Bulle oor afleggings verkla
Die aksie was onbillik, kla vyf wat pakkette gekry het.
Die vyf werknemers wat verlede maand deur die Blou Bulle Maatskappy (BBM) afgedank is, eis nou dat die Bulle hulle weer aanstel – en dat hulle geldelik vergoed word vir die “onbillike behandeling” waaraan hulle blootgestel is tydens die proses van aflegging.
Wat bedoel was om die Bulle geldelik op 'n beter voet te plaas, kan nou boemerang en die Bulle etlike miljoene kos.
Hoewel die BBM die saak as afgehandel beskou, het die vyf – drie afrigters en twee spanbestuurders – die afgelope week 'n formele klag by die Kommissie vir Bemiddeling, Versoening en Arbitrasie (KBVA) ingedien.
Die spanbestuurder Tim Dlulane, afrigters Pine Pienaar, Dewey Swartbooi en Denzil Frans, asook junior spanbestuurder Nqubeko Zulu word deur hul vakbond Sports Employees Unite verteenwoordig. Al vyf is verlede maand in 'n afleggingsproses deur die BBM afgedank. Die BBM het daarna in 'n tweede ronde afleggings ook ses ander administratiewe werknemers afgedank.
Volgens die klagte by die KBVA beweer die vyf dat die BBM nie regmatig opgetree het tydens die afleggingsproses nie, en dat die prosedure nie reg toegepas is nie.
Onder andere bevraagteken hulle die spesifieke keurproses – veral omdat die BBM nie een van sy 159 spelers op die boeke se kontrakte beëindig het nie.
Hulle beweer die BBM se verweer dat die afleggings weens finansiële druk was, verkeerd is, dat sy keurproses foutief was en dat die vyf vooruit in die visier geplaas is.
Verder lui die klagte die proses was foutief omdat drie van die vyf op termynkontrakte was wat uitbetaal moes word, en nie soos 'n gewone afleggingsproses gehanteer moes word nie.
Verder word aangevoer dat die proses nie behoorlike konsultasie behels het nie en die BBM nie alle feite geopenbaar het nie.
Barend van Graan, uitvoerende hoof van die BBM, het nie die naweek op 'n versoek op kommentaar gereageer nie, maar het voorheen aan Rapport gesê die afleggings was 'n objektiewe proses ooreenkomstig die voorskrifte van die Wet op Arbeidsverhoudinge.
Die vyf eis egter dat hulle in hul poste heraangestel word, met agterstallige vergoeding ingesluit. Alternatiewelik eis hulle 12 maande se besoldiging.
Volgens Rapport se inligting het die vyf hul skeidingspakkette die afgelope week ontvang, maar is hulle nie gelukkig met die proses, óf die uitbetalings nie.
Die afgedankte Superrugby-afrigter Nollis Marais is nie deur die afleggings geraak nie. Hy sal volgende jaar die Bulle se o.19's afrig.
Die Bulle het nie 'n spanbestuurder vir die Superrugby-reeks aangekondig nie – weens die feit dat hulle volgens die afleggingsproses die pos oortollig gemaak het. Dié pligte sal moontlik deur die hoëprestasiebestuurder, Xander Janse van Rensburg, behartig word.
Piet Heymans, uitvoerende hoof van Sports Employees Unite, het gesê die aantal juniors wat deur die BBM gekontrakteer is, kon onder oë geneem word om die finansiële druk te verlig.
“Ten spyte van die druk het hulle steeds baie juniors gekontrakteer. Daarom is dit onverstaanbaar dat daar nie ook op spelersvlak probeer is om die finansiële druk beter te bestuur nie.”
– Netwerk24
Wat bedoel was om die Bulle geldelik op 'n beter voet te plaas, kan nou boemerang en die Bulle etlike miljoene kos.
Hoewel die BBM die saak as afgehandel beskou, het die vyf – drie afrigters en twee spanbestuurders – die afgelope week 'n formele klag by die Kommissie vir Bemiddeling, Versoening en Arbitrasie (KBVA) ingedien.
Die spanbestuurder Tim Dlulane, afrigters Pine Pienaar, Dewey Swartbooi en Denzil Frans, asook junior spanbestuurder Nqubeko Zulu word deur hul vakbond Sports Employees Unite verteenwoordig. Al vyf is verlede maand in 'n afleggingsproses deur die BBM afgedank. Die BBM het daarna in 'n tweede ronde afleggings ook ses ander administratiewe werknemers afgedank.
Volgens die klagte by die KBVA beweer die vyf dat die BBM nie regmatig opgetree het tydens die afleggingsproses nie, en dat die prosedure nie reg toegepas is nie.
Onder andere bevraagteken hulle die spesifieke keurproses – veral omdat die BBM nie een van sy 159 spelers op die boeke se kontrakte beëindig het nie.
Hulle beweer die BBM se verweer dat die afleggings weens finansiële druk was, verkeerd is, dat sy keurproses foutief was en dat die vyf vooruit in die visier geplaas is.
Verder lui die klagte die proses was foutief omdat drie van die vyf op termynkontrakte was wat uitbetaal moes word, en nie soos 'n gewone afleggingsproses gehanteer moes word nie.
Verder word aangevoer dat die proses nie behoorlike konsultasie behels het nie en die BBM nie alle feite geopenbaar het nie.
Barend van Graan, uitvoerende hoof van die BBM, het nie die naweek op 'n versoek op kommentaar gereageer nie, maar het voorheen aan Rapport gesê die afleggings was 'n objektiewe proses ooreenkomstig die voorskrifte van die Wet op Arbeidsverhoudinge.
Die vyf eis egter dat hulle in hul poste heraangestel word, met agterstallige vergoeding ingesluit. Alternatiewelik eis hulle 12 maande se besoldiging.
Volgens Rapport se inligting het die vyf hul skeidingspakkette die afgelope week ontvang, maar is hulle nie gelukkig met die proses, óf die uitbetalings nie.
Die afgedankte Superrugby-afrigter Nollis Marais is nie deur die afleggings geraak nie. Hy sal volgende jaar die Bulle se o.19's afrig.
Die Bulle het nie 'n spanbestuurder vir die Superrugby-reeks aangekondig nie – weens die feit dat hulle volgens die afleggingsproses die pos oortollig gemaak het. Dié pligte sal moontlik deur die hoëprestasiebestuurder, Xander Janse van Rensburg, behartig word.
Piet Heymans, uitvoerende hoof van Sports Employees Unite, het gesê die aantal juniors wat deur die BBM gekontrakteer is, kon onder oë geneem word om die finansiële druk te verlig.
“Ten spyte van die druk het hulle steeds baie juniors gekontrakteer. Daarom is dit onverstaanbaar dat daar nie ook op spelersvlak probeer is om die finansiële druk beter te bestuur nie.”
– Netwerk24
Kommentaar
Republikein
Geen kommentaar is op hierdie artikel gelaat nie