Boewe teister Okahandja
Tanja Bause - Vier gewapende rowers het Saterdag omstreeks 23:00 'n vulstasie op Okahandja binnegestorm en personeel beveel om op die grond te gaan lê. Van die rowers het oor die toonbank gespring en N$2 000 kontant uit die kasregister en ook sigarette gebuit. Die mans het met die wegstap twee skote in die lug afgevuur.
“Hulle het per voet gekom en per voet verdwyn. Die polisie en die sekuriteitsmaatskappy was baie vinnig op die toneel en het die rowers agtervolg,” het die eienaar van die vulstasie, mnr. David Werner, vertel.
Tydens die voorval was ses personeellede van die vulstasie en twee veiligheidswagte aan diens. Volgens Werner het die rowers hul gesigte voor die kameras verbloem en kan hulle nie uitgeken word nie.
Op dieselfde aand het inbrekers ook by die mediese sentrum op die dorp toegeslaan.
“Hulle het deur die dak ingekom en al die kringtelevisiekameras uitgepluk. Die deur van die apteek wat na die straat lei, asook die deur wat van die dokters se spreekkamers na die binnehof lei, is oopgebreek,” het mnr. Johan Faber, die eienaar van 'n apteek, gesê.
Volgens Faber het die boewe die kluis oopgebreek en sowat N$50 000 in kontant gesteel.
“Hulle het ook baie duur mansparfuum gesteel, terwyl 'n laai met horlosies en juwele ook gebuit is. Geen vroueparfuums is egter gesteel nie," het Faber gesê.
Volgens Faber is twee rekenaarbedieners ook deur die rowers gesteel. Een van die rekenaarbedieners was aan kringtelevisiekameras gekoppel, terwyl die ander pasiënte se inligting gestoor het.
“Die mans was baie professioneel, het handskoene aangehad en het hul gesigte van die kameras weggedraai voordat hulle dit uitgepluk het.”
Volgens mnr. Charl Coetzee van die Okahandja Buurtwag is diewe die afgelope twee maande veral bedrywig in die steel van onder meer boorgatpompe op kleinhoewes buite die dorp. Drie weke gelede het 'n besigheid op die rand van die dorp deurgeloop, terwyl 'n hardewarewinkel, koffiekroeg en 'n private woning op die dorp twee weke gelede deur rowers geteiken is.
Hy het bevestig dat rowers oor 'n kwessie van twee dae 'n apteek, winkel in 'n inkoopsentrum, 'n vulstasie en 'n private woning beroof het.
“Veiligheidswagte en lede van die polisie en die buurtwag het die rowers agtervolg wat die vulstasie beroof het. Die rowers het twee skote op hulle afgevuur wat ons laat besluit het om die agtervolging te staak. Ons het die volgende dag egter die spore tot in die Nau-Aib woonbuurt gevolg,” het Coetzee vertel.
Volgens hom het die rowers ? kluis waarin 'n rewolwer was, uit die private woning gesteel.
“Dié rowers was baie rustig en ons het op beeldmateriaal van veiligheidskameras buite die huis gesien hulle het die huis vir 'n baie lang tyd dopgehou."
Volgens Coetzee kan op die kameras gesien word hoe die eienaars se honde wat begin blaf het, deur die boewe met iets in die gesig gespuit word.
" Die bure het hulle ligte aangeskakel en gekyk wat aangaan, met die boewe wat om 'n hoek buite sig beweeg en gewag het tot die ligte weer afgeskakel word. Daarna het hulle teruggegaan en by die huis ingebreek,” het hy gesê.
“Hulle het per voet gekom en per voet verdwyn. Die polisie en die sekuriteitsmaatskappy was baie vinnig op die toneel en het die rowers agtervolg,” het die eienaar van die vulstasie, mnr. David Werner, vertel.
Tydens die voorval was ses personeellede van die vulstasie en twee veiligheidswagte aan diens. Volgens Werner het die rowers hul gesigte voor die kameras verbloem en kan hulle nie uitgeken word nie.
Op dieselfde aand het inbrekers ook by die mediese sentrum op die dorp toegeslaan.
“Hulle het deur die dak ingekom en al die kringtelevisiekameras uitgepluk. Die deur van die apteek wat na die straat lei, asook die deur wat van die dokters se spreekkamers na die binnehof lei, is oopgebreek,” het mnr. Johan Faber, die eienaar van 'n apteek, gesê.
Volgens Faber het die boewe die kluis oopgebreek en sowat N$50 000 in kontant gesteel.
“Hulle het ook baie duur mansparfuum gesteel, terwyl 'n laai met horlosies en juwele ook gebuit is. Geen vroueparfuums is egter gesteel nie," het Faber gesê.
Volgens Faber is twee rekenaarbedieners ook deur die rowers gesteel. Een van die rekenaarbedieners was aan kringtelevisiekameras gekoppel, terwyl die ander pasiënte se inligting gestoor het.
“Die mans was baie professioneel, het handskoene aangehad en het hul gesigte van die kameras weggedraai voordat hulle dit uitgepluk het.”
Volgens mnr. Charl Coetzee van die Okahandja Buurtwag is diewe die afgelope twee maande veral bedrywig in die steel van onder meer boorgatpompe op kleinhoewes buite die dorp. Drie weke gelede het 'n besigheid op die rand van die dorp deurgeloop, terwyl 'n hardewarewinkel, koffiekroeg en 'n private woning op die dorp twee weke gelede deur rowers geteiken is.
Hy het bevestig dat rowers oor 'n kwessie van twee dae 'n apteek, winkel in 'n inkoopsentrum, 'n vulstasie en 'n private woning beroof het.
“Veiligheidswagte en lede van die polisie en die buurtwag het die rowers agtervolg wat die vulstasie beroof het. Die rowers het twee skote op hulle afgevuur wat ons laat besluit het om die agtervolging te staak. Ons het die volgende dag egter die spore tot in die Nau-Aib woonbuurt gevolg,” het Coetzee vertel.
Volgens hom het die rowers ? kluis waarin 'n rewolwer was, uit die private woning gesteel.
“Dié rowers was baie rustig en ons het op beeldmateriaal van veiligheidskameras buite die huis gesien hulle het die huis vir 'n baie lang tyd dopgehou."
Volgens Coetzee kan op die kameras gesien word hoe die eienaars se honde wat begin blaf het, deur die boewe met iets in die gesig gespuit word.
" Die bure het hulle ligte aangeskakel en gekyk wat aangaan, met die boewe wat om 'n hoek buite sig beweeg en gewag het tot die ligte weer afgeskakel word. Daarna het hulle teruggegaan en by die huis ingebreek,” het hy gesê.
Kommentaar
Republikein
Geen kommentaar is op hierdie artikel gelaat nie