Boer - Spoorminerale verhoog die boer se opbrengs

Dr. Martin Ferreira, veearts - In die vorige uitgawe het ons daarop gewys dat die gereelde en vroegtydige aanvulling van spoorminerale gedurende die jaar nie net vir die dier van waarde is nie, maar vir die boer se sak. Dit lei tot verhoogde reproduksie en produksieprestasie, maar bring ook verbeterde immuniteitsreaksies en dus gesonder diere. Daarbenewens het dit verhoogde speenpersentasie tot gevolg.Ons gaan probeer om in hierdie uitgawe meer lig te werp op die werking en belang van die sekere spoorminerale ten opsigte van reproduksie en produksiedoeltreffendheid. Dit waarvan ons hier praat, is van toepassing op bees- sowel as skaapboerdery.Diere neem op ’n daaglikse basis spoorminerale in as deel van hul normale voeding, maar weens die blokkerings (antagonistiese) effek van ander minerale soos kalsium, yster, swael en molibdeen wat in die grootpens van die herkouer plaasvind, asook die interaksies tussen die spoorminerale onderling, word baie klein hoeveelhede van die uiters noodsaaklikke spoorminerale soos koper, mangaan, selenium, sink, chroom, jodium en kobalt opgeneem.Dit is ook die geval met die spoormineraalaanvullings wat in meeste van die beskikbare lekke gegee word. Ten spyte van die blokkeringseffek en verlaagde opname van die beskikbare spoorminerale, is dit noodsaaklik dat die diere daagliks aan lek blootgestel word, want ons kan nie deur die naald van ’n spuit boer nie. Navorsing beklemtoon die belang van die spoormineraalaanvulling gedurende kritieke tye in die dier se lewe en wanneer die dier se behoefte baie hoër is as wat beskikbaar is of wat deur die voeding voorsien kan word. In hierdie tye trek die dier spoorminerale vanaf die stoororgane om aan die behoeftes te voorsien. Indien nie genoeg van die spoormineraal beskikbaar is in die stoororgaan nie, lei dit tot verlaagde reproduksie-doeltreffendheid, verlaagde produksiesyfers en verswakte immuniteit met verhoogde siektevoorkoms en selfs vrektes.Die spoorminerale kan net in die stoororgaan geberg word as meer ingeneem word as wat die daaglikse behoefte is om al die organe in die dier se liggaam normaal te laat funksioneer.Navorsing het bewys wanneer diere byvoorbeeld water drink met hoë kalsium-inhoud of wei op hoë kalkbevattende gronde, die kalsium as blokkeerder dien van alle spoorminerale wat normaalweg deur die bek ingeneem word. Dieselfde geld met weidings of lekke wat swael, kalsium, yster of enige van die ander antagonis-bronne bevat.Dit bemoeilik die proses omdat ons weet dat dit noodsaaklik is om voedelemente soos swael (byvoorbeeld molasse) te gebruik om onder meer die swaelbevattende aminosure te laat produseer, maar dit benadeel weer die spoormineraal-opname.Spoorminerale per naaldDie gebruik van inspuitbare spoorminerale het ontstaan om die antagonistiese effek in die rumen te vermy en om te verseker dat die aangevulde spoorminerale wel vir die dier beskikbaar is. Alle spoorminerale is nie as inspuitbare produkte beskikbaar nie en dus moet jodium deur die bek aangevul word. ’n Spoormineraal soos kobalt kan gespuit word, maar beteken nie veel vir die dier in inspuitbare vorm nie.Die spoormineraal moet deur die bek toegedien word omdat die mikrobe-organismes in die grootpens dit gebruik om vitmanien B12 daarvan te produseer. ’n Baie bekende vorm van inspuitbare spoorminerale wat in die handel beskikbaar is, is Multimin wat vervaardig word deur die dieregesondheidsmaatskappy, Virbac. Verskillende formulasies is vir verskillende diere beskikbaar. Kontak u Virbac-verteenwoordiger indien u meer te wete wil kom oor watter produk die beste op u plaas gaan werk en die samestelling daarvan.

Boer - Spoorminerale verhoog die boer se opbrengs

Kommentaar

Republikein 2026-11-03

Meld asseblief aan om kommentaar te lewer

Boer - Spoorminerale verhoog die boer se opbrengs

Kommentaar

Republikein 2026-11-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.