Brande eis 2,2 miljoen ha

Otjozondjupa ergste geraak

16 October 2020 | Ongelukke
Elvira Hattingh

Altesaam 2 207 900 hektaar het tussen Januarie en Oktober vanjaar in Namibië afgebrand.

Dit sluit in 875 400 ha in die Otjozondjupastreek, 635 900 in die Kavango-Oosstreek, asook 220 100 ha in die Zambezi. Altesaam 42 veldbrande is in totaal tussen 23 en 30 September alleen binne Namibië se grense waargeneem.

Die minister van die omgewing, bosbou en toerisme, mnr. Pohamba Shifeta, het Dinsdag 'n mediaverklaring uitgereik waarin hy kommer oor al die veldbrande uitspreek.

Volgens hom word die streke Zambezi, Kavango-Oos, Kavango-Wes, Otjozondjupa, Oshikoto, Ohangwena, Kunene, Oshana, Omusatu en Omaheke die meeste geraak.

“Die gereeldheid en reikwydte van veldbrande sedert die aanvang van die brandseisoen wek ernstige kommer – dit, ongeag voortgesette beroepe deur die ministerie om die voorkoms en verspreiding daarvan te voorkom,” het Shifeta gesê.

Die ministerie het ook vóór die begin van die brandseisoen in Julie, 'n robuuste brandbestuurplan ontwikkel om vure te voorkom, op te spoor en te bekamp.

“As deel hiervan het die ministerie begin met die internasionaal aanvaarde praktyk van beheerde of voorgeskrewe brande . . .” het hy gesê. Hy het bygevoeg die ministerie sorg jaarliks vir uitgebreide netwerke van brandpaaie in gebiede wat tot veldbrande geneig is.

“Die ministerie se sentrum vir die afstandwaarneming van brande, monitor voortdurend die voorkoms van brande oraloor die land met behulp van satelliete,” het hy gesê.

Hy het 'n beroep op die publiek, maar ook grondeienaars en ander belangegroepe gedoen om gesamentlik verantwoordelikheid te neem vir die bestuur van brande en dat die nodige voorsorg­maatreëls ingestel word.

JAARLIKSE BRANDE

Volgens 'n artikel deur die Wêreldwye Brandmonitorsentrum (GFMC), het daar onder meer in 1997 ook sowat 3 032 000 ha in Namibië afgebrand, met weer eens die Kavango- en Zambezistreek (tóé Caprivi) wat die ergste deurgeloop het.

Hiervolgens brand groot gebiede jaarliks in die land, met die verspreiding van vure wat verband hou met die reënvalgradiënt, of hoeveel plantmateriaal beskikbaar is om te brand. Dienooreenkomstig kom brande meer algemeen in die noorde en noordooste van die land voor.

Die Namibiese Houtskoolvereniging (NCA) het egter verlede maand opnuut 'n beroep op hul lede gedoen om aan die streng maatreëls vir die verbranding van houtskool te voldoen om veldbrande te voorkom.

Terselfdertyd het rolspelers kommer uitgespreek oor die tradisionele praktyk om weiding aan die brand te steek – kort voor die reënseisoen begin – om groen spruiting van gras aan te moedig.

Tesame met sterk winde wat sedert Augustus in die land voorgekom, veroorsaak dit dikwels dat brande buite beheer raak.

REËLS

Die belangrikste reëls vir houtskoolproduksie sluit in dat dit in groeperings verbrand moet word en daar ononderbroke – dag en nag – toesig oor kilns gehou behoort te word.

Die direktoraat van bosbou se maatreëls om veldbrande te voorkom en jaarliks van 1 Augustus tot 31 Desember geld, sluit verder in dat plase waarop houtskool geproduseer word, brandpaaie van 15 m breed op die grense aan die einde van elke reënseisoen moet aanbring.

- [email protected]

Soortgelyk

 

Geingob onder skoot oor ‘wit’ opmerkings

9 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

9 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

9 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

9 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

9 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

9 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

9 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

9 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

9 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...