Burgerlikes en SADC

Die beraad van staatshoofde van die Suider-Afrikaanse Ontwikkelingsgemeenskap (SADC) wat die naweek in Windhoek ten einde geloop het, sal waardeloos wees indien die besluite en planne die lewe van burgerlikes in die streek nie wesentlik verander nie.Ernstige aanklagte is teen leiers gemaak by die menseberaad wat deur burgerlike organisasies en menseregte-aktiviste op die kantlyn van die hoofberaad aangebied is.Een daarvan was dat hulle moet “wakker skrik” en die ellende besef waarin die oorgrote meerderheid van mense in die streek leef.Politieke leiers en die elites na aan hulle word van selfverryking en staatskaping beskuldig. Ander aanklagte was dat hulle die belange van multinasionale maatskappye bo die van hul eie mense stel, nie respek vir die omgewing en natuurlike hulpbronne het nie en nie basiese dienste soos behuising en sanitasie kan voorsien nie.SADC het 26 jaar gelede juis hier in Windhoek sy beslag gekry.In dié meer as ’n kwarteeu is daar nie noemenswaardige vordering gemaak om mense uit armoede op te hef nie. Trouens, in van die lande in die streek is mense selfs méér uitgelewer as voorheen. Daarom moet die petisie wat Vrydag by die SADC-beraad deur die organiseerders van die menseberaad aan die staatshoofde oorhandig is, deur die leiers met die nodige erns hanteer word.Die mense het gepraat. Soos die uittredende voorsitter, mnr. Cyril Ramaphosa, tereg gesê het beskik die streek oor ’n jong demografie en ’n al hoe groter wordende verbruikersklas. Dit dek die tafel vir industrialisasie, wat ekonomiese groei gaan bring.Gebruik die geleenthede; ontsluit die groei.En lig die mense uit armoede. Netwerk24, 20 Augustus 2018Media se regte is almal se regteEen van die hoekstene van die demokrasie is vryheid van spraak en mediavryheid.Dat byna 350 Amerikaanse koerante dit verlede week nodig geag het om in onderlinge solidariteit beswaar te maak teen pres. Donald Trump se gereelde aanvalle op die media wat hom kritiseer, wys dat hy die Amerikaanse demokrasie – die moeder van alle moderne demokrasieë – swaar beproef.Die toetssteen is egter of koerante daarna strééf om billik in hul weergawe van die feite en kommentaar te wees.In enige demokrasie is daar altyd ’n gesonde wrywing tussen politici wat die media as verlengstukke van hul eie propagandamasjien wil aanwend, en onafhanklike joernaliste wat die politici verantwoordbaar vir hul dade wil hou.Die media vra nie spesiale regte nie; ons en die samelewing se regte is identies. En as jy die media se regte beskadig, beskadig jy álmal se regte.

Burgerlikes en SADC

Kommentaar

Republikein 2025-05-13

Meld asseblief aan om kommentaar te lewer

Burgerlikes en SADC

Kommentaar

Republikein 2025-05-13

Meld asseblief aan om kommentaar te lewer

MELD AAN

Advertensie