Brakwater wag steeds vir antwoorde

Yolanda Nel - Sowat 14 maande ná inwoners van Brakwater hul hande heelwat dieper in hul sakke moes steek weens hoër tariewe, het die Windhoekse munisipaliteit (CoW) uiteindelik met Brakwater se raadgewende komitee (BAC) vergader.Ondanks die vergadering wat Saterdag tussen die partye gehou is, wag die BAC volgens hul voorsitter, mnr. Bert Laaser, steeds vir betekenisvolle terugvoering – al het die munisipaliteit se uitvoerende hoof belowe inwoners sou uitsluitsel van CoW ontvang.Vergaderings is vir 7 Desember 2018, 1 Februarie 2019 en 28 September vanjaar belê, maar CoW het dit uitgestel. “Na afloop van die naweek se vergadering is ons nog geen inligting ryker nie,” het Laaser gesê.Hy wou van mnr. Samuel Mutango van die munisipaliteit weet hoekom Brakwater-inwoners 14 maande moes wag vir antwoorde ná sommige munisipale rekeninge met tot 5 000% verhoog het. “Daar is ook geen terugvoering oor die kortingstelsel wat vir Brakwater goedgekeur is of enige aanduiding dat resolusie 267, wat stipuleer dat Brakwater-inwoners net ’n gedeelte van die tariewe betaal, vervang of verander is nie,” het Laaser tydens die vergadering gesê.Mutango het geantwoord die munisipaliteit het nou ’n stadium bereik waar hulle met lede van die BAC kon vergader.Met verwysing na die resolusie wat reeds in 2012 uitgereik is, het hy gesê sekere aspekte moes eers deur die minister van stedelike en landelike ontwikkeling goedgekeur word. “Net sekere dele van die resolusie is goedgekeur,” het Mutango gesê.Ander kwessies wat verlede jaar deur die BAC aan die stadsraad voorgelê is, sluit hoë erfbelasting in. Terugvoering daarop was dat die groot erwe in die gebied munisipale rekeninge verhoog het, en dié tariewe is op alle inwoners van die hoofstad van toepassing.Brakwater se inwoners wou ook weet of die BAC nog hoegenaamd ’n rol speel. Die antwoord was dat die kommittee nog aktief is. “Die twee raadslede wat op die BAC dien, het in Februarie vanjaar met die res van die kommittee vergader,” het mnr. Helon Muhaindjumba van CoW gesê.Laaser het gesê dit is glad nie die geval nie, en geen vergadering het al plaasgevind nie. Mnr. MJ Amadhila en me. Brunhilde Cornelius, beide raadslede, het versuim om Saterdag se vergadering by te woon.Sowat 120 Brakwater-inwoners van Brakwater het Saterdag se vergadering bywoon. Volgens Laaser sal nog ’n vergadering tussen die BAC en CoW binne die volgende twee weke belê word. yolanda@we.com.na

Brakwater wag steeds vir antwoorde

Kommentaar

Republikein 2025-10-30

Meld asseblief aan om kommentaar te lewer

Brakwater wag steeds vir antwoorde

Kommentaar

Republikein 2025-10-30

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.