Botswana: Reisvereistes vir minderjariges verander
Sedert Oktobermaand het die buurland nuwe reisvereistes vir kinders ingestel, hoofsaaklik om mensehandel te voorkom.
Elvira Hattingh - Reisigers wat voorts met kinders onder die ouderdom van 18 jaar deur Botswana wil ry of dié buurland wil besoek, moet gesertifiseerde kopieë van die kinders se volledige geboortesertifikate, die oorspronklike sertifikaat self, asook die kinders se paspoorte by grense toon.
Die ministerie van binnelandse sake en immigrasie se woordvoerder, me. Salome Kambala, het gister tydens ''n mediakonferensie gesê Botswana se nuwe reisvereistes vir kinders het van begin Oktober van krag geword en dat geen minderjarige reisigers dié land se grense daarsonder sal kan oorsteek nie.
“Botswana het aangedui dat indien reisigers nie die vereistes nakom nie, sal hulle gedwing word om terug te draai,” het Kambala gesê.
“Verder, indien minderjariges saam met net een ouer reis en dié ouer word alleen op hul volledige geboortesertifikaat aangedui, is geen beëdigde verklaring van die ander ouer nodig wat toestemming gee dat die kind die land mag verlaat nie.
“Indien twee ouers egter op die sertifikaat vermeld word en die kind reis saam met net een, moet die ander ''n verklaring saamstuur. Dieselfde geld wanneer minderjariges saam met voogde of ''n ouer reis wat nie op die geboortesertifikaat vermeld word nie,” het sy gesê.
Volgens Kambala word dit gedoen om mensehandel te voorkom.
“Die Verenigde Nasies (VN) se protokol teen mensehandel vereis dat lidlande met aksies vorendag kom om dit te bekamp. Namibië het dit ook onderteken, maar tans vereis ons nog nie hierdie dokumente van reisigers nie.
“Dit is egter wys om dié papiere byderhand te hê, want verskeie van ons buurlande vereis dit.”
Kambala het voorts gesê mense wat aansoek om paspoorte gedoen het, moet dit kom afhaal. "Ons het hard gewerk om alle aansoeke binne twee dae af te handel en nou kom haal mense dit nie af nie. Tans lê ''n klomp paspoorte opgehoop by ons."
Sy het voornemende studente wat elders gaan studeer, herinner om die lande se ambassades in Windhoek te besoek en vir onder meer die nodige visums aansoek te doen, voor hulle na die ander land reis.
“Buitelanders wat in Namibië kom studeer, moet ook eers ons ambassades in hul lande van oorsprong besoek en nie eers hierheen kom en dan vir die nodige visums kom aansoek doen nie.”
Sy het voorts kommer uitgespreek dat sommige buitelanders wat in Namibië kom studeer, nie weer na hul lande terugkeer nie en dan ná hul studies direk vir werkspermitte probeer aansoek doen. Volgens haar maak veral Angolese, Zimbabwiese en Kongolese burgers hulle hieraan skuldig.
“Sommiges werk onder hul studiepermit, terwyl die korrekte prosedure is om eers na jou land terug te keer en dan deur ''n ambassade om ''n werkspermit aansoek te doen.
“As ons iemand vang dit doen, sal ons hulle deporteer. Ons hou rekord van elke buitelander in ons land.”
Kambala het haar kommer uitgespreek oor jong Namibiese meisies wat deur vreemde, buitelandse mans misbruik word om burgerskap of domisilie in die land te kry. "Sodra hulle met die meisie getrou het, verdwyn die mans. Soms word hulle omkoopgeld betaal om met die mans te trou," sê Kambala.
“Maandeliks kom gemiddeld drie tot vier meisies hier aan wat sê hul buitelandse mans het verdwyn. Sedert 2013 het die probleem drasties toegeneem.”
Die ministerie van binnelandse sake en immigrasie se woordvoerder, me. Salome Kambala, het gister tydens ''n mediakonferensie gesê Botswana se nuwe reisvereistes vir kinders het van begin Oktober van krag geword en dat geen minderjarige reisigers dié land se grense daarsonder sal kan oorsteek nie.
“Botswana het aangedui dat indien reisigers nie die vereistes nakom nie, sal hulle gedwing word om terug te draai,” het Kambala gesê.
“Verder, indien minderjariges saam met net een ouer reis en dié ouer word alleen op hul volledige geboortesertifikaat aangedui, is geen beëdigde verklaring van die ander ouer nodig wat toestemming gee dat die kind die land mag verlaat nie.
“Indien twee ouers egter op die sertifikaat vermeld word en die kind reis saam met net een, moet die ander ''n verklaring saamstuur. Dieselfde geld wanneer minderjariges saam met voogde of ''n ouer reis wat nie op die geboortesertifikaat vermeld word nie,” het sy gesê.
Volgens Kambala word dit gedoen om mensehandel te voorkom.
“Die Verenigde Nasies (VN) se protokol teen mensehandel vereis dat lidlande met aksies vorendag kom om dit te bekamp. Namibië het dit ook onderteken, maar tans vereis ons nog nie hierdie dokumente van reisigers nie.
“Dit is egter wys om dié papiere byderhand te hê, want verskeie van ons buurlande vereis dit.”
Kambala het voorts gesê mense wat aansoek om paspoorte gedoen het, moet dit kom afhaal. "Ons het hard gewerk om alle aansoeke binne twee dae af te handel en nou kom haal mense dit nie af nie. Tans lê ''n klomp paspoorte opgehoop by ons."
Sy het voornemende studente wat elders gaan studeer, herinner om die lande se ambassades in Windhoek te besoek en vir onder meer die nodige visums aansoek te doen, voor hulle na die ander land reis.
“Buitelanders wat in Namibië kom studeer, moet ook eers ons ambassades in hul lande van oorsprong besoek en nie eers hierheen kom en dan vir die nodige visums kom aansoek doen nie.”
Sy het voorts kommer uitgespreek dat sommige buitelanders wat in Namibië kom studeer, nie weer na hul lande terugkeer nie en dan ná hul studies direk vir werkspermitte probeer aansoek doen. Volgens haar maak veral Angolese, Zimbabwiese en Kongolese burgers hulle hieraan skuldig.
“Sommiges werk onder hul studiepermit, terwyl die korrekte prosedure is om eers na jou land terug te keer en dan deur ''n ambassade om ''n werkspermit aansoek te doen.
“As ons iemand vang dit doen, sal ons hulle deporteer. Ons hou rekord van elke buitelander in ons land.”
Kambala het haar kommer uitgespreek oor jong Namibiese meisies wat deur vreemde, buitelandse mans misbruik word om burgerskap of domisilie in die land te kry. "Sodra hulle met die meisie getrou het, verdwyn die mans. Soms word hulle omkoopgeld betaal om met die mans te trou," sê Kambala.
“Maandeliks kom gemiddeld drie tot vier meisies hier aan wat sê hul buitelandse mans het verdwyn. Sedert 2013 het die probleem drasties toegeneem.”
Kommentaar
Republikein
Geen kommentaar is op hierdie artikel gelaat nie