Bulle 'dra nie letsels' van Leeu-aanval

08 March 2018 | Sport
Cobus Claassen

Die nederlaag die afgelope Saterdag teen die Leeus word nie as ’n terugslag beskou nie, maar eerder as ’n rigtingwyser vir die pad vorentoe, sê die Bulle-vleuel Johnny Kotze.

Daar word vandeesweek in die Bulle-kamp werk daarvan gemaak dat die vertoning in die Superreeks teen die Leeus op Loftus Versfeld as geskiedenis aangeteken staan.

“Ons wil leer daaruit en ’n beter span word. Dit was nie die verlangde uitslag nie, maar ons het ’n kans om dit reg te stel,” sê Kotze.

Die Bulle se eerste toerwedstryd Doer Onder is Saterdag in Brisbane teen die Reds. Die 25-jarige Kotze, wat vroeër in sy loopbaan vir die Stormers Superrugby gespeel het, het teen die Leeus en die vorige naweek teen die Hurricanes die eerste drie vir die Bulle gaan druk. Hy het teen die Leeus met groot vernuf ’n hoekskoppie van Handré Pollard bemeester en gaan afrond.

Kotze het die vorige week teen die Hurricanes die taak gehad om die All Black-vleuel Julian Savea hok te slaan. Hy sê nadat hy verlede seisoen lank met beserings gesukkel het, wil hy nou elke geleentheid optimaal benut.

“Daar gaan altyd iewers beserings op jou pad kom. Jy kan nooit dat dit jou onderkry nie en ek is bly dat ek in die eerste twee wedstryde ’n bydrae kon maak. Dit was ook my uitgangspunt toe ek besluit het om Bulle toe te kom,” sê Kotze.

Hy sê die Bulle beskou die Reds allermins as ’n makliker wedstryd op toer (hulle kom in Nieu-Seeland teen die Chiefs en die Crusaders te staan). Die Reds het Saterdag verras toe hulle die Brumbies met 18-10 geklop het.

Brad Thorn, wat vanjaar die Queenslanders brei, is tans besig om ’n span met jonger spelers te bou en dit is ’n goeie geleentheid vir die Bulle om die tuisspan se gebrekkige ervaring uit te buit.

“Ons wil ’n beter eenheid word en gaan beslis nie die Reds onderskat nie.”

Die onus is op die Bulle se voorspelers om ’n beter vertoning in die Suncorp-stadion te lewer. Waar die Bulle se agttal in die eerste wedstryd teen die Hurricanes die beginpunt van hulle sege was, het die span se probleme voor begin teen die Leeus. John Mitchell, die Bulle se hoofafrigter, maak vandag sy span bekend. – Netwerk24

Soortgelyk

 

SDFN houses at Kalkfeld nearing completion

6 ure gelede | Infrastruktuur

KALKFELD – The construction of 18 houses by the Shack Dwellers Federation of Namibia (SDFN) is nearing completion at the Kalkfeld settlement in the Otjozondjupa...

Manlike pasiënt 'twee keer' besny

6 ure gelede | Ministeries

Henriette Lamprecht Die ministerie van finansies het 'n forensiese ondersoek na die eispatrone van verskaffers van gesondheidsdienste van stapel gestuur om moontlike bedrog by die...

Kaptein wou terugdraai voor 157 sterf

6 ure gelede | Ongelukke

Ronelle Rademeyer Die kaptein van Ethiopian Airlines se vlug ET302 het toestemming gehad om die vliegtuig terug te draai na die Internasionale Lughawe Bole by...

Só vaar die Verkrygingsraad

6 ure gelede | Ministeries

Augetto Graig Struikelblokke kan in geleenthede omskep word. Só sê me. Lischen Ramakhutla, die Sentrale Verkrygingsraad van Namibië (CPBN) se administratiewe hoof.Sy en mnr. Patrick...

Weer vir 11 Maart 2019

6 ure gelede | Weer

BINNELAND: Gedeeltelik bewolk en warm tot baie warm in die Noorde, Noordooste, Ooste en sentrale hoogland met geïsoleerde donderbuie op plekke. Elders sal dit...

Ou beursbeleid finansier 'enige' student

6 ure gelede | Onderwys

Henriette Lamprecht - “As jy van die begin af nie gehad het wat nodig is nie, gaan jy dit ook nie aan die einde...

Stem nou vir jou gunstelingpaartjie!

6 ure gelede | Gebeure

D'Arlin en Leigh-Ann Benade is een van die top-30-paartjies in Republikein se Bruidspaar van die Jaar-kompetisie. Een gelukkige leser, wat aan ons SMS-kompetisie deelneem, kan...

Aanleg les binnekort weer dors

6 ure gelede | Regering

Elvira Hattingh - Windhoek se WinGoc-aanleg (Windhoek Goreangab Operating Company) sal na verwagting binne dae weer drinkwater aan Windhoekers kan verskaf. Terselfdertyd beplan die munisipaliteit...

Wetsontwerp terug parlement toe

6 ure gelede | Ministeries

Ogone Tlhage – Die wet op staatsondernemings sal na verwagting eersdaags weer in die Nasionale Vergadering (NV) vir finale insette voorgelê word, mnr. Leon Jooste,...