Boeties op koers in Tswane

Die 15-jarige Connor van Schalkwyk (links) en sy ouboet Codie (18) het gister as dubbelspelpaar by die ITF/CAT junior Afrika-kampioenskap in Pretoria hul eerste rondte-wedstryd op 'n drafstap gewen. Die Namibiërs het met 6-1, 6-4 verby Derick Ominde (Kenia) en Paul Brunel Wambangouadjio (Kameroen) gevorder. Codie, tans nommer 350 op die junior wêreldrang­lys, is gisteroggend ook eers ná 'n geweldige stryd in die enkelspel se tweede rondte uitgeskakel. Hy het teen Suid-Afrika se Khololwam Montsi, nommer 14 op die wêreldranglys, die eerste stel met 6-3 verloor, maar het selfs 'n stelpunt in die tweede stel gehad voordat dit én die wedstryd met 7-5 uit sy greep geglip het. Die Afrika-toernooi wat deur Tennis Suid-Afrika aangebied word, duur tot komende Sondag.

Foto Facebook (Namibia Tennis Association)