Bonita sewende in Joburg Ope
Gholf
Drie bestendige rondes het die Namibiër Bonita Bredenhann in staat gestel om in die gesamentlike sewende posisie klaar te maak toe die Joburg Vroue Ope gholftoernooi Vrydag by die Soweto Buiteklub ten einde geloop het.
Bredenhann het rondes van 77, 75 en 76 op die syfer 72-baan aangeteken en het in die proses met prysgeld van R13 840 weggestap. Sedert die nuwejaar het sy reeds ’n raps onder die R38 000 aan prysgeld in die buurland Sonskyn-reeks verdien.
Haar landgenoot Jessica Dreesbeimdieke, wat ook tans aan toernooie in die Suid-Afrikaanse Sonskyn-reeks deelneem voordat die beroepseisoen in Amerika ’n aanvang neem, was in die gesamentlike 16de posisie vir ’n tjek van R9 225. Sy het rondes van 78, 78 en 74 gespeel.
Die toernooi is deur Monique Smit van Suid-Afrika met ’n totaal van 217 (een oor syfer) gewen. Sy het met een hou voor Sideri Vanova van Tsjeggië geëindig.
• In die vorige week se SA Meesters vrouetoernooi het Bredenhann opnuut beter as haar landgenoot geëindig. Bredenhann was in die gesamentlike vyfde posisie (222 houe) teenoor Dreesbeimdieke se twaalfde plek, vier houe swakker.
Bredenhann het rondes van 77, 75 en 76 op die syfer 72-baan aangeteken en het in die proses met prysgeld van R13 840 weggestap. Sedert die nuwejaar het sy reeds ’n raps onder die R38 000 aan prysgeld in die buurland Sonskyn-reeks verdien.
Haar landgenoot Jessica Dreesbeimdieke, wat ook tans aan toernooie in die Suid-Afrikaanse Sonskyn-reeks deelneem voordat die beroepseisoen in Amerika ’n aanvang neem, was in die gesamentlike 16de posisie vir ’n tjek van R9 225. Sy het rondes van 78, 78 en 74 gespeel.
Die toernooi is deur Monique Smit van Suid-Afrika met ’n totaal van 217 (een oor syfer) gewen. Sy het met een hou voor Sideri Vanova van Tsjeggië geëindig.
• In die vorige week se SA Meesters vrouetoernooi het Bredenhann opnuut beter as haar landgenoot geëindig. Bredenhann was in die gesamentlike vyfde posisie (222 houe) teenoor Dreesbeimdieke se twaalfde plek, vier houe swakker.
Kommentaar
Republikein
Geen kommentaar is op hierdie artikel gelaat nie