Brugramp: Cyril betuig meegevoel

Die regering sal saam met die skoolgemeenskap werk om die presiese oorsake van die Hoërskool Driehoek-tragedie in Vanderbijlpark te bepaal én te verseker dat onderrig by dié skool op die gepaste tyd en onder die gepaste omstandighede hervat kan word, sê pres. Cyril Ramaphosa.Ramaphosa het Vrydag in ’n verklaring sy meegevoel betuig ná die dood van toe nog drie leerlinge, sowel as die besering van 23 ander by die skool nadat ’n deel van ’n loopbrug ineengestort het.’n Vierde leerling is sedertdien dood.Hy het sy innige meegevoel met die families en vriende van die oorledenes sowel as die personeel en die hele skoolgemeenskap van die Hoërskool Driehoek betuig.TRAGEDIE RAAK ALMALHy het ook al die beseerdes ’n spoedige herstel toegewens.“Hierdie is ’n tragedie wat alle Suid-Afrikaners raak. Ons het jong mense verloor wat besig was met die belangrikste strewe van hul jong lewe, naamlik hul opvoeding.”Ramaphosa het ook die sielkundige ondersteuning wat die regering aan die families van die oorledenes en beseerdes sowel as die personeel en beheerliggaam van die Hoërskool Driehoek aangebied het, verwelkom.“Dit is my hoop dat die mense van ons land en van die Vaaldriehoek-gebied in hierdie tyd van rou as een sal saamstaan om die Hoërskool Driehoek-gemeenskap te ondersteun,” het Ramaphosa gesê. – Netwerk24

Brugramp: Cyril betuig meegevoel

Kommentaar

Republikein 2025-06-20

Meld asseblief aan om kommentaar te lewer

Brugramp: Cyril betuig meegevoel

Kommentaar

Republikein 2025-06-20

Meld asseblief aan om kommentaar te lewer

MELD AAN

Advertensie