Bronsplaat by Christuskirche se voordeur kry voete

Ronelle RademeyerDie Nasionale Erfenisraad van Namibië was teen gister nog onbewus daarvan dat een van die bekendste geskiedkundige geboue in die land wat jaarliks deur duisende toeriste besoek word, vermoedelik deur skrootmetaaldiewe geplunder is.Die bronsplaat by die ingang van die Christuskirche wat aandui dat dit 'n geproklameerde nasionale monument is, is gesteel. Dié swaar plaat is enkele dae gelede uit die sandsteenmuur regs van die kerkdeur geruk. Dr. Andreas Vogt, kultuurhistorikus en skrywer van die boek National Monuments of Namibia, het dit bevestig.Mnr. Jürgen Kuhanga, die beampte vir erfenisgeboue by die raad, het by navraag gesê die diefstal van die bronsplaat is nog nie onder sy aandag gebring nie.Die inskrywing op die gedenkplaat lees: “Die hoeksteen van hierdie kerkgebou is op 11 Augustus 1907 deur Pastor Anz gelê, regeringsboumeester Gottlieb Redecker het die gebou ontwerp en oor die oprigting toesig gehou. Op 16 Oktober 1910 is dit feestelik in gebruik geneem.”Vogt sê dié geskiedkundige kerk, wat sinoniem is met Windhoek en as een van die belangrikste argitektoniese landmerke uit die koloniale tyd beskou word, is op 29 November 1974 as nasionale monument geproklameer.Hy sê die Namibië Instituut vir Argitekte (NIA) het in 1982 (dit was toe nog die Instituut vir Suidwes-Afrikaanse argitekte) alle geskiedkundige geboue in die land geëvalueer om hul bewaringstatus te bepaal. “Die Christuskriche het 'n punt van 98 uit 100 behaal,” sê hy.– ronelle@republikein.com.na

Bronsplaat by Christuskirche se voordeur kry voete

Kommentaar

Republikein 2026-06-26

Meld asseblief aan om kommentaar te lewer

Bronsplaat by Christuskirche se voordeur kry voete

Kommentaar

Republikein 2026-06-26

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.