Brit boos vir jagoperateur

‘Hy het my aangerand’

08 November 2019 | Toerisme
Francoise Steynberg - ’n Britse joernalis verbonde aan internasionale jag- en visvangtydskrifte se safari saam met ’n Namibiese jagoperateur het glo lelik skeefgeloop.

Jason Rodd (50), ’n afgetrede polisieman van Staffordshire, het Maandag ’n klag by die Namibiese polisie teen me. Rudie de Waal (45) van RDW Hunting Safaris aanhangig gemaak ná hy glo finansiële skade gely het weens ’n safari wat sy glo gereël het.

“Ek was onder die indruk sy is ’n professionele jagter en jagoperateur en ons sou die onkoste deel,” skryf Rodd in sy polisieverklaring.

“Ek het myself nooit as ’n trofeejagter of jagoperateur aan hom voorgedoen nie. Ek het net die akkommodasie vir sy vakansie bespreek,” gooi De Waal wal.

“Sy het in Augustus vir my gevra om ’n bankoordrag te doen sodat sy vooraf vir akkommodasie kan betaal. Ek het op 30 Augustus £845,47 (sowat N$16 109) na haar bankrekening oorgeplaas en sy het ontvangs erken,” skryf Rodd.

Hy het glo nooit ’n reisplan van haar ontvang soos aangevra nie.

Rodd het op 25 Oktober geland en De Waal en ’n onbekende man het hom op die lughawe ontmoet.

“Ek, sy en die man het verskeie kroeë, restaurante en die Oktoberfest besoek waar ek £250 (sowat N$4 763) aan ons almal bestee het,” lui sy verklaring.

‘ONBESPREEKTE AKKOMMODASIE’

Op 28 Oktober het Rodd by ’n Windhoekse gastehuis uitgeteken, uitgevind De Waal het glo nie vooraf betaal nie en dat hy N$2 100 moes opdok.

Hy moes glo ook vir ’n motorverhuringsmaatskappy N$13 415 betaal wat onder De Waal se naam gehuur is.

Die middag is na ’n jaglodge gereis “waar sy nie vooraf bespreek het nie, want dit was volbespreek”.

Hulle moes glo vier ure lank op grondpaaie na ’n ander jagplaas in die Ooste ry.

“Die bestuur van die jagplaas het ook geen idee gehad dat ons kom nie, en geen betaling is gemaak nie. Dit was vernederend vir my.”



Op 31 Oktober het Rodd De Waal glo oor sy onkostes en die afwesigheid van ’n reisprogram gekonfronteer.

“Ons het skriftelik ooreengekom sy sou my £2 000 (sowat N$38 107) betaal. Die atmosfeer was onaangenaam en sy en die man is terug. Sy het die huurvoertuig teruggee en ek kon nie my geld terugkry nie, want dit was in haar naam gehuur.”



Rodd, wat ook ’n spoglodge naby Omaruru sou besoek, sê De Waal het daar ook nie bespreek.

Sy het alle bewerings ontken en wil Rodd self ook aankla.

“Hy was dronk op die jagplaas en wou my aanrand omdat ons nie wou toelaat dat hy dronk gaan jag nie.”

Haar regsverteenwoordiger, mnr. Henrico von Wiellich, het gister gesê sy wil ’n klag van aanranding deur dreigement, moontlik ook naamskending, teen Rodd aanhangig maak.

“Die logistieke probleem is dat dit in die Gobabis-disrik moet gebeur omdat die jagplaas daar is.”

De Waal het gister gesê sy gaan Rodd vandag op Gobabis aankla.

Von Wiellich het bevestig De Waal het die ooreenkoms wel onderteken om Rodd terug te betaal.

NóG KLAGTE

’n Suid-Afrikaner het ook sy misnoë oor De Waal op Facebook uitgespreek: “Ek het ’n deposito van R15 000 vir ’n jagsafari in Namibië betaal, 1 650 km na ’n jagplaas gery wat sy nooit bespreek het nie en voor dooiemansdeur gekom.”

De Waal is nie ’n lid van die Namibië Professionele Jagvereniging (Napha) nie.

Die Namibië Toerismeraad (NTB) het bevestig RDW Hunting Safaris se registrasie as trofeejagter sonder akkommodasie het op 31 Maart verval.

Volgens die ministerie van die omgewing en toerisme is De Waal nie as professionele jagter of jagoperateur geregistreer nie.

Rodd het Dinsdag by die ministerie om hulp gaan aanklop, wat hom aangeraai het om ’n klag by die Teenkorrupsiekommissie (ACC) aanhangig te maak.

Rodd kon nie by sy Britse nommer bereik word nie.

- [email protected]

Soortgelyk

 

Damme voller

9 ure gelede | Weer

Elvira Hattingh - Terwyl 99,671 Mm³ (miljoen kubieke meter) water altesaam 10 nasionale damme die afgelope week binnegevloei het, het die weerkantoor opnuut ’n waarskuwing...

Groot kommer oor sprinkaanplaag in Zambezi

9 ure gelede | Omgewing

Ronelle Rademeyer - ’n Plaag van bruin sprinkane uit vermoedelik Botswana teister kommunale boere by Muhundu en ander nedersettings in Katima Mulilo se landelike kiesafdeling...

Goliath, the giant

9 ure gelede | Mense

Elizabeth Joseph Born and raised in Windhoek, Romio Goliath started wrestling when he was 10. Being part of the After School Centre Wrestling...

Weerlig slaan meisie (11) dood

9 ure gelede | Misdaad

Weerlig het Saterdag die lewe van 'n elfjarige kind geëis. Volgens die Namibiese polisie se weeklikse misdaadverslag is Aini Shilongo Saterdag omstreeks 18:00 in 'n...

Weer vir 25 Februarie

9 ure gelede | Weer

WEERWAAK: Swaar storms word in die noordoostelike streke, Otjozondjupa-, Khomas- en suidelike streek verwag. Die nodige voorsorgmaatreëls moet getref word. BINNELAND: Gedeeltelik bewolk in die...

NamWater to fix Opuwo’s supply woes

9 ure gelede | Plaaslik

Uakutura Kambaekua – Since 2017, Opuwo town has been faced with diminished water supply, a predicament blamed on high water loss in distribution systems, which...

Havana, Otjomuise powered by June

9 ure gelede | Energie

The ministry of urban and rural development has committed a total of N$14 million for electrification for the 2019/20 financial year, an amount that is...

A significant contributor to Namibia's economic landscape

9 ure gelede | Byvoegsels

Hangana Seafood (Pty) Ltd is a 100% Namibian-owned company, passionate about “Creating a future, enhancing life” for its employees, country and the people of Namibia....

Corona: Afrika 66% gereed

9 ure gelede | Gesondheid

Henriette Lamprecht – Afrika se algehele gereedheidsvlak vir die coronavirussiekte (covid-19) staan op 66%. Volgens dr. Matshidiso Moeti, die Wêreldgesondheidsorganisasie (WHO) se streeksdirekteur vir Afrika,...