Brande ‘sal nie Australiese Ope stuit’

Die Australiese Ope sal voortgaan, ondanks die brande wat verwoesting saai en swak luggehalte tot gevolg het.So het Craig Tiley, dié toernooi se direkteur, gesê.Tiley sê die situasie sal wel met valkoë dopgehou word met die luggehalte in Melbourne, waar die toernooi op 20 Januarie begin, wat deurlopend gemonitor sal word.“Ons het ’n merkwaardige hoeveelheid bykomende hulpbronne toegeken om luggehalte te ontleed en monitor, asook vir die logistiek om die gesondheid en veiligheid van die spelers, beamptes en ondersteuners te verseker. Ons het egter geen ander plan om die toernooi uit te stel nie,” het hy gesê.Dít volg nadat ’n Challenger-toernooi in Canberra, die Australiese hoofstad, gekanselleer moes word.Talle Australiese stede word al sedert September deur kwaai veldbrande geteister, met 20 mense en miljoene diere wat al dood is, terwyl honderde gesinne se huise ook in die slag gebly het.Die lug is gevul met rook en die luggehalte in vele Australiese dorpe en stede word as “baie swak” en “gevaarlik” bestempel.Volgens Tiley sal die toernooi se beamptes voortdurend met mediese kenners in verbinding wees om te verseker dat hitte en rook nie hul gesondheid in gevaar stel nie.Spel sal soos met reën- of hitte-onderbrekings gestaak word as bevind word dat die luggehalte te veel verswak het.“Die gesondheid van die spelers, ondersteuners en beamptes is ter alle tye ’n prioriteit en ons sal voortgaan om besluite te neem met dít as uitgangspunt,” het hy gesê.Tiley sê dat daar plekke is waar die rook meer problematies is en dat Canberra een van die gebiede is wat die meeste daardeur geraak word.Novak Djokovic, president van die Beroepspelersvereniging (ATP) se Spelersraad, het self sy kommer uitgespreek en organiseerders gevra om dit te oorweeg om die Australiese Ope uit te stel weens die brande.Hy het wel toegegee dat dit net as ’n laaste uitweg oorweeg moet word. – Netwerk24

Brande ‘sal nie Australiese Ope stuit’

Kommentaar

Republikein 2025-08-11

Meld asseblief aan om kommentaar te lewer

Brande ‘sal nie Australiese Ope stuit’

Kommentaar

Republikein 2025-08-11

Meld asseblief aan om kommentaar te lewer

MELD AAN

Advertensie