Botswana toets, begelei drywers

Ronelle Rademeyer – Die bestuurders van vragmotors wat vrag uit Suid-Afrika via Botswana na Namibië vervoer en weer langs daardie weg terugkeer, word nou nie net deur die gesondheidsowerheid in die buurland vir Covid-19 getoets nie, maar moet ook in 'n begeleide konvooi deur die land beweeg.Dié nuwe maatreëls is gister deur mnr. Lesley Mpofu, uitvoerende hoof van die Trans-Kalahari-Korridorgroep se sekretariaat, bevestig.Botswana het aanvanklik op 13 Mei aangekondig geen vragmotorbestuurder sal toegelaat word om die land binne te gaan as hy nie bewys kan lewer dat hy negatief vir Covid-19 getoets het nie. Die toetsuitslag mag nie ouer as 72 uur wees nie.Dié aankondiging is twee dae later hersien en Vrydag is bekend gemaak die gesondheidsowerheid in Botswana sal self lorriedrywers by die land se grensposte toets.Dit was nadat die Namibiese vervoerbedryf onder leiding van mnr. Harald Schmidt, sekretaris-generaal van die Namibië Logistiekvereniging (NLA), Donderdag met Mpofu en verteenwoordigers van Botswana se hoëkommisariaat in Windhoek oor die impak van die 13 Mei-aankondiging vergader het.'n Verdere maatreël wat sedert die naweek in Botswana geld, is dat lorriedrywers wat die buurland binnegaan, onder polisiebegeleiding verder moet ry. “Die bestuurders van vragmotors word deur die polisie begelei tot waar hulle in Botswana vrag moet aflaai. As hulle die land net as deurgangsroete gebruik, word hulle tot by die volgende grenspos begelei,” het Mpofu gister by navraag verduidelik.Hy sê dit is die reël sedert Saterdag, toe begin is om lorriedrywers by grensposte te toets. “Die uitslag van die deppers wat vir die virus getoets word, is binne 50 minute beskikbaar. Agt toetse kan op een slag in die masjien geplaas word. Ek is deur die beamptes by die Mamuno-grenspos ingelig sodra die agt lorriedrywers wat getoets is, se toetsuitslae bekend is, mag hulle onder polisiebegeleiding vertrek.”Mpofu sê die begeleidingsreël is van toepassing al het 'n lorriedrywer negatief getoets.Intussen blyk dit uit teksboodskappe wat op 'n WhatsApp-groep vir lorriedrywers en vervoermaatskappye geplaas is dat lang oponthoude die naweek by grensposte ervaar is.Schmidt sê dit veroorsaak erge kopsere, want karweiers kan nie by die afleweringstye hou waarop daar in diensleweringsooreenkomste met kliënte ooreengekom is nie.- ronelle@republikein.com.na

Botswana toets, begelei drywers

Kommentaar

Republikein 2026-05-05

Meld asseblief aan om kommentaar te lewer

Botswana toets, begelei drywers

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.