Boardmans, Red Square verval; Jet mik vir dorpe

Nellie Brand-Jonker Die handelsname Boardmans en Red Square gaan verval, terwyl Jet vir die platteland mik, het die Edcon-groep bekend gemaak.Dit is deel van die planne wat Grant Pattison, die Edcon-groep se nuwe uitvoerende hoof, het om die winkelgroep reg te ruk.Pattison het gesê die groep gaan op sy ikoniese kettingwinkels Edgars, Jet en CNA herfokus. Die groep het verlede week die media, ontleders en personeel oor die herposisionering van die groep se handelsname toegespreek.Die Edcon-groep sukkel die laaste jare met verkope en sy enorme skuldlas het die groep byna op sy knieë gehad.Pattison het aan die begin van die jaar oorgeneem as die derde uitvoerende hoof sedert die groep se denotering meer as ’n dekade gelede.Pattison het gesê hulle wil klante gee wat hulle soek van die ikoniese handelsname en “foute wat in die verlede gemaak is, word reggemaak”.Dit sluit in die fokus wat Edcon gehad het op internasionale handelsname.Pattison het die internasionale handelsname wat Edcon na Suid-Afrika gebring het onlangs in ’n onderhoud met Business Day ’n “simpel fout” genoem.In die afgelope paar maande is sowat 40 alleenstaande winkels van die internasionale handelsname gesluit.Volgens Pattison gaan die groep ’n gesentraliseerde bedryfsmodel volg wat die bestuurspanne van die verskillende handelsname Edgars, Jet en CNA in staat stel om onafhanklik besluite te neem.Hier is die planne van die verskillende kettingwinkels:•Mike Elliott, die uitvoerende hoof van Edgars, het gesê Edgars Home en Edgars Beauty word bekend gestel. Sowel Boardmans as Edgars se eie huiswareprodukte gaan onder Edgars Home handel dryf. Red Square gaan as Edgars Beauty bekend staan. Edcon se Edgars-afdeling het einde Desember 286 winkels gehad, wat Boardmans en Red Square ingesluit het. Dié winkels is einde Maart 2017 na die afdeling oorgedra. Hy het niks gesê oor nuwe winkels wat geopen gaan word nie. ’n Spesifieke vraag oor hoeveel Boardmans- en Red Square-winkels gaan toemaak, is nie beantwoord nie. Sommige Boardmans-winkels gaan omskep word en ander gaan gesluit word, blyk dit uit die antwoord. “Ons kan nie verdere inligting gee oor die finale getal Boardmans- en Red Square-winkels wat gesluit gaan word nie omdat met die belangegroepe in terme van die rasionaliseringproses gekommunikeer en gekonsulteer moet word.”•Urin Ferndale, uitvoerende hoof van Jet, het gesê 50 nuwe winkels gaan in die platteland geopen word op dorpe waar daar nog nie Jet-winkels is nie. Volgens hom is reeds 70 nuwe winkels die afgelope jaar op dorpe geopen waar daar nie Jet-winkels is nie. Ons wil die mees geliefde waarde-kleinhandelaar in Suider-Afrika wees,” het Ferndale gesê. Dit sal waarskynlik mededinging gee aan Pep Stores, wat baie winkels op die platteland het en homself ook as ’n waarde-kleinhandelaar beskou. Volgens hom het Jet ook 150 huiswarewinkels en 200 skoonheidswinkels binne sy winkels bekend gestel.•Julie Day, besturende direkteur van CNA, het gesê die kettingwinkelreeks stel ’n nuwe CNA-etiket bekend waaronder produkte verkoop gaan word. Sy het gesê CNA het nou 185 winkels. Einde Desember aan die einde van Edcon se derde kwartaal was daar 196 CNA-winkels.Die Edcon-groep het die afgelope jare baie finansiële probleme gehad weens die groot skuldlas wat hy moes afbetaal. Hy is meer as ’n dekade gelede deur ’n oorsese beleggingsgroep gekoop in ’n transaksie wat met skuld gefinansier is.Die groep het verlede jaar sy skuld herstruktureer, maar is tans nog in gesprekke om van die skuld wat vanjaar afbetaal moet word te herstruktureer.Pattison het niks in die mediaverklaring wat uitgereik is, daaroor gesê nie.“Ons het die afgelope twee maande aktief geskakel met ons sleutelbelanghebbendes – veral ons personeel, verhuurders, verskaffers en die regering – sodat hulle die konteks verstaan waarin ons besluite neem en om met hulle oor hul behoeftes en kommer te skakel,” het hy in die verklaring gesê.Volgens hom het die groep 48 000 personeellede.Pattison meen die maatskappy volg nou ’n “gevestigde en bewese strategie”.“Die einddoel sal ’n nuwe en suksesvolle Edcon wees, met onafhanklike handelsname.” – Netwerk24

Boardmans, Red Square verval; Jet mik vir dorpe

Kommentaar

Republikein 2025-11-05

Meld asseblief aan om kommentaar te lewer

Boardmans, Red Square verval; Jet mik vir dorpe

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.