Bly só veilig wanneer jy kamp

Of jy in die bosse gaan kamp of in ’n nasionale park gaan kuier, is daar baie maniere om te verseker dat die ondervinding beide lekker en veilig is. Hou die volgende veiligheidswenke in gedagte:• Noodhulpkassie. Hierdie kassie kan baie waardevol wees as jy of iemand in jou groep seerkry, deur ’n by gesteek word, of ’n allergiese reaksie het. Maak seker jou kassie bevat antiseptiese middels vir snye en skrape, doringtangetjie, insekweerder, pynmiddels en sonbrandmiddel. • Noodvoorraad. Dit sluit ’n padkaart, kompas, flits, mes, iets warm om te dra en water in.• Wees bewus van hoe om in ’n noodsituasie op te tree. As jy ernstige beserings vinnig kan identifiseer, sal dit jou help om die beseerde te help totdat mediese personeel opdaag.• Bereik jou bestemming vroeg. Beplan jou reis só dat jy vroeg by die kampterrein aankom, met genoeg daglig om jou tent op te slaan en jou kampplek in orde te kry.• Wees altyd bedag oor moontlike gevare. Gaan jou kampplek noukeurig na vir glas, skerp voorwerpe, takke, bye en ander insekte en gevaarlike terrein. Dit is ook raadsaam om ’n kampplek te kies met skadubome wat jou teen die hitte van die son kan beskerm. Hou jou tent toe om te keer dat insekte en muskiete inkom.• Vermy gebiede waar daar natuurlike gevare is, veral in die reënseisoen wanneer ’n rivier vinnig kan afkom.• Maak net vuur in afgebakende areas/braaiplekke en hou jou kamptoerusting weg van oop vlamme. Maak seker daar is altyd iemand wat ’n ogie oor die vuur kan hou. Gooi die vuur met water dood wanneer jy klaar gebraai en gekuier het.• Moet nooit ’n kers binne in ’n tent gebruik nie – daarvoor het jy ’n flits.• Gooi rommel weg en probeer herwin waar moontlik.• Loop lig vir wilde diere. Moenie kos, rommel, koelhouers en ander gereedskap laat rondlê nie. Veral bobbejane hou daarvan om te krap!• Handhaaf goeie higiëne. Maak seker jy was jou hande gereeld, veral as jy met kos werk. Dit sal help dat die kampgroep gesond bly.

Bly só veilig wanneer jy kamp

Kommentaar

Republikein 2026-03-25

Meld asseblief aan om kommentaar te lewer

Bly só veilig wanneer jy kamp

Kommentaar

Republikein 2026-03-25

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.