste het met 10,8% tot R73,4 miljard gestyg terwyl sy verdienste voor rente en belasting (ebit) met 27,3% tot R5,6 miljard gestyg het.
Produksie is met 11% tot 118 500 eenhede verhoog.
Hiervan was 114 000 passasiersvoertuie (12% meer as in 2015) en meer as 4 500 kommersiële voertuie.
“Wisselvallige wisselkoerse, nie net in Suid-Afrika nie, maar ook in die lande waarheen ons uitvoer, was 'n uitdaging in 2016,” sê Van der Merwe.
Meer as 90% van Mercedes-Benz C-klas-voertuie wat in Oos-Londen vervaardig en gemonteer word, word na meer as 80 internasionale markte uitgevoer.
“Hierdie groot persentasie uitvoer het gehelp om die impak van die swakker rand in 2016 teen te werk,” sê Van der Merwe.
Vragmotors
By vragmotors het sake nie heeltemal so klopdisselboom verloop nie.
Die swakker rand-dollar-wisselkoers in 2016 het daartoe gelei dat Freightliner Argosy-vragmotors nie meer na Suid-Afrika ingevoer word nie.
“Hierdie vragmotors word in Amerika vervaardig. Die swakker rand en swakker geldeenhede in die markte waarheen ons weer die vragmotors uitvoer, het daartoe gelei dat dit nie meer finansiële sin het om hulle in te voer nie.”
Hy het egter eienaars van hierdie voertuie verseker hul vragmotors sal steeds plaaslik gediens word en dat oorspronklike onderdele steeds beskikbaar sal wees.
Die maatskappy se werknemers wat vir Freightliner gewerk het, sal in ander afdelings van die maatskappy geïnkorporeer word.
Toekoms
Mercedes-Benz Suid-Afrika is veral opgewonde oor die toekoms van sy passasiersvoertuie en sê die gebruik van tegnologie sal nuwe produkte na die mark bring.
“In 2005 het ons slegs agt modelle gehad in ons passasiersvoertuigafdeling, in 2016 was daar 29 en teen 2020 verwag ons gaan daar 40 wees,” sê Van der Merwe.
Een van die produkte wat die maatskappy vanjaar in Suid-Afrika bekend gaan stel, is sy nuwe X-klas-bakkie.
Van der Merwe sê staatsteun soos die produksie-en-ontwikkelingsplan vir die voertuigbedryf (APDP) help om die voertuigsektor in Suid-Afrika volhoubaar te hou.
Hy sê die R461 miljoen-belegging in die boekjaar om onder meer die C350e- hibridiese model te vervaardig, is 'n voorbeeld hiervan.
Mercedes-Benz Suid-Afrika is nie op die JSE genoteer nie en maak net beperkte finansiële resultate bekend.
Verkoopsyfers vir passasier- en kommersiële voertuie word deur die Nasionale Vereniging van Voertuigvervaardigers van Suid-Afrika (Naamsa) gepubliseer.- Netwerk24
Dit sluit die Mercedes-AMG E43 4MATIC, Mercedes-AMG C63 en die Mercedes-AMG C63 S in.
“Verlede jaar was 'n uitdagende jaar, maar ons het steeds ons plaaslike markaandeel tot meer as 7% verhoog,” het Arno van der Merwe, uittredende uitvoerende hoof van Mercedes-Benz Suid-Afrika, Maandag by die Zwartkops-renbaan in Centurion met die bekendmaking van die maatskappy se resultate vir die boekjaar tot einde Desember gesê.
Mercedes-Benz Suid-Afrika se inkomste het met 10,8% tot R73,4 miljard gestyg terwyl sy verdienste voor rente en belasting (ebit) met 27,3% tot R5,6 miljard gestyg het.
Produksie is met 11% tot 118 500 eenhede verhoog.
Hiervan was 114 000 passasiersvoertuie (12% meer as in 2015) en meer as 4 500 kommersiële voertuie.
“Wisselvallige wisselkoerse, nie net in Suid-Afrika nie, maar ook in die lande waarheen ons uitvoer, was 'n uitdaging in 2016,” sê Van der Merwe.
Meer as 90% van Mercedes-Benz C-klas-voertuie wat in Oos-Londen vervaardig en gemonteer word, word na meer as 80 internasionale markte uitgevoer.
“Hierdie groot persentasie uitvoer het gehelp om die impak van die swakker rand in 2016 teen te werk,” sê Van der Merwe.
Vragmotors
By vragmotors het sake nie heeltemal so klopdisselboom verloop nie.
Die swakker rand-dollar-wisselkoers in 2016 het daartoe gelei dat Freightliner Argosy-vragmotors nie meer na Suid-Afrika ingevoer word nie.
“Hierdie vragmotors word in Amerika vervaardig. Die swakker rand en swakker geldeenhede in die markte waarheen ons weer die vragmotors uitvoer, het daartoe gelei dat dit nie meer finansiële sin het om hulle in te voer nie.”
Hy het egter eienaars van hierdie voertuie verseker hul vragmotors sal steeds plaaslik gediens word en dat oorspronklike onderdele steeds beskikbaar sal wees.
Die maatskappy se werknemers wat vir Freightliner gewerk het, sal in ander afdelings van die maatskappy geïnkorporeer word.
Toekoms
Mercedes-Benz Suid-Afrika is veral opgewonde oor die toekoms van sy passasiersvoertuie en sê die gebruik van tegnologie sal nuwe produkte na die mark bring.
“In 2005 het ons slegs agt modelle gehad in ons passasiersvoertuigafdeling, in 2016 was daar 29 en teen 2020 verwag ons gaan daar 40 wees,” sê Van der Merwe.
Een van die produkte wat die maatskappy vanjaar in Suid-Afrika bekend gaan stel, is sy nuwe X-klas-bakkie.
Van der Merwe sê staatsteun soos die produksie-en-ontwikkelingsplan vir die voertuigbedryf (APDP) help om die voertuigsektor in Suid-Afrika volhoubaar te hou.
Hy sê die R461 miljoen-belegging in die boekjaar om onder meer die C350e- hibridiese model te vervaardig, is 'n voorbeeld hiervan.
Mercedes-Benz Suid-Afrika is nie op die JSE genoteer nie en maak net beperkte finansiële resultate bekend.
Verkoopsyfers vir passasier- en kommersiële voertuie word deur die Nasionale Vereniging van Voertuigvervaardigers van Suid-Afrika (Naamsa) gepubliseer.- Netwerk24
Kommentaar
Republikein
Geen kommentaar is op hierdie artikel gelaat nie