Boois veg voort teen Himarwa
Die beleërde me. Yvonne Boois staan nie terug in haar stryd teen voormalige (swaargewig) vriende nie.
Catherine Sasman
Me. Yvonne Boois het op 19 Oktober 'n bykomende klag van meineed teen mnr. Ghenno Himarwa by die Namibiese polisie aanhangig gemaak nadat sy vroeër 'n klag van bedrog teen hom en die voorsitter van die Nasionale Raad (NR), me. Margaret Mensah-Williams, gelê het.
Dié nuwe klag kom weke nadat Boois agt klagte van bedrog en korrupsie by die Teenkorrupsiekommissie (ACC) teen Himarwa se vrou, die minister van onderwys, kuns en kultuur, me. Katrina Hanse-Himarwa, aanhangig gemaak het.
Die nuwe klag hou verband met die voortslepende stryd rondom aantygings dat Himarwa sedert 2016 met opset versuim het om dividende van Boois se 17,5%-aandele in Hotago Fishing uit te betaal.
Boois sê Himarwa het sy regsverteenwoordigers, De Klerk Horn & Coetzee Incorporated, verkeerdelik ingelig dat sy (Boois) N$215 000 in 2016 ontvang het, wat per tjek in twee paaiemente van N$110 000 op 22 April en 'n verdere N$105 000 op 27 April verlede jaar aan haar betaal is.
In haar polisieverklaring sê Boois sy het inderdaad in April 2016 'n tjek ten bedrae van N$110 000 van Himarwa af ontvang, maar kon dit nie wissel nie omdat die bedrag N$100 000 oorskry het.
Sy sê haar regsverteenwoordigers het die tjek aan Himarwa teruggestuur, wat toe twee tjeks van onderskeidelik N$55 000 en N$50 000 uitgereik het.
“Om dus nou aan te voer dat 'n bedrag van N$215 000 aan my betaal is, is 'n blatante leuen,” sê sy.
Sy sê die tjeks wat sy wel van Himarwa af ontvang het, is onderskeidelik eers in April en Julie vanjaar in haar rekening inbetaal.
Boois sê voorts Himarwa het vir sy prokureurs gejok daaroor dat Hotago in 2017 'n verlies gemaak het en die dividende dus nie kon uitbetaal nie. Sy sê bankstate toon verskeie betalings is in 2016 en 2017 gemaak.
Boois sê N$432 000 in dividende is aan haar verskuldig, wat óf van haar “weerhou” is, óf deur Himarwa en Mensah-Williams “gesteel” is.
“Boonop is baie ongemagtigde betalings gemaak, selfs aan mense wat nie lede van die maatskappy is nie,” sê Boois.
Boois voer aan teen Augustus was 'n bedrag van N$837 214,14 in Hotago se rekening en sê teen 19 Oktober was net N$515 111,27 in die rekening oor.
Dit het haar tot die gevolgtrekking laat kom dat die ander aandeelhouers van die onderneming “skaamteloos en vreesloos voortgaan om Hotago se fondse te plunder”.
Himarwa het Dinsdag alle aantygings ontken en Boois as 'n “bitter mens” beskryf.
Hy beweer alle dividende wat aan Boois verskuldig was, is teen die einde van 2016 betaal en dat sy N$598 650 in totaal ontvang het.
“Ons steek niks weg nie. Ons is bereid om dit in die hof te bewys. Sy smeer ander mense se name swart. Sy moet met bewyse kom,” het Himarwa gesê.
Himarwa het gesê dividende word nie volgens die persentasie aandele in Hotago uitbetaal nie, omdat die maatskappy ook geld aan liefdadigheidsorganisasies skenk en bystand aan skole verleen.
“Al die geld gaan nie vir die betaling van dividende nie, ons ondersteun ook die armes,” het hy gesê.
Boois is op 21 Augustus deur die Teenkorrupsiekommissie in hegtenis geneem op klagte van onreëlmatighede in die toekenning van tenders toe sy die hoofstreeksbeampte van Hardap se streeksraad was.
Sy is in hegtenis geneem dae nadat sy aanvanklik 'n klag van bedrog teen Himarwa en Mensah-Williams oor die beweerde onbetaalde dividende gelê het. Sy moes borgtog van N$4 000 betaal.
Me. Yvonne Boois het op 19 Oktober 'n bykomende klag van meineed teen mnr. Ghenno Himarwa by die Namibiese polisie aanhangig gemaak nadat sy vroeër 'n klag van bedrog teen hom en die voorsitter van die Nasionale Raad (NR), me. Margaret Mensah-Williams, gelê het.
Dié nuwe klag kom weke nadat Boois agt klagte van bedrog en korrupsie by die Teenkorrupsiekommissie (ACC) teen Himarwa se vrou, die minister van onderwys, kuns en kultuur, me. Katrina Hanse-Himarwa, aanhangig gemaak het.
Die nuwe klag hou verband met die voortslepende stryd rondom aantygings dat Himarwa sedert 2016 met opset versuim het om dividende van Boois se 17,5%-aandele in Hotago Fishing uit te betaal.
Boois sê Himarwa het sy regsverteenwoordigers, De Klerk Horn & Coetzee Incorporated, verkeerdelik ingelig dat sy (Boois) N$215 000 in 2016 ontvang het, wat per tjek in twee paaiemente van N$110 000 op 22 April en 'n verdere N$105 000 op 27 April verlede jaar aan haar betaal is.
In haar polisieverklaring sê Boois sy het inderdaad in April 2016 'n tjek ten bedrae van N$110 000 van Himarwa af ontvang, maar kon dit nie wissel nie omdat die bedrag N$100 000 oorskry het.
Sy sê haar regsverteenwoordigers het die tjek aan Himarwa teruggestuur, wat toe twee tjeks van onderskeidelik N$55 000 en N$50 000 uitgereik het.
“Om dus nou aan te voer dat 'n bedrag van N$215 000 aan my betaal is, is 'n blatante leuen,” sê sy.
Sy sê die tjeks wat sy wel van Himarwa af ontvang het, is onderskeidelik eers in April en Julie vanjaar in haar rekening inbetaal.
Boois sê voorts Himarwa het vir sy prokureurs gejok daaroor dat Hotago in 2017 'n verlies gemaak het en die dividende dus nie kon uitbetaal nie. Sy sê bankstate toon verskeie betalings is in 2016 en 2017 gemaak.
Boois sê N$432 000 in dividende is aan haar verskuldig, wat óf van haar “weerhou” is, óf deur Himarwa en Mensah-Williams “gesteel” is.
“Boonop is baie ongemagtigde betalings gemaak, selfs aan mense wat nie lede van die maatskappy is nie,” sê Boois.
Boois voer aan teen Augustus was 'n bedrag van N$837 214,14 in Hotago se rekening en sê teen 19 Oktober was net N$515 111,27 in die rekening oor.
Dit het haar tot die gevolgtrekking laat kom dat die ander aandeelhouers van die onderneming “skaamteloos en vreesloos voortgaan om Hotago se fondse te plunder”.
Himarwa het Dinsdag alle aantygings ontken en Boois as 'n “bitter mens” beskryf.
Hy beweer alle dividende wat aan Boois verskuldig was, is teen die einde van 2016 betaal en dat sy N$598 650 in totaal ontvang het.
“Ons steek niks weg nie. Ons is bereid om dit in die hof te bewys. Sy smeer ander mense se name swart. Sy moet met bewyse kom,” het Himarwa gesê.
Himarwa het gesê dividende word nie volgens die persentasie aandele in Hotago uitbetaal nie, omdat die maatskappy ook geld aan liefdadigheidsorganisasies skenk en bystand aan skole verleen.
“Al die geld gaan nie vir die betaling van dividende nie, ons ondersteun ook die armes,” het hy gesê.
Boois is op 21 Augustus deur die Teenkorrupsiekommissie in hegtenis geneem op klagte van onreëlmatighede in die toekenning van tenders toe sy die hoofstreeksbeampte van Hardap se streeksraad was.
Sy is in hegtenis geneem dae nadat sy aanvanklik 'n klag van bedrog teen Himarwa en Mensah-Williams oor die beweerde onbetaalde dividende gelê het. Sy moes borgtog van N$4 000 betaal.
Kommentaar
Republikein
Geen kommentaar is op hierdie artikel gelaat nie