Bouplan vir Namibiese huis
'n Boek met navorsing oor hoe om 'n ware, inklusiewe Namibiese huis te bou, is onlangs bekend gestel.
Augetto Graig - Ná landwye navorsing oor die bou van ’n "inklusiewe Namibiese huis", is ‘n boek hieroor verlede week in Windhoek bekend gestel.
Die boek, getiteld Towards our all-inclusive Namibian house, is deur die Konrad Adenauer-stigting en die Forum For the Future saamgestel en is deur John Meinert Printing gedruk.
Die boek bevat praktiese oplossings om pres. Hage Geingob se ideaal dat geen Namibiër in die land se ontwikkeling uitgesluit moet word nie, ’n realiteit te maak.
Mnr. Thomas Keller, die Konrad Adenauer-stigting in Namibië se nuwe direkteur, het by die bekendstelling gesê: “As die president as die argitek van die Namibiese huis beskou word, is dié boek die bouplan.”
Die skrywer en redakteur van die boek, Erika von Wietersheim, het gesê die boek is saamgestel ná onderhoude met byna 'n duisend gewone Namibiërs van elke landstreek. “Ons het geluister, bespreek en ontleed,” het sy gesê.
Geingob se verskeie toesprake oor ’n "Namibiese huis", sy intreetoespraak van Maart 2015 én sy eerste staatstrede in April 2015 het aanleiding gegee tot die navorsing.
Die boek identifiseer verskeie pilare waarop ’n inklusiewe Namibiese huis gebou kan word. Dit bespreek die belangrikheid van praktiese versoening, veral tussen wit en swart Namibiërs; swart gemeenskappe wat verdeel word deur stamgebondenheid en tradisionele owerhede; vegters in die land se vryheidstryd en politieke opposisie.
Dit bepleit inklusiewe nasionale dae en die ontwikkeling van sterk algemene etiese waardes. Aandag moet veral aan sekere aspekte van die Namibiese samelewing gegee word soos vroue, die jeug, mense op die platteland en gemarginaliseerde gemeenskappe soos mense wat met MIV/vigs lewe, gays en lesbiërs, opposisielede en kritiese denkers.
Elemente wat die Namibiese huis staande kan hou in moeilike tye is geïdentifiseer. Dit sluit toegang tot inligting, opvoeding, inklusiewe dienslewering, onafhanklike verkiesingsprosesse en desentralisasie in.
Algemene reëls van toepassing in die Namibiese huis moet volgens die boek beleefde kommunikasie, respek vir openbare eiendom, Namibiese bestuur van hulpbronne, algemene bydrae tot die nasionale begroting, aanstellings gebaseer op meriete, respek vir werksetiek en beroepe, vriendelike buurverhoudings en voorbeeldige leierskap insluit.
Prof. Joseph Diescho het by die bekendstelling gesê Geingob se metafoor van die Namibiese huis het al baie Namibiërs geïnspireer om groot te droom.
“Nou gee ons die huis mure, deure, vensters, ‘n plafon, kleur en selfs inwoners,” het hy gesê.
Volgens Diescho is die nasie dankbaar teenoor Geingob vir dié konsep wat nou deel is van die nasie se woordeskat.
“Geen huis is sonder uitdagings nie. ’n Goeie huis het gedurig opknapping nodig.”
Volgens Diescho is die huis waarna Geingob verwys nog nie klaar gebou nie. Hy het veral die Namibiese jeug aangemoedig om die voortou te neem in die bou daarvan.
Volgens mnr. Samson Ndeikwila van Forum For the Future, is Staatshuis al oor die boek genader, maar geen terugvoer is ontvang nie.
“Ons hoop dat hulle na ons sal terugkom,” sê hy oor die moontlikheid om die boek persoonlik aan die staatspresident te oorhandig.
Die boek, getiteld Towards our all-inclusive Namibian house, is deur die Konrad Adenauer-stigting en die Forum For the Future saamgestel en is deur John Meinert Printing gedruk.
Die boek bevat praktiese oplossings om pres. Hage Geingob se ideaal dat geen Namibiër in die land se ontwikkeling uitgesluit moet word nie, ’n realiteit te maak.
Mnr. Thomas Keller, die Konrad Adenauer-stigting in Namibië se nuwe direkteur, het by die bekendstelling gesê: “As die president as die argitek van die Namibiese huis beskou word, is dié boek die bouplan.”
Die skrywer en redakteur van die boek, Erika von Wietersheim, het gesê die boek is saamgestel ná onderhoude met byna 'n duisend gewone Namibiërs van elke landstreek. “Ons het geluister, bespreek en ontleed,” het sy gesê.
Geingob se verskeie toesprake oor ’n "Namibiese huis", sy intreetoespraak van Maart 2015 én sy eerste staatstrede in April 2015 het aanleiding gegee tot die navorsing.
Die boek identifiseer verskeie pilare waarop ’n inklusiewe Namibiese huis gebou kan word. Dit bespreek die belangrikheid van praktiese versoening, veral tussen wit en swart Namibiërs; swart gemeenskappe wat verdeel word deur stamgebondenheid en tradisionele owerhede; vegters in die land se vryheidstryd en politieke opposisie.
Dit bepleit inklusiewe nasionale dae en die ontwikkeling van sterk algemene etiese waardes. Aandag moet veral aan sekere aspekte van die Namibiese samelewing gegee word soos vroue, die jeug, mense op die platteland en gemarginaliseerde gemeenskappe soos mense wat met MIV/vigs lewe, gays en lesbiërs, opposisielede en kritiese denkers.
Elemente wat die Namibiese huis staande kan hou in moeilike tye is geïdentifiseer. Dit sluit toegang tot inligting, opvoeding, inklusiewe dienslewering, onafhanklike verkiesingsprosesse en desentralisasie in.
Algemene reëls van toepassing in die Namibiese huis moet volgens die boek beleefde kommunikasie, respek vir openbare eiendom, Namibiese bestuur van hulpbronne, algemene bydrae tot die nasionale begroting, aanstellings gebaseer op meriete, respek vir werksetiek en beroepe, vriendelike buurverhoudings en voorbeeldige leierskap insluit.
Prof. Joseph Diescho het by die bekendstelling gesê Geingob se metafoor van die Namibiese huis het al baie Namibiërs geïnspireer om groot te droom.
“Nou gee ons die huis mure, deure, vensters, ‘n plafon, kleur en selfs inwoners,” het hy gesê.
Volgens Diescho is die nasie dankbaar teenoor Geingob vir dié konsep wat nou deel is van die nasie se woordeskat.
“Geen huis is sonder uitdagings nie. ’n Goeie huis het gedurig opknapping nodig.”
Volgens Diescho is die huis waarna Geingob verwys nog nie klaar gebou nie. Hy het veral die Namibiese jeug aangemoedig om die voortou te neem in die bou daarvan.
Volgens mnr. Samson Ndeikwila van Forum For the Future, is Staatshuis al oor die boek genader, maar geen terugvoer is ontvang nie.
“Ons hoop dat hulle na ons sal terugkom,” sê hy oor die moontlikheid om die boek persoonlik aan die staatspresident te oorhandig.
Kommentaar
Republikein
Geen kommentaar is op hierdie artikel gelaat nie