Boer moedeloos oor stropery

Francoise Steynberg - ’n Boer in die Otavi-distrik naby die Queen Sophia-hervestigingsplaas loop erg onder wildstropers deur met 22 onwettige jagvoorvalle tot dusver vanjaar.Mnr. Horst Hobohm van die plaas Abachaus No. 225 het aan Republikein gesê in Mei alleen was daar nege gevalle van wildstropery op sy plaas. “Behalwe vir die onwettige jag van wilde diere, het ons verlede jaar 18 koeie verloor,” sê hy.“Is daar een hervestigingsplaas in ons land waar daar nog ovipuka, die Herero-naam vir ons wild, teenwoordig is?” vra Hobohm. Hy wys grufoto's van wildkarkasse in draadstrikke: “Wat ’n wrede dood vir ’n dier om in ’n draadstrik gevang te word en ná lang lyding te sterf. Ek moes verlede jaar ’n dragtige gemsbokkoei doodskiet wat vir vyf dae in ’n draadstrik vasgevang was.”Hobohm sê hy het al dikwels in die verlede klagte by die polisie aanhangig gemaak, “maar dit help nie meer nie”.Hy sê volgens sekere amptenare is die Queen Sophia-hervestigingsplaas die misdadigste hervestigingsplaas in die land. “Hoewel daar al vele dreigemente was, word dit nie nagekom nie en gaan hulle net aan met die stropery. Hoekom mag die mense wat skuldig bevind en gestraf is op die hervestigingsplaas aanbly?” vra Hobohm. “Daar word altyd net gepraat van die mens, maar wat van die natuur?” Hobohm meen die oortreders steel plaaswerkers se vleis, geld en toekoms.“Besef hulle watter skade hulle ook ons ekonomie berokken?” vra hy.

Boer moedeloos oor stropery

Kommentaar

Republikein 2026-05-05

Meld asseblief aan om kommentaar te lewer

Boer moedeloos oor stropery

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.