Buitelanders vlug uit SA effekte

Nog 'n maand bly oor voordat Moody's Investors Service op 1 November Suid-Afrika se kredietgradering hersien, maar buitelandse beleggers vat nie kanse nie.Buitelandse eienaarskap van Suid-Afrikaanse staatseffekte het teen einde Augustus tot 37% van die totaal geval, van so hoog as 43% in Maart 2018, volgens syfers van die tesourie.Dis die laagste vlak sedert Februarie 2017. Dit skep die indruk dat sommige beleggers nie wil wag totdat Moody's die land tot rommelstatus afgradeer nie.Só 'n besluit sal beteken dat Suid-Afrika op nie-beleggingsgraad by die twee grootste kredietgradeerders is, wat beteken dat staatseffekte uit Citigroup se wêreldindeks van staatseffekte gaan val. Beleggers wat dié indeks volg, sal dus moet verkoop.Tot US$15 miljard kan dan landuit vloei.Standard & Poor's Global Ratings en Fitch Ratings het die land reeds in 2017 afgegradeer.Die verkope deur buitelanders kom selfs al is die opbrengskoers op Suid-Afrikaanse staatseffekte die hoogste in die indeks.Die indeks vereis 'n beleggingsgradering by óf Moody's óf Standard & Poor's Global Ratings (S&P). S&P en Fitch Ratings het die land reeds in 2017 afgegradeer.“Ramaforie is duidelik dood,” sê Edwin Gutierrez van die Britse batebestuurder Aberdeen Asset Management, met verwysing na beleggers se hoë vlakke van vertroue toe pres. Cyril Ramaphosa in Februarie 2018 president geword het.Moody's het verlede maand gesê sy stabiele vooruitsig vir staatskuld beteken die kredietgradering is vir nog 12 tot 18 maande veilig (hy sal eers die vooruitsig in negatief verander), en dat Ramaphosa se regering tyd nodig het om ekonomiese hervorming deur te voer. Dit sluit in dat Eskom, wat geld bloei, omgekeer moet word.Moody's kan egter geduld verloor as Tito Mboweni, minister van finansies, se mediumtermynbegrotingsraamwerk op 30 Oktober nie oortuigend is dat die regering skuld en die fiskale tekort aanpak nie.“Die verwagte witskrif oor Eskom se ontknoping is die belangrikste maatstaf om dop te hou,” sê Daniel Tenengauzer van die New Yorkse beleggingsbank BNY Mellon.As 'n geloofwaardige omkeerplan vir Eskom nie opgestel kan word nie, moet die regering dalk vir Eskom se skuld van R450 miljard pa staan. Dit sal druk plaas op die fiskale tekort, wat volgens die raming in die Februarie-begroting 4,9% van die bruto binnelandse produk (BBP) beloop.As die tekort tot meer as 5,5% van die BBP groei, sal Moody's se optimisme taan, sê Tenengauzer.Die opbrengskoers op effekte wat in Desember 2026 betaalbaar is, was Dinsdagmiddag 8,36%, die hoogste sedert 21 Augustus.Buitelanders het in September (tot 27 September gemeet) 'n netto R2,7 miljard se staatseffekte verkoop, volgens JSE-data. Dit bring die totale uitvloei vir die jaar tot dusver op R8,8 miljard te staan.– Bloomberg/Netwerk24

Buitelanders vlug uit SA effekte

Kommentaar

Republikein 2025-06-18

Meld asseblief aan om kommentaar te lewer

Buitelanders vlug uit SA effekte

Kommentaar

Republikein 2025-06-18

Meld asseblief aan om kommentaar te lewer

MELD AAN

Advertensie