Broer steek suster met mes dood
Otis Finck op Walvisbaai - 'n Jong man van 20 het gister in die landdroshof op Hentiesbaai verskyn nadat hy na bewering sy 24-jarige suster met 'n mes doodgesteek het.
Die polisie het gister die sterfte van Jennifer Nicole Louw (24) bevestig.
"Sy het Maandag in ’n hospitaal op Swakopmund gesterf aan 'n besering wat sy op Oukersdag opgedoen het toe haar broer, Gilbert Andrew Louw (20), haar glo met 'n mes in die rug gesteek het. Ons het die verdagte in hegtenis geneem en ondersoek die voorval," het hoofinsp. Erastus Ikuyu gesê.
Geen borgtog is gister aan Louw toegestaan nadat sy saak tot 8 Februarie vir verdere ondersoek uitgestel is nie.
Volgens Ikuyu het die voorval omstreeks middernag by Erf 309 in Khomasstraat in die Omdel-woonbuurt plaasgevind. Die beseerde Jennifer is deur haar familie na die kliniek op Hentiesbaai geneem, vanwaar sy later na Swakopmund oorgeplaas is. Sy is in dié hospitaal oorlede.
Die Louw-kinders se ma sê die familie is verpletter ná wat gebeur het. "Mense is gou om te oordeel sonder dat hulle weet wat gebeur het. Ons is besig om die begrafnisreëlings te tref en sal haar hopelik volgende Saterdag hier op Hentiesbaai begrawe."
Dit was die vierde moord wat vóór en gedurende die Kersnaweek in die Erongostreek aangemeld is. Aletha Swartbooi (27) het beswyk nadat sy omstreeks 23:00 op 23 Desember op Omaruru met 'n skerp voorwerp in die bors gesteek is.
Verder het verbygangers op 22 Desember op Arandis die lyk van die 18-jarige Prince Gowaseb in 'n plas bloed gevind. Hy is vier keer in die kop gesteek.
Brendon Keramin (27) is op 20 Desember in die Tulinawa-woonbuurt, Mondesa doodgeskiet. Dawid Oubas Goa-Eiseb (31) is in verband met die voorval in hegtenis geneem. Hy het op 22 Desember in die landdroshof op Swakopmund op 'n klag van moord verskyn, waarna sy saak tot 4 Januarie vir verdere ondersoek uitgestel is. Hy bly intussen in aanhouding.
Die polisie het gister die sterfte van Jennifer Nicole Louw (24) bevestig.
"Sy het Maandag in ’n hospitaal op Swakopmund gesterf aan 'n besering wat sy op Oukersdag opgedoen het toe haar broer, Gilbert Andrew Louw (20), haar glo met 'n mes in die rug gesteek het. Ons het die verdagte in hegtenis geneem en ondersoek die voorval," het hoofinsp. Erastus Ikuyu gesê.
Geen borgtog is gister aan Louw toegestaan nadat sy saak tot 8 Februarie vir verdere ondersoek uitgestel is nie.
Volgens Ikuyu het die voorval omstreeks middernag by Erf 309 in Khomasstraat in die Omdel-woonbuurt plaasgevind. Die beseerde Jennifer is deur haar familie na die kliniek op Hentiesbaai geneem, vanwaar sy later na Swakopmund oorgeplaas is. Sy is in dié hospitaal oorlede.
Die Louw-kinders se ma sê die familie is verpletter ná wat gebeur het. "Mense is gou om te oordeel sonder dat hulle weet wat gebeur het. Ons is besig om die begrafnisreëlings te tref en sal haar hopelik volgende Saterdag hier op Hentiesbaai begrawe."
Dit was die vierde moord wat vóór en gedurende die Kersnaweek in die Erongostreek aangemeld is. Aletha Swartbooi (27) het beswyk nadat sy omstreeks 23:00 op 23 Desember op Omaruru met 'n skerp voorwerp in die bors gesteek is.
Verder het verbygangers op 22 Desember op Arandis die lyk van die 18-jarige Prince Gowaseb in 'n plas bloed gevind. Hy is vier keer in die kop gesteek.
Brendon Keramin (27) is op 20 Desember in die Tulinawa-woonbuurt, Mondesa doodgeskiet. Dawid Oubas Goa-Eiseb (31) is in verband met die voorval in hegtenis geneem. Hy het op 22 Desember in die landdroshof op Swakopmund op 'n klag van moord verskyn, waarna sy saak tot 4 Januarie vir verdere ondersoek uitgestel is. Hy bly intussen in aanhouding.
Kommentaar
Republikein
Geen kommentaar is op hierdie artikel gelaat nie