Britse parlement stem in Junie weer oor Brexit

Theresa May, Britse premier, gaan LP’s vra om vroeg in Junie weer oor Brexit te stem, voordat die parlement vir die somervakansie sluit.Dit sal die vierde keer wees dat hulle stem oor die voorwaardes waaronder Brittanje die Europese Unie (EU) moet verlaat.May het egter steeds nie 'n ooreenkoms daaroor met die Arbeidersparty bereik nie, berig die BBC.CNN berig dat die vierde stemmery in die laerhuis in die week van 3 Junie sal plaasvind.'n Woordvoerder van Downingstraat 10, die ampswoning van die Britse premier, sê die datum vir die stemmery is voorgestel nadat May en Jeremy Corbyn, leier van die Arbeidersparty, weer Dinsdagaand vergader het. The Guardian berig die onderhandelinge tussen May en Corbyn oor wat presies die Brexit-voorwaardes moet wees, gaan intussen voort. May wil hê LP's moet in Junie stem, of daar nou teen daardie tyd al met die Arbeidersparty op voorwaardes ooreengekom is of nie. As die twee partye nie ooreenkom nie, beteken dit die stemmery kan weer eens op 'n dooiepunt uitloop.Brittanje moes die Europese Unie (EU) reeds op 29 Maart 2019 verlaat het. Die EU het die Britte tot 31 Oktober gegee om hul huis hiervoor in orde te kry. BRIEF AAN MAYMay is onder groot druk van haar Konserwatiewe Party om op te hou om ’n Brexit-ooreenkoms met die Arbeidersparty te probeer bereik.Altesaam 13 van haar kabinetskollegas voel sy gaan net haar opvolger opsaal met ’n ooreenkoms wat op sy beste tydelik en op sy slegste net vir die skyn is.In ’n brief vra die 13, plus Graham Brady, voorsitter van die 1922-komitee van Konserwatiewe parlementslede, dat May nie moet toegee aan die Arbeiders se eis dat Brittanje ná Brexit in die doeane-unie van die Europese Unie moet bly nie.“Jy sal die lojale middelgroep van die Konserwatiewe Party verloor, jou party laat skeur en waarskynlik niks hê om daarvoor te wys nie,” lui die brief volgens The Times, berig Reuters.“Geen leier kan sy of haar opvolger bind aan so ’n ooreenkoms wat ten beste tydelik is en op sy slegste net vir die skyn is nie.”Die brief is onderteken deur Gavin Williamson, oudminister van verdediging wat vroeër die maand afgedank is oor die uitlek van inligting uit ’n geheime vergadering, en Boris Johnson, oudminister van buitelandse sake.Olly Robbins, May se hoofonderhandelaar vir Brexit, is op pad Brussel toe om veranderinge aan die politieke deklarasie – as deel van die ooreenkoms – te bespreek.Robbins sal uitvind hoe gou die veranderinge gedoen kan word sou die regering en die Arbeiders tot ’n vergelyk kom, het die BBC berig.Laura Kuenssberg, die BBC se politieke redakteur, het op Twitter gesê ’n onbekende bron uit Downingstraat 10 het gesê May sal nie ’n permanente doeane-unie aanvaar nie.“Ons probeer ’n kompromis oor doeane te vind as ’n tydelike posisie of ’n tussentydse stap,” het die bron aan Kuenssberg gesê. – Netwerk24

Britse parlement stem in Junie weer oor Brexit

Kommentaar

Republikein 2025-05-02

Meld asseblief aan om kommentaar te lewer

Britse parlement stem in Junie weer oor Brexit

Kommentaar

Republikein 2025-05-02

Meld asseblief aan om kommentaar te lewer

MELD AAN

Advertensie