Byna twee miljoen vir Nyae Nyae
Dié geld sal vir beter tradisionele brandbeheer en waterbestuur ingespan word.
Namibië se Omgewingsbeleggingsfonds (EIF) het onlangs meer as N$1,9 miljoen aan die Nyae Nyae-bewaringsgebied beskikbaar gestel vir brandbeheer en die bestuur van waterbronne.
Die projek is een van 19 projekte om klimaatsverandering te bestry, wat onlangs skenkings van N$85 miljoen van Namibië se Omgewingsbeleggingsfonds ontvang het.
Die skenkings is deur die Verenigde Nasies se Groen Klimaatsfonds (GCF) gerugsteun.
Die skenkings moet help om gemeenskappe se gehardheid teen klimaatsverandering deur middel van gemeenskapsgebaseerde hulpbronnebestuur te verbeter.
In ‘n verklaring wat deur die Nyae Nyae-bewaringsgebied uitgereik is, word gesê die skenking sal help om die gebied, wat in die Otjozondjupastreek geleë is, se inwoners en hul voortbestaan te beskerm.
“Die EIF-skenking bied steun aan die San-gemeenskap om maatreëls teen klimaatsverandering in te stel.
“Nyae Nyae het reeds bewys hul benadering tot brandbeheer is doeltreffend en voedselsekuriteit het die afgelope jare drasties verbeter. Die skenking sal help om dit verder te ontwikkel,” lui die verklaring.
Die Nyae Nyae-gebied se San-gemeenskap sê hulle het opgemerk jaarliks brand ‘n al groter deel van die bewaringsgebied af.
“Indien die neiging nie aangespreek word nie, sal die impak van onbeheerde brande op die gemeenskap en die diere- en plantlewe verwoestend wees.
“‘n Gebrek aan reën en water is nog ‘n saak wat oor die lang termyn gepak moet word, en oplossings moet geskep en toegepas word,” sê die verklaring.
Sedert 2014 het die Nyae Nyae-gemeenskap as ‘n geregistreerde gemeenskapswoud van tradisionele brandbeheermetodes gebruik begin maak.
Dit sluit in dat brande in die wintermaande rondom nedersettings en belangrike hulpbronne gestig word, wanneer die risiko vir onbeheerde brande die laagste is.
Brande word ook met behulp van satelliete fyn dopgehou.
“Die San-gemeenskap pas aktief by klimaatsverandering aan. Hulle besef en demonstreer dit is nou tyd om hul omgewing te bewaar en verantwoordelikheid vir hul toekoms te aanvaar. Namibië is ‘n droë land, tog het sy mense daarin geslaag om vir duisende jare te oorleef en te floreer,” lui die verklaring.
Namibië is besig om stappe te doen en maatreëls in te stel om klimaatsverandering te bestry.
Dit is ‘n land van uiterstes, en droogtes en hittegolwe het ‘n ernstige impak op die voortbestaan van die land, sy mense, en sy landbou.
Xoan/’an /Ai!ae, voorsitter van die Nyae Nyae-bewaringsgebied, het sy dankbaarheid vir die EIF-skenking uitgespreek en gesê dit beteken baie vir die gemeenskap en die bewaringsgebied.
“Dit is ook simbolies van Harambee, want dit wys wanneer ons as ‘n volk saamstaan en ons hulpbronne bymekaar sit om ‘n spesifieke groep te help, help ons eintlik alle Namibiërs,” het sy gesê.
Die projek is een van 19 projekte om klimaatsverandering te bestry, wat onlangs skenkings van N$85 miljoen van Namibië se Omgewingsbeleggingsfonds ontvang het.
Die skenkings is deur die Verenigde Nasies se Groen Klimaatsfonds (GCF) gerugsteun.
Die skenkings moet help om gemeenskappe se gehardheid teen klimaatsverandering deur middel van gemeenskapsgebaseerde hulpbronnebestuur te verbeter.
In ‘n verklaring wat deur die Nyae Nyae-bewaringsgebied uitgereik is, word gesê die skenking sal help om die gebied, wat in die Otjozondjupastreek geleë is, se inwoners en hul voortbestaan te beskerm.
“Die EIF-skenking bied steun aan die San-gemeenskap om maatreëls teen klimaatsverandering in te stel.
“Nyae Nyae het reeds bewys hul benadering tot brandbeheer is doeltreffend en voedselsekuriteit het die afgelope jare drasties verbeter. Die skenking sal help om dit verder te ontwikkel,” lui die verklaring.
Die Nyae Nyae-gebied se San-gemeenskap sê hulle het opgemerk jaarliks brand ‘n al groter deel van die bewaringsgebied af.
“Indien die neiging nie aangespreek word nie, sal die impak van onbeheerde brande op die gemeenskap en die diere- en plantlewe verwoestend wees.
“‘n Gebrek aan reën en water is nog ‘n saak wat oor die lang termyn gepak moet word, en oplossings moet geskep en toegepas word,” sê die verklaring.
Sedert 2014 het die Nyae Nyae-gemeenskap as ‘n geregistreerde gemeenskapswoud van tradisionele brandbeheermetodes gebruik begin maak.
Dit sluit in dat brande in die wintermaande rondom nedersettings en belangrike hulpbronne gestig word, wanneer die risiko vir onbeheerde brande die laagste is.
Brande word ook met behulp van satelliete fyn dopgehou.
“Die San-gemeenskap pas aktief by klimaatsverandering aan. Hulle besef en demonstreer dit is nou tyd om hul omgewing te bewaar en verantwoordelikheid vir hul toekoms te aanvaar. Namibië is ‘n droë land, tog het sy mense daarin geslaag om vir duisende jare te oorleef en te floreer,” lui die verklaring.
Namibië is besig om stappe te doen en maatreëls in te stel om klimaatsverandering te bestry.
Dit is ‘n land van uiterstes, en droogtes en hittegolwe het ‘n ernstige impak op die voortbestaan van die land, sy mense, en sy landbou.
Xoan/’an /Ai!ae, voorsitter van die Nyae Nyae-bewaringsgebied, het sy dankbaarheid vir die EIF-skenking uitgespreek en gesê dit beteken baie vir die gemeenskap en die bewaringsgebied.
“Dit is ook simbolies van Harambee, want dit wys wanneer ons as ‘n volk saamstaan en ons hulpbronne bymekaar sit om ‘n spesifieke groep te help, help ons eintlik alle Namibiërs,” het sy gesê.
Kommentaar
Republikein
Geen kommentaar is op hierdie artikel gelaat nie