Borgtog vir oudbeamptes van sportkommissie
Die voormalige waarnemende hoofadministrateur van die Namibië Sportkommissie (NSC), mnr. Walter Haseb, en ontwikkelingsbeampte, me. Yvonne Nande, is gister in die Windhoek-landdroshof borgtog van N$40 000 toegestaan.
Landdros Vanessa Stanley het borgtog toegestaan aan die einde van die formele borgtogaansoek wat verlede week aangehoor is.
Dit is gedoen met die voorwaarde dat hulle elke Vrydag tussen 08:00 en 17:00 by die Okahandja-polisiekantoor aanmeld.
Die beskuldigdes is ook beveel om hul paspoorte aan die polisie te oorhandig en dat hulle nie om enige ander reisdokumente mag aansoek doen nie. Daarbenewens mag hulle Namibië nie verlaat sonder om eers toestemming van die ondersoekbeamptes te verkry nie.
Aanklaer Andreas Joseph, wat gedurende die borgtogaansoek namens die staat verskyn het, het die toestaan van borgtog teengestaan op grond daarvan dat Haseb en Nande met die polisieondersoeke mag inmeng deur met staatsgetuies in verbinding te tree.
Joseph het ook aangevoer dat die beskuldigdes na die buiteland mag vlug om vervolging deur die staat te vermy vanweë die staat se sterk saak teen hulle.
Dié twee is op 26 Julie deur die Teenkorrupsiekommissie (ACC) in hegtenis geneem op klagte dat hul op korrupte wyse hul posisie in 'n openbare liggaam gebruik het vir die verkryging van beloning vir hul eie voordeel of ter voordeel van 'n ander persoon.
Hulle word daarvan beskuldig dat hulle in 2016 bedrog van N$4,5 miljoen gepleeg het.
Haseb het op 28 Desember 2016 by die NSC bedank terwyl Nande in 'n later stadium bedank het.
Die NSC se hoofadministrateur, mnr. Freddy Mwiya, het verlede maand gesê sy kantoor het al geruime tyd saam met die ACC gewerk om finansiële ongerymdhede by die kommissie te ondersoek.
Mnr. Vetu Uanivi het namens Haseb opgetree en mnr. Amoomo Kadhila het Nande verteenwoordig.
Die verhoor is tot 19 Februarie 2018 uitgestel.
- Nampa
Landdros Vanessa Stanley het borgtog toegestaan aan die einde van die formele borgtogaansoek wat verlede week aangehoor is.
Dit is gedoen met die voorwaarde dat hulle elke Vrydag tussen 08:00 en 17:00 by die Okahandja-polisiekantoor aanmeld.
Die beskuldigdes is ook beveel om hul paspoorte aan die polisie te oorhandig en dat hulle nie om enige ander reisdokumente mag aansoek doen nie. Daarbenewens mag hulle Namibië nie verlaat sonder om eers toestemming van die ondersoekbeamptes te verkry nie.
Aanklaer Andreas Joseph, wat gedurende die borgtogaansoek namens die staat verskyn het, het die toestaan van borgtog teengestaan op grond daarvan dat Haseb en Nande met die polisieondersoeke mag inmeng deur met staatsgetuies in verbinding te tree.
Joseph het ook aangevoer dat die beskuldigdes na die buiteland mag vlug om vervolging deur die staat te vermy vanweë die staat se sterk saak teen hulle.
Dié twee is op 26 Julie deur die Teenkorrupsiekommissie (ACC) in hegtenis geneem op klagte dat hul op korrupte wyse hul posisie in 'n openbare liggaam gebruik het vir die verkryging van beloning vir hul eie voordeel of ter voordeel van 'n ander persoon.
Hulle word daarvan beskuldig dat hulle in 2016 bedrog van N$4,5 miljoen gepleeg het.
Haseb het op 28 Desember 2016 by die NSC bedank terwyl Nande in 'n later stadium bedank het.
Die NSC se hoofadministrateur, mnr. Freddy Mwiya, het verlede maand gesê sy kantoor het al geruime tyd saam met die ACC gewerk om finansiële ongerymdhede by die kommissie te ondersoek.
Mnr. Vetu Uanivi het namens Haseb opgetree en mnr. Amoomo Kadhila het Nande verteenwoordig.
Die verhoor is tot 19 Februarie 2018 uitgestel.
- Nampa
Kommentaar
Republikein
Geen kommentaar is op hierdie artikel gelaat nie