Botswana skiet vier stropers

Francoise Steynberg – Die weermag van Botswana (BDF) het vier stropers in drie afsonderlike voorvalle in die Okavango-delta doodgeskiet.Volgens ’n mediaverklaring van die BDF het die voorvalle oor sewe dae tussen 22 en 29 Junie plaasgevind toe heen en weer tussen die weermag en stopers geskiet is.“Die kontakgebiede was by Mombo, Kurunxaraga en die Selina-oorloop in die gebied van Linyanti. Daar is ’n onrusbarende oplewing van renosterstropery in die Okavango-delta en stropers volhard met genadelose taktieke met BDF-lede as teiken,” lui die verklaring. “As ’n professionele mag sal BDF se teenstropingseenhede voortgaan om hul taak uit te voer om bedreigde spesies te beskerm,” sê kol. Tebo Dikole, weermaghoof van Botswana. Die Namibiese polisie se bevelvoerder in die Zambezistreek, komm. Karl Theron, het by navraag aan Republikein gesê die stropers wat doodgeskiet is, is beslis nie Namibiërs nie. “Daar is al voorheen vermeende Namibiese stropers in die Linaynti-gebied doodgeskiet en die regering van Botswana stel ons gewoonlik in kennis,” het hy gesê. Theron sê weens die sterk teenwoordigheid van Namibiese wetstoepassers in die noordooste om stropers vas te vat, “vermoed ons hulle hardloop nou Botswana toe”. HONDERDE OLIFANTKARKASSEIntussen probeer Botswana se ministerie van die omgewing, natuurlike hulpbronne, natuurbewaring en toerisme die raaiseldood van honderde olifante in die omgewing van Seronga in die noordelike Okavango-delta ontsyfer.Volgens ’n verklaring van die ministerie is 356 olifantkarkasse sedert Maart gevind, terwyl bewaringsaktiviste sê meer as 400 olifante is in die gebied dood. “Die ondersoek na die onverklaarde olifantsterftes duur voort. Drie laboratoriums in Zimbabwe, Suid-Afrika en Kanada is geïdentifiseer om die monsters van die dooie olifante te ontleed,” lui die verklaring.“Die tande word verwyder en die olifantkarkasse word vernietig naby nedersettings waar mense woon.”Die versekering is gegee dat daar tot dusver geen bewyse van olifantstropery is nie, hoewel die ondersoek na die vrektes voortduur.Geen soortgelyke noodlottige verliese onder olifante is in Namibië aangemeld nie. Een vermoede is dat die olifante vergiftig is. Africa Geographic berig dat 70% van die karkasse naby watergate of panne gevind is en ’n dooie perd is ook naby ’n watergat gesien. “Lewende olifante naby waterbronne is gesien wat gedisoriënteerd lyk asof hulle nie beheer oor hul bene het nie. Een is gesien wat in sirkels geloop het.” Geen karkasse van ander spesies is in die gebied opgemerk nie en aasvoëls wat aan die olifantkarkasse geëet het, het ook niks oorgekom nie. - francoise@republikein.com.na

Botswana skiet vier stropers

Kommentaar

Republikein 2026-02-04

Meld asseblief aan om kommentaar te lewer

Botswana skiet vier stropers

Kommentaar

Republikein 2026-02-04

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.