Boulter appelleer teen weiering van borgtog

Strafverhoor tot 20 September uitgestel

06 July 2021 | Howe
Ellanie Smit – Die Britse miljardêr mnr. Harvey Boulter, wat van die moord op sy plaasbestuurder beskuldig word, het die hoërhof in Windhoek genader om te appelleer teen die uitspraak waarin hy borgtog geweier is.

Boulter het aangedui hy is bereid om N$200 000 vir borgtog te betaal.

Die verhoor van dié appèl is gister tot Donderdag uitgestel. Regter Claudia Claasen sal die saak aanhoor.

Hy staan tereg vir die moord op mnr. Gerhard van Wyk, sy plaasbestuurder, wat in Februarie op sy plaas Kaross geskiet is.

Landdros Immanuel Udjombala het op 11 Mei in die landdroshof op Outjo Boulter se formele borgtogaansoek van die hand gewys. Hy is daarna in die Kamanjab-polisiekantoor aangehou tot sy volgende hofverskyning op 30 Junie.

Boulter het verlede week in die landdroshof op Kamanjab verskyn en die saak is tot 20 September uitgestel. Hy bly in aanhouding.

Die polisiebevelvoerder van die Khomasstreek, komm. Ismael Basson, het egter die naweek aan ons susterkoerant Namibian Sun gesê Boulter is nie in polisieaanhouding in die selle op Kamanjab nie, maar is tuis in die Paramount-gesondheidsentrum in Windhoek.

Boulter was sedert sy vorige hofverskyning in Mei, by die Safari Hotel in Windhoek in isolasie nadat hy positief getoets het vir Covid-19. Hy is daarna op aanbeveling van ’n dokter na Paramount in Eros oorgeplaas is.

HOFDOKUMENTE

Volgens hofdokumente is Boulter se hoofverweer dat Udjombala verskeie verkeerde bevindings gemaak het wat sy uiteindelike uitoefening van sy diskresie om borgtog te weier, wesenlik beïnvloed het. Hy voer aan die hof het nie die feite ter ondersteuning van sy vrylating om borgtog oorweeg nie.

Sy verklaring sluit in dat hy die afgelope drie of vier jaar sowat 85% van sy tyd in Namibië deurgebring het en net soms Namibië verlaat het, maar die afgelope 12 maande het hy nie die land verlaat nie. Hy beskou Namibië as sy huis.

Hy voer aan hy moet gewoonlik tussen 12 en 14 uur per dag op sy telefoon wees om sy verskillende sakebedrywighede oraloor die wêreld te bestuur. Dit sou volgens Boulter nie moontlik wees terwyl hy in aanhouding is nie.

In sy verweer wys hy ook daarop hy het die polisie na die plaas ontbied ná die voorval waartydens hy ook beseer is.

Boulter sê hy het nie met getuies ingemeng nie en dat hy die polisie met hul ondersoek gehelp het deur 'n verklaring af te lê.

Boulter beweer die staat het hom onregverdig onder kruisondervraging geneem en versuim om hom oor dele van sy getuienis te kruisondervra.

Die staat het reeds aangedui hulle gaan die appèl teenstaan en beweer die appellant het geen gronde om te bewys dat landdros Udjombala se beslissing onregmatig was nie en voer aan die appèl moet van die hand gewys word.

Boulter word nou deur mnr. Kadhila Amoomo verteenwoordig.
[email protected]

Soortgelyk

 

Minister vra verligting vir boere

15 ure gelede | Landbou

Ronelle Rademeyer – Die minister van landbou, water en grondhervorming, mnr. Calle Schlettwein, het die Nasionale Vergadering (NV) gister versoek om aan boere grondbelastingverligting van...

Verdediging terug onder OG se skoot

15 ure gelede | Ministeries

Jo-Maré Duddy – 'n Spook-attaché in Kinshasha wat vergoed is en belastinggeld wat gebruik is om salarisse by August 26 te betaal, is van die...

Weer vir 21 Oktober 2021

15 ure gelede | Weer

WEERWAAK: Wydverspreide donderbuie van meer as 50 mm kan in die oostelike dele van die ||Kharasstreek voorkom.BINNELAND: Gedeeltelik bewolk en warm met geïsoleerde donderbuie in...

Saara sien lig in korrupsietonnel

15 ure gelede | Misdaad

Die inhoud van Namibië se nuwe konsepplan teen korrupsie vir 2021-'25 bevat volgens eerste minister Saara Kuugongelwa-Amadhila talle positiewe tekens dat hierdie vyand van ­welvaart...

Dippenaar-verhoor hervat in Julie 2022

15 ure gelede | Howe

Adolf Kaure in Swakopmund – Na twee dae se getuienis is die verhoor waarin mnr. Jandré Dippenaar op ses klagte van moord tereg staan, gister...

Kalkrand oorleef op druppels

15 ure gelede | Maatskaplik

Augetto Graig – Die klein en arm gemeenskap van Kalkrand moet al bykans drie weke lank met net druppels water oor die weg kom nadat...

Reën kan tot môre duur

15 ure gelede | Weer

Elvira Hattingh – Die Namibiese weerkantoor het ‘n waarskuwing uitgereik dat wydverspreide donderbuie vandag (Donderdag) in die oostelike dele van die ||Kharasstreek kan voorkom, wat...

Regter roskam ‘homofobiese’ ministerie

15 ure gelede | Howe

Jana-Mari Smith – Hoërhofregter Thomas Masuku het die ministerie van binnelandse sake, immigrasie, veiligheid en sekuriteit se “diskriminasie teen selfdegeslagpaartjies” veroordeel. Toe hy in sy...

Sterftekoers onder swanger vroue te hoog

15 ure gelede | Ministeries

Henriette Lamprecht – Hoewel belangrike vooruitgang met 'n afname van 40% in die sterftekoers vir swanger vroue en pasgebore babas die afgelope twee dekades gemaak...