Britse ‘Mike Tyson’ vorder op ranglys

Michael Green – Die jong Britse swaargewigbokser Daniel Dubois se kans om in die nabye toekoms vir ’n wêreldtitel te boks, word al hoe groter.Dubois (22), wie se aggressiewe styl aan ’n jong Mike Tyson herinner, het tot die no. 2-posisie van die Wêreldboksorganisasie (WBO) se ranglys opgeskuif.Indien Anthony Joshua sou besluit om van sy WBO-titel afstand te doen, kan Dubois teen die voorste aanspraakmaker, Oleksandr Usyk van Oekraïne, vir die titel baklei.Joshua kan volgens sy promotor, Eddie Hearn, besluit om afstand van die WBO-titel te doen, omdat hy eerder vir meer geld teen Tyson Fury, die Wêreldboksraad (WBA) se kampioen, wil boks.Daar was aanvanklik sprake dat Usyk sou terugstaan sodat Joshua en Fury eers kon boks, maar hy het intussen besluit dat hy dit nie meer wil doen nie.Die vier hoofrolspelers in dié mini-drama – Joshua, Fury, Usyk en Dubois – moet egter almal eers hul volgende gevegte wen voordat hulle te ver in die toekoms probeer kyk.Usyk is veronderstel om voor die einde van die jaar teen Dereck Chisora van Brittanje te boks.Joshua moet teen Kubrat Pulev van Bulgarye in die kryt klim en Fury teen Deontay Wilder van Amerika.En die jong Dubois moet eers sy groot vuurdoop teen sy gedugte landgenoot Joe Joyce slaag voordat hy van ’n titelgeveg kan begin droom.Vir nou kan Dubois hom egter daarin verlustig dat hy hom selfs bo die voormalige WBO-wêreldkampioen Joseph Parker van Nieu-Seeland op dié beheerliggaam se ranglys bevind. – Netwerk24

Britse ‘Mike Tyson’ vorder op ranglys

Kommentaar

Republikein 2025-08-25

Meld asseblief aan om kommentaar te lewer

Britse ‘Mike Tyson’ vorder op ranglys

Kommentaar

Republikein 2025-08-25

Meld asseblief aan om kommentaar te lewer

MELD AAN

Advertensie