Brasiliaan betrap met N$343 000 se dwelms

Tanja Bause – Die Namibiese polisie het in Oktober 124 mense weens dwelms in hegtenis geneem, insluitend 100 Namibiërs, nege Zambiërs, agt Angolese, drie Tanzaniërs, twee Zimbabwiërs en onderskeidelik een Kongolees en Ghanees. Beslag is gelê op dwelms ter waarde van N$10,632,290.
Sover Septembermaand betref, is 92 mense in hegtenis geneem wat 86 Namibiërs, drie Angolese, twee Kongolese en een Tanzaniër ingesluit het. Dwelms ter waarde van N$829 130 is gekonfiskeer.
In Augustus is 102 mense in hegtenis geneem waarvan 96 Namibiërs was; die res was Angolese, Kongolese, Suid-Afrikaners en ’n Zimbabwiërs. Die polisie het op dwelms te waarde van N$2,871,860 beslag gelê.

’n Brasiliaanse man (40) is op 1 November by die Internasionale Lughawe Hosea Kutako in hegtenis geneem. Hy het 98 kokaïen-kapsules ter waarde van N$343 000 in sy besit gehad, asook US$500 000, R800 en 170 real (Brasiliaanse geldeenheid).
– [email protected]