Bring jou mbira!

Die Europese Unie se ambassadeur in Namibië, haar eksellensie Jana Hybaskova, het onlangs haar projek, Museum Development as a Tool for Strengthening Cultural Rights in Namibia, bekend gestel. Hierdie projek bestaan uit verskeie kleiner projekte wat, in samewerking met die ministerie van onderwys, kuns en kultuur en die Museums Association of Namibia (Man), aangepak word. Die Europese Unie gaan ‘n borgskap van sowat €237 025 (sowat N$3,5 miljoen) oor ‘n tydperk van twee jaar aan verskeie programme toeken. Een van die hoofprojekte is die eerste museum van Namibiese musiek. Namibiese burgers het die geleentheid om hiertoe by te dra. Die sukses van die projek sal grootliks afhang van die publiek se betrokkenheid daarby. Voorbeelde van materiaal wat versamel moet word om in die museum gebruik te word, sluit in tradisionele musiekinstrumente, stories oor musiek se rol in die bevrydingstryd, skaars opnames, plakkate van historiese konserte in Namibië, instrumente of kostuums wat aan bekende Nambiese kunstenaars behoort het, foto’s en ander beeldmateriaal wat musiekgeleenthede uitbeeld, kunswerke wat tot die musikale ontwikkeling van Namibië bygedra het en inligting oor tradisionele musiek. Indien jy enige moontlike bydrae tot die museum kan lewer, kontak vir Hilma Kautondokwa by (061)302-230 of stuur ‘n e-pos aan museums@iway.na.

Bring jou mbira!

Kommentaar

Republikein 2026-03-24

Meld asseblief aan om kommentaar te lewer

Bring jou mbira!

Kommentaar

Republikein 2026-03-24

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.