Brand saai verwoesting op Otjisazu

’n Plaas buite Okahandja waarvan die weiding ongeveer twee weke gelede bykans heeltemal afgebrand het, gaan nie gou weer herstel nie. Dié voorval volg byna drie jaar na ’n soortgelyke verwoestende brand op dieselfde plaas.Dr. Hartmut Weimann, aan wie die plaas Otjisazu behoort wat langs die Osire-weermagbasis buite die dorp geleë is, het gesê die skade is baie groot. “Die veld het aan die brand geslaan as gevolg van militêre opleiding by die weermagbasis,” het hy vroeër aan Republikein gesê.Ongeveer 90% van die plaas se weiding is verwoes en bykans 16 km se heining het uitgebrand. Ander skade kon nog nie bepaal word nie.Volgens ’n woordvoerder wat namens Weimann met Republikein gesels het, het afgevaardigdes van die weermag op 31 Oktober gaan kyk wat die skade is, maar terugvoering is nog nie aan Weimann gegee nie.Weimann het reeds in 2011, kort ná die vorige brand waarin 8 000 ha weiding verwoes is, ’n brief aan die weermag gerig waarin hy sy kommer oor militêre oefeninge in die gebied uitgespreek het. Hy het vir geskikte en voldoende voorsorgmaatreëls gepleit om ’n herhaling van ’n soortgelyke voorval en skade te voorkom. Volgens hom beskik die basis nie oor die nodige en voldoende brandbestrydingstoerusting om sulke situasies te hanteer nie. Hy het toe ook versoek dat die weermag skietoefeninge gedurende die droë seisoen moet staak.Weimann het intussen besluit om ’n eis teen die weermag in te stel, hoewel dit eers gedoen kan word sodra die skade vasgestel is.Die gastehuis wat op die plaas geleë is, is voorlopig gesluit.

Brand saai verwoesting op Otjisazu

Kommentaar

Republikein 2026-05-05

Meld asseblief aan om kommentaar te lewer

Brand saai verwoesting op Otjisazu

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.