Brand by Pringlebaai en Hangklip is buite beheer

Die polisie het 'n verdagte in hegtenis geneem in verband met die wegholbrand wat nog op die berg bokant Pringlebaai in die Wes-Kaap in Suid-Afrika woed.Kapt. Harold Nqwenani, stasiebevelvoerder van die Kleinmond-polisie, het bevestig die verdagte is aangekeer en dat die persoon in die Mooiuitsig- informele nedersetting in Bettysbaai woon.Lester Smith, brandweerhoof van die Overstrand-munisipaliteit, het gesê 'n noodfakkel wat Dinsdag net ná middernag afgeskiet is, het in die Kogelberg-natuurreservaat beland waar die brand begin het.Intussen het nóg 'n vrou gesterf terwyl die wegholbrand voortwoed.Sy is volgens Nqwenani deur rook in haar huis in Pringlebaai oorval.Die R44-hoofpad is intussen vir verkeer oopgestel.Terwyl die brand op die berg gewoed het, het 'n vrou van Bettysbaai in haar huis gesterf, vermoedelik weens 'n hartaanval.Smith het sy medelye teenoor die oorledene se familie uitgespreek en gesê dis nog nie seker of die vrou weens spanning oor die brand of aan natuurlike oorsake dood is nie.“Die polisie en forensiese span ondersoek haar dood.”Volgens Smith word twee ander mense vir ernstige brandverwante beserings asook 'n 18 maande oue baba vir minder ernstige beserings behandel.Die Overstrand-munisipaliteit het ook 'n brandweerwa verloor wat in die brandbestryding gebruik is.Volgens die Groter-Overberg FPA was die die brand gisteroggend wat Bettysbaai, Pringlebaai, Hangklip en die omliggende gebiede bedreig, nog buite beheer.Die R44 tussen Gordonsbaai en Bettysbaai (kusroete) is gesluit, het Kenny Africa, Wes-Kaapse verkeershoof, bevestig.Die brand, wat Dinsdag kort ná middernag vermoedelik deur 'n noodfakkel veroorsaak is, het in die Kogelberg-natuurreservaat begin.Mooiuitsig, 'n woonbuurt van Bettysbaai, is Woensdagnag ontruim, maar die inwoners het reeds weer na hul huise teruggekeer. Pringlebaai is gister net ná 02:00 ontruim, maar inwoners het vroegoggend weer na hul huise teruggekeer.Volgens Smith woed die brand tans in die berg bo Pringlebaai en Hangklip.In 'n verslag wat gister om 07:00 uitgereik is, sê Smith 'n sterk wind het die vlamme gedurende die nag aangevuur, maar alles moontlik word gedoen om dit in bedwang te kry.HELIKOPTER INGESPANVolgens hom is die brand naby die huise in Pringlebaai en Hangklip beveilig hoewel dit nog nie heeltemal in bedwang is nie. Brandweerwaens van die Overstrand en Kaapstad is besig om die brand te bestry. 'n Helikopter is ook by Bettysbaai ingespan, wat die vuur vanuit die lug bestry, het Smith gisteroggend gesê.“Grondspanne van onder meer NCC Environmental Services, asook professionele brandbestryders en Kaapse natuurbewaring is op bystand.”Smith sê hy hoewel hy nog wag vir 'n verslag van die skade, is hy bewus van huise en geboue in die Pringlebaai-omgewing wat afgebrand het.Margit Meyer-Rödenbeck, oftewel die aktrise Dowwe Dolla, het gister omstreeks 03:00 op Facebook geskryf dat sy en haar gesin hul huis moes ontruim. Hulle het die res van die nag in die Hangklip Hotel deurbring.Hulle kon gister teen 07:00 na hul onbeskadigde huis terugkeer.“Ons almal is nog geskok. Dit was 'n lang nag,” het sy gesê.Inwoners van Annestraat, skaars 300 meter van waar Meyer-Rödenbeck en haar gesin woon, was nie so gelukkig nie. Volgens voorlopige inligting het twee huise daar afgebrand.Skenkings vir die brandbestryders kan na die Crassula-saal in Bettysbaai gebring word. – Netwerk24

Brand by Pringlebaai en Hangklip is buite beheer

Kommentaar

Republikein 2026-02-03

Meld asseblief aan om kommentaar te lewer

Brand by Pringlebaai en Hangklip is buite beheer

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.