Buitelandse sendings vat groot hap uit begroting
Die minister van internasionale betrekkinge en samewerking het haar begroting ter tafel gelê.
Die totale begroting van die ministerie van internasionale betrekkinge en samewerking is sowat N$941,3 miljoen, waarvan slegs 15% (N$145 miljoen) vir die ontwikkelingsbegroting geoormerk is, en die res, sowat N$796,3 miljoen, vir die bedryfsbegroting.
Die grootste deel van die bedryfsbegroting, sowat N$587,2 miljoen, sal aan buitelandse sendings bestee word, het die minister, me. Netumbo Nandi-Ndaitwah, tydens haar begrotingsmosie in die Nasionale Vergadering gesê.
"Dit is om die funksies van die 31 Namibiese sendings en drie poste in die buiteland te bevorder, asook vir kantoorhuur, personeel-akkommodasie en -salarisse, skoolfondse en mediese koste vir personeel en hul afhanklikes, asook onderhoud van voertuie en toerusting," het sy gesê.
Die minister het bevestig 'n ambassade gaan in die Verenigde Arabiese Emirate, asook 'n konsulaat in Lubumbashi in die Demokratiese Republiek die Kongo oopgemaak word.
Vir multilaterale beleidskoördinasie is sowat N$109,2 miljoen begroot vir die ministerie om aan verskeie internasionale en streekskonferensies deel te neem, soos onder meer vergaderings van die Afrika-unie (AU), Namibië-Europese Unie Politieke Dialoog, die Statebond Ministeriële Aksiegroep en die Tokio Konferensie oor Afrika-ontwikkeling (Ticad).
"Op die vasteland sal Namibië voortgaan om die AU Agenda 2063 te prioritiseer en ministeriële vergaderings aanbied om die proses van die implementering van Agenda 2063 en sy tienjaar-implementeringsplan te evalueer," het die minister gesê.
Wat streeks- en bilaterale betrekkinge en samewerking betref, is sowat N$18 miljoen begroot vir die diplomatieke betrekkinge wat Namibië met meer as 150 lande wêreldwyd handhaaf, en sluit staatsbesoeke in.
Die minister het beklemtoon dat 'n spesiale aparte rekening vir die fonds rakende die onderhandelinge tussen Namibië en Duitsland oor die volksmoord tussen 1904 tot 1908 gestig is.
"Dit is nie in die 2019-'20-boekjaar begroot nie, want die fonds was tydens die vorige boekjaar voldoende," het Nandi-Ndaitwah gesê.
Meer as N$67,5 miljoen is vir ondersteuningsdienste begroot, wat die stigting van die Namibiese Diplomatieke Akademie teen 2022 insluit, asook inligtingskommunikasietegnologie.
"Die webtuistes van die 34 diplomatieke missies sal gestandaardiseer word om 'n eenvormige identiteit vir die Namibiese sendings te skep," het die minister gesê.
"Die ministerie sal ook voortgaan om die implementering van die Namibiese beleid oor internasionale betrekkinge en samewerking te monitor. "
Nandi-Ndaitwah het gesê nege maande gelede het Namibië sy eerste buitelandse minister, "die ghoeroe van diplomasie en my mentor, dr. Theo-Ben Gurirab, verloor". Derhalwe sal die ministerie sy erfenis laat voortbestaan deur die dr. Theo-Ben Gurirab-lesingsreeks aan te bied.
Vir protokol en konsulêre dienste is sowat N$14,2 miljoen begroot. Alle staatsgeleenthede soos onafhanklikheidsvieringe, Cassinga- en Heldedag, asook staatsbegrafnisse val onder hierdie program.
Die grootste deel van die bedryfsbegroting, sowat N$587,2 miljoen, sal aan buitelandse sendings bestee word, het die minister, me. Netumbo Nandi-Ndaitwah, tydens haar begrotingsmosie in die Nasionale Vergadering gesê.
"Dit is om die funksies van die 31 Namibiese sendings en drie poste in die buiteland te bevorder, asook vir kantoorhuur, personeel-akkommodasie en -salarisse, skoolfondse en mediese koste vir personeel en hul afhanklikes, asook onderhoud van voertuie en toerusting," het sy gesê.
Die minister het bevestig 'n ambassade gaan in die Verenigde Arabiese Emirate, asook 'n konsulaat in Lubumbashi in die Demokratiese Republiek die Kongo oopgemaak word.
Vir multilaterale beleidskoördinasie is sowat N$109,2 miljoen begroot vir die ministerie om aan verskeie internasionale en streekskonferensies deel te neem, soos onder meer vergaderings van die Afrika-unie (AU), Namibië-Europese Unie Politieke Dialoog, die Statebond Ministeriële Aksiegroep en die Tokio Konferensie oor Afrika-ontwikkeling (Ticad).
"Op die vasteland sal Namibië voortgaan om die AU Agenda 2063 te prioritiseer en ministeriële vergaderings aanbied om die proses van die implementering van Agenda 2063 en sy tienjaar-implementeringsplan te evalueer," het die minister gesê.
Wat streeks- en bilaterale betrekkinge en samewerking betref, is sowat N$18 miljoen begroot vir die diplomatieke betrekkinge wat Namibië met meer as 150 lande wêreldwyd handhaaf, en sluit staatsbesoeke in.
Die minister het beklemtoon dat 'n spesiale aparte rekening vir die fonds rakende die onderhandelinge tussen Namibië en Duitsland oor die volksmoord tussen 1904 tot 1908 gestig is.
"Dit is nie in die 2019-'20-boekjaar begroot nie, want die fonds was tydens die vorige boekjaar voldoende," het Nandi-Ndaitwah gesê.
Meer as N$67,5 miljoen is vir ondersteuningsdienste begroot, wat die stigting van die Namibiese Diplomatieke Akademie teen 2022 insluit, asook inligtingskommunikasietegnologie.
"Die webtuistes van die 34 diplomatieke missies sal gestandaardiseer word om 'n eenvormige identiteit vir die Namibiese sendings te skep," het die minister gesê.
"Die ministerie sal ook voortgaan om die implementering van die Namibiese beleid oor internasionale betrekkinge en samewerking te monitor. "
Nandi-Ndaitwah het gesê nege maande gelede het Namibië sy eerste buitelandse minister, "die ghoeroe van diplomasie en my mentor, dr. Theo-Ben Gurirab, verloor". Derhalwe sal die ministerie sy erfenis laat voortbestaan deur die dr. Theo-Ben Gurirab-lesingsreeks aan te bied.
Vir protokol en konsulêre dienste is sowat N$14,2 miljoen begroot. Alle staatsgeleenthede soos onafhanklikheidsvieringe, Cassinga- en Heldedag, asook staatsbegrafnisse val onder hierdie program.
Kommentaar
Republikein
Geen kommentaar is op hierdie artikel gelaat nie