Brexit: Namibië kyk na ander opsies
Die minister van nywerheidsontwikkeling, handel en SME-ontwikkeling wil marktoegang tot Namibiese beesvleis vir lande soos onder meer Portugal bewerkstellig.
Namibië is besig om maatreëls te tref om sy beesvleisuitvoere na Europa teen die moontlike gevolge van Brexit te beskerm.
Dit word gedoen as deel van die ekonomiese vennootskapooreenkoms (EPA) tussen die sogenaamde EPA-groep van die Suider-Afrikaanse Ontwikkelingsgemeenskap (SADC) en die Europese Unie (EU).
Die minister van nywerheidsontwikkeling, handel en SME-ontwikkeling, mnr. Tjekero Tweya, sê dit sluit die verkenning van nuwe en direkte markte onder EU-lidlande in.
“Die oorgrote meerderheid van prima Namibiese beesvleis bereik die EU-mark via Engeland (VK). Die Namibiese regering is bekommerd daaroor dat plaaslike beesvleis-uitvoere beperk kan word of opnuut aan die omslagtige proses van EU-invoerregulasies en –protokol onderwerp kan word weens die onsekerheid oor Brexit as dit by reëlings met doeane kom.
“Die ministerie teiken dus individuele EU-lidlande, soos Portugal, vir direkte marktoegang,” het hy gesê.
“Ons, veral ek, bid daagliks dat dinge reg moet uitwerk.
“Ons wil nie hoor of ervaar dat Namibiese produkte, soos beesvleis wat vir die VK bedoel is, in byvoorbeeld Amsterdam aanland en hulle skielik sê jammer, maar ons het nie enige ooreenkoms met jul land nie.
“Dit sal 'n groot teleurstelling wees. Daarom is dit ons verantwoordelikheid om nou reeds na alternatiewe markte te kyk sodat Namibië nie met 'n produk sit waarvoor daar nie 'n mark is indien geen handelsooreenkomste onderteken word nie,” het Tweya gesê.
Gegewe Namibië se klimaatstoestande en die impak daarvan op beesvleisproduksie gaan ons vermoë om bykomende markte te dien 'n struikelblok wees. Die EU ontvang meer as 9 000 ton Namibiese beesvleis, tesame met Noorweë en die VK.
“Ons wil seker maak dié markte is toeganklik. Dit is belangrik om kennis te neem, veral wat internasionale markte betref, dat daar 'n streng proses van wette en protokol is wat gevolg moet word.
“Om dié rede moet Namibië die proses vroegtydig begin sodat ons produkte sal kan lewer wanneer die klimaat weer in ons guns draai,” het Tweya gesê.
Die regering het voorheen die hoop uitgespreek dat Namibië se veterinêre kordonheining verwyder word sodat boere noord daarvan ook tot nasionale beevleisproduksie en -uitvoere kan bydra.
Me. Jana Hybaskova, die EU se ambassadeur in Namibië, stem saam dat Brexit probleme kan veroorsaak vir uitvoerlande wat sake met die EU doen.
“Ons raai Meatco sterk aan om uit die EU te beweeg omdat Brexit moet plaasvind. Die maatskappy moet oraloor die res van Europa gevestig word, soos in Parys of Frankfurt.
“Daarom is my raad dat Meatco se Europese verteenwoordiging in Londen na 'n ander hoofstad binne Europa verskuif word,” sê Hybaskova.
Sy raai Namibië ook aan om sy vleisprodukte uit te brei sodat dit die prima EU-mark kan betree.
– Meatco
Dit word gedoen as deel van die ekonomiese vennootskapooreenkoms (EPA) tussen die sogenaamde EPA-groep van die Suider-Afrikaanse Ontwikkelingsgemeenskap (SADC) en die Europese Unie (EU).
Die minister van nywerheidsontwikkeling, handel en SME-ontwikkeling, mnr. Tjekero Tweya, sê dit sluit die verkenning van nuwe en direkte markte onder EU-lidlande in.
“Die oorgrote meerderheid van prima Namibiese beesvleis bereik die EU-mark via Engeland (VK). Die Namibiese regering is bekommerd daaroor dat plaaslike beesvleis-uitvoere beperk kan word of opnuut aan die omslagtige proses van EU-invoerregulasies en –protokol onderwerp kan word weens die onsekerheid oor Brexit as dit by reëlings met doeane kom.
“Die ministerie teiken dus individuele EU-lidlande, soos Portugal, vir direkte marktoegang,” het hy gesê.
“Ons, veral ek, bid daagliks dat dinge reg moet uitwerk.
“Ons wil nie hoor of ervaar dat Namibiese produkte, soos beesvleis wat vir die VK bedoel is, in byvoorbeeld Amsterdam aanland en hulle skielik sê jammer, maar ons het nie enige ooreenkoms met jul land nie.
“Dit sal 'n groot teleurstelling wees. Daarom is dit ons verantwoordelikheid om nou reeds na alternatiewe markte te kyk sodat Namibië nie met 'n produk sit waarvoor daar nie 'n mark is indien geen handelsooreenkomste onderteken word nie,” het Tweya gesê.
Gegewe Namibië se klimaatstoestande en die impak daarvan op beesvleisproduksie gaan ons vermoë om bykomende markte te dien 'n struikelblok wees. Die EU ontvang meer as 9 000 ton Namibiese beesvleis, tesame met Noorweë en die VK.
“Ons wil seker maak dié markte is toeganklik. Dit is belangrik om kennis te neem, veral wat internasionale markte betref, dat daar 'n streng proses van wette en protokol is wat gevolg moet word.
“Om dié rede moet Namibië die proses vroegtydig begin sodat ons produkte sal kan lewer wanneer die klimaat weer in ons guns draai,” het Tweya gesê.
Die regering het voorheen die hoop uitgespreek dat Namibië se veterinêre kordonheining verwyder word sodat boere noord daarvan ook tot nasionale beevleisproduksie en -uitvoere kan bydra.
Me. Jana Hybaskova, die EU se ambassadeur in Namibië, stem saam dat Brexit probleme kan veroorsaak vir uitvoerlande wat sake met die EU doen.
“Ons raai Meatco sterk aan om uit die EU te beweeg omdat Brexit moet plaasvind. Die maatskappy moet oraloor die res van Europa gevestig word, soos in Parys of Frankfurt.
“Daarom is my raad dat Meatco se Europese verteenwoordiging in Londen na 'n ander hoofstad binne Europa verskuif word,” sê Hybaskova.
Sy raai Namibië ook aan om sy vleisprodukte uit te brei sodat dit die prima EU-mark kan betree.
– Meatco
Kommentaar
Republikein
Geen kommentaar is op hierdie artikel gelaat nie