Byna 700 gesondheidswerkers toets positief

Henriette Lamprecht – Nog 15 gesondheidswerkers het positief vir Covid-19 getoets, terwyl die getal Covid-19-verwante sterftes tot 163 gestyg. Dit ná drie sterftes in Windhoek en wel van onderskeidelik 'n 77-jarige en 80-jarige man en 'n 60 jarige vrou. Al drie het onderliggende mediese toestande gehad. Volgens die jongste syfers het nog 15 gesondheidswerkers positief getoets, met drie in Khomas, vyf elk vir Kunene en Oshana en een elk vir Erongo en Oshikoto. Volgens die situasieverslag van die Wêreldgesondheidsorganisasie (WHO) en die ministerie van gesondheid en maatskaplike dienste wat Saterdag om 17:00 die laaste keer opgedateer is, het die getal gesondheidswerkers wat positief getoets het, toe reeds op 666 gestaan, 4% van die totale gevalle. Die herstelkoers het Saterdag op 88,8% gestaan, met meer mans (53,9%) teenoor vroue (46,1%) wat positief getoets het. Die meerderheid gevalle was in die ouderdomsgroep 20 tot 49 jaar en wel 69,7%.Windhoek het gister weer die hoogste getal Covid-19-gevalle gehad en wel 107, 56% van die totaal vir die land van 190. Onder die gevalle in die hoofstad is sewe leerlinge en vyf onderwysers, sowel as vyf studente waaronder twee van die Universiteit van Namibië (Unam). Nege van die gevalle is werkers van dieselfde omgewing. Uit die 109 positiewe gevalle is buiten 107 in Windhoek, 19 op Opuwo, vier op Khorixas, een op Outjo, ses op Usakos, vyf op Swakopmund, vyf op Walvisbaai, drie op Omaruru, 16 op Oshakati, vier op Omuthiya, drie op Onandjokwe, vyf op Otjiwarongo, een op Okakarara, drie op Gobabis, een elk op onderskeidelik Outapi, Tsandi en Oshikuku, twee elk op onderskeidelik Lüderitz en Rundu en een op Rehoboth.Nog 153 mense het herstel wat die totaal op 1 723 te staan bring. Dit sluit 98 in Khomas, 30 in Hardap en 25 in Otjozondjupa in.Die aktiewe gevalle staan tans op 1 723 waarvan tien baie ernstig of kritiek is. Nege is in Khomas en een in Erongo.Tot op hede is 177 749 weefselmonsters getoets, 3 767 kontakte word gemonitor en 764 mense is in kwarantyn.Die minister van gesondheid en maatskaplike dienste, dr. Kalumbi Shangula, het gister gesê pres. Hage Geingob sal 'n aankondiging maak indien daar nuwe maatreëls teen die pandemie ingestel gaan word. - henriette@republikein.com.na

Byna 700 gesondheidswerkers toets positief

Kommentaar

Republikein 2025-12-18

Meld asseblief aan om kommentaar te lewer

Byna 700 gesondheidswerkers toets positief

Kommentaar

Republikein 2025-12-18

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.