Burgers boos vir belasting op Facebook, WhatsApp

Petrus Malherbe - Asof Jan Taks jou nie genoeg looi nie, het Uganda pas begin om sy burgers vir die gebruik van sosiale media te belas.Kragtens nuwe wetgewing moet Ugandese 200 sjieling (sowat 72c) per dag betaal om sosialemedianetwerke soos Facebook, Twitter, Instagram en Tinder te besoek. WhatsApp word ook belas.Die belasting word sedert die begin van Julie gehef, en het Ugandese behoorlik boos.Ladislaus Rwakafuuzi, ’n prominente Ugandese prokureur wat in menseregte spesialiseer, meen die nuwe wet dui daarop dat sy land agteruitboer. “Dit verhinder ontwikkeling en is in swak smaak,” sê hy.Amnestie Internasionaal het ’n beroep op Ugandese gedoen om die belasting te beveg. Die groep beskou dit as ’n “klinkklare poging om inwoners se reg op vryheid van spraak teen te werk”.Pres. Yoweri Museveni, wat Uganda sedert 1986 regeer, het in Maart gekla oor ’n “geskinder” aanlyn en sy minister van finansies, Matia Kasaija, beveel om die nuwe belasting in te vorder. Dit gaan glo aangewend word om bestaande internetdienste te verbeter.Uganda se grootste diensverskaffer, MTN, sê in ’n verklaring die belasting sal elke dag van gebruikers se lugtyd verhaal word en aan die belastinggaarder betaal word. Gebruikers sal afslag kry indien hulle die belasting maandeliks vooruit betaal.Sodra die belasting betaal is, sal gebruikers tot middernag toegang kry tot die betrokke sosiale media, waarna hulle vir ’n nuwe dag sal moet betaal.Ugandese het blitsvinnig begin om die stelsel te omseil deur gebruik te maak van ’n virtuele private netwerk (VPN) wat aan ’n diensverskaffer verdoesel dat jy in die land is.Godfrey Mutabazi, uitvoerende direkteur van Uganda se kommunikasiekommissie, het gesê diensverskaffers moet VPN’e blokkeer.Volgens die dagblad Dispatch het internetdiensverskaffers reeds begin om dit te blokkeer, maar daar is te veel om almal te keer.Gevolglik het die regering met ’n veldtog begin om burgers in te lig dat VPN’e as’t ware duurder is as die belasting wat hulle moet betaal.Ironies genoeg het Mutabazi hom Dinsdagoggend tot Facebook gewend om Ugandese mee te deel dat dit meer “verstandig” en “ekonomies” is om die belasting te betaal.“As ons noodsaaklikhede soos water kan belas, waarom nie sosiale media nie?” - Netwerk24

Burgers boos vir belasting op Facebook, WhatsApp

Kommentaar

Republikein 2025-05-01

Meld asseblief aan om kommentaar te lewer

Burgers boos vir belasting op Facebook, WhatsApp

Kommentaar

Republikein 2025-05-01

Meld asseblief aan om kommentaar te lewer

MELD AAN

Advertensie