Brandstofprys bly onveranderd

Die brandstofprys vir Desember is onveranderd. Die ministerie van myne en energie het in ''n verklaring daarop gewys dat die globale oliemark in November uiters onbestendig was.“Dit is deur onsekerheid oor die produksie van die Olieuitvoerlande (Opec) en die relatief laer aanvraag gekenmerk.“Ruolie se prys het om en by die US$47 gebly, terwyl die prys vir geraffineerde olie om US$58 per vat gefluktueer het,” lui ''n verklaring deur minister Obeth Kandjoze. Volgens die ministerie was die verwagting dat sowel die prys van ru- as geraffineerde produkte sou styg vanweë die veelbesproke Opec-ooreenkoms om produksie te verminder ten einde te help om pryse te stabiliseer. Die ministerie het die besluit om die pryse dieselfde te hou geneem voordat nuus van die ooreenkoms tussen Opec-lande en Rusland om inderdaad produksie te verlaag, Woensdagaand bekend geword het. Dit is die eerste keer sedert 2008 dat produksie ingekort word nadat die globale olieprys die afgelope twee jaar met meer as die helfte geval het. Dit is ook die eerste keer in 15 jaar dat Rusland, wat nie ''n lid van Opec is nie, instem om die land se produksie te verlaag.Die olieprys het gister teen die hoogste prys in ses weke verhandel. Amerikaanse ruolie het oornag met nege persent gestyg en is teen US$50 per vat verhandel. Brent ruolie het oornag met US$4 gestyg en is teen US$52.73 per vat verhandel. korte duurHandelaars in Asië meen egter die hoër olieprys kan vanweë die ooreenkoms tussen Opec en Rusland van korte duur wees, omdat die ooreenkoms sal meebring dat meer voorraad uit opgaartenks in die mark ingestoot kan word en meer ruolie deur Amerika verskeep sal word.Die ontleders meen selfs met die verminderde produksie van 1,5 miljoen vate per dag, soos beloof, is dit nie genoeg om die insinking in aanvraag, wat in 2014 begin het, te stuit nie."Die sny in Opec se produksie sal grootliks uitgebalanseer word deur ''n toename in Amerikaanse produksie,” het die finansiële direkteur van Indië se oliekorporasie, mnr. Arun Kumar Sharma, gesê."Surplus [olie] sal dus in die mark bly. Indien daar ''n impak is, sal dit op kort termyn wees,” het hy gesê.Vir ''n netto invoerder soos Namibië beteken ''n lae olieprys ''n laer prys by die petrolpomp. Ondanks die lae oliepryse het die wisselkoers tussen die Namibiese dollar en die Amerikaanse dollar toegeneem wat invoere duurder maak, sê die ministerie in ''n verklaring.“Hierdie verwikkeling kanselleer die voordele wat deur lae oliepryse meegebring word. Die gemiddelde wisselkoers van die Namibiese dollar teen die Amerikaanse dollar in November was N$13,9 teenoor die N$13,6 in Oktober.As gevolg hiervan het die plaaslike mark November oorleef met ''n mengsel van onder- en oorverhalings op verskillende produkte.Die pomppryse in Walvisbaai bly soos volg: 95 oktaan loodvrye petrol: N$10,48 per liter; diesel, 500ppm N$10,28 per liter en diesel, 50ppm N$10,33 per liter. - Eie berig en Reuters

Brandstofprys bly onveranderd

Kommentaar

Republikein 2025-09-18

Meld asseblief aan om kommentaar te lewer

Brandstofprys bly onveranderd

Kommentaar

Republikein 2025-09-18

Meld asseblief aan om kommentaar te lewer

MELD AAN

Advertensie