Bouwerk aan 'nuwe' dorp by Otavi vorder fluks

Ronelle Rademeyer - Enkele huise word reeds bewoon en talle is dakhoogte gebou in die nuwe dorpsontwikkeling wes van die B1-hoofweg by Otavi.Dié residensiële ontwikkeling van nagenoeg N$60 miljoen word deur PPH Otavi gedoen en is ’n vennootskapsprojek wat tussen die Hangala Group en Gateway Properties gesluit is.Dr. Leaka Hangala, uitvoerende voorsitter van die Hangala Group, het met die bekendstelling van hierdie ontwikkeling in 2014 gesê benewens woonhuise gaan daar ook ’n vulstasie en winkelsentrum opgerig word.Die vulstasie is reeds voltooi en het op 1 Maart begin sake doen.Volgens mnr. Lucas Boshoff, besturende direkteur van Gateway Holdings op Tsumeb, sal die ontwikkeling van die inkoopsentrum deur Ondavi Properties gedoen word. Hangala Group en Gateway Properties is die aandeelhouers van die maatskappy. Die bouwerk het nog nie begin nie.Boshoff sê PPH Otavi het die grond gekoop en die erwe gediens waarna die meeste van die erwe deur Prefered Management Services (PMS), met mnr. Jacob Nghifindaka aan die stuur van sake, gekoop is.PMS is tans ook by die ontwikkeling van Osona Village buite Okahandja betrokke. Hangala het vroeër gesê die ontwikkeling by Otavi is een van die uitdagendste wat dié groep en sy vennote tot dusver aangepak het. “Dinge sal nooit meer dieselfde wees op Otavi nie. Die ontwikkeling het eerstens nuwe werksgeleenthede geskep en sal, wanneer dit voltooi is, Otavi op die vlak plaas van enige ander moderne dorp in die land deurdat dit ’n verskeidenheid van dienste lewer.”Boshoff sê die huise wat hier opgerig word, is in die prysklas van N$400 000 tot sowat N$1,2 miljoen. “Dit is gemik op ’n gemengde kopersmark wat wissel van staatsamptenare tot boere en ander individue.”*Die jaarlikse Otavi Investment Expo & Festival skop môre af.

Bouwerk aan 'nuwe' dorp by Otavi vorder fluks

Kommentaar

Republikein 2026-09-04

Meld asseblief aan om kommentaar te lewer

Bouwerk aan 'nuwe' dorp by Otavi vorder fluks

Kommentaar

Republikein 2026-09-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.