Bly positief, melkboere
Nuwe wetgewing vir die beskerming van die suiwelbedryf is gereed om ter tafel gelê te word.
Ronelle Rademeyer
Melkboere se hoop is nou op nuwe wetgewing wat die plaaslike suiwelbedryf teen goedkoper ingevoerde melkprodukte sal beskerm.
Die wysigingswetsontwerp op die beheer van die invoer en uitvoer van suiwelvervangingsprodukte is pas deur die kabinetskomitee vir wetgewing goedgekeur en is nou gereed om in die parlement ter tafel gelê te word.
Dit was die goeie nuus wat saam met die kommerwekkende ekonomiese werklikhede van melkboerdery bespreek is toe produsente verlede week op Gobabis vergader het.
Prysverlagings en die feit dat melkboere weens kwotabeperkings nie hul produksie kan verhoog nie, laat baie van hulle tans met die vraag of dit nog die moeite werd is om aan te gaan.
Die voorsitter van die Suiwelprodusentevereniging (SPV), mnr. Kokkie Adriaanse, het in sy voorsittersrede by die bedryf se jaarlikse ledevergadering verlede week daarop gewys dat die bedryf die afgelope jaar deur 'n baie moeilike tyd gegaan het.
Hy het gesê Namibia Dairies het alles in sy vermoë gedoen om besparings ten gunste van die melkprodusente te weeg te bring en die vereniging is dankbaar daarvoor. “Vanweë prysverlagings en beperkinge om produksie vrylik te laat groei, is produsente egter onder druk en hierdie groot uitdagings los die vraag of dit nog die moeite werd is om in hierdie bedryf aan te gaan,” het Adriaanse gesê.
Hy het produsente gevra om positief te bly en te herbesin oor kostes op die plaas waaroor hulle wel beheer het.
Mnr. Günther Ling, besturende direkteur van Namibia Dairies, het boere die versekering gegee dat wanneer hierdie wetgewing deur die parlement goedgekeur en in werking gestel word en die situasie in die mark stabiliseer, die prysverlaging van 30 sent per liter herstel sal word.
Ling het by navraag oor die wetsontwerp gesê die bedryf kan nie bekostig dat daar met die implementering hiervan gesloer word nie. Hierdie wet sal die minister van landbou, water en bosbou in staat stel om wanneer die bedryf soos nou in 'n krisis verkeer, beperkings op die invoer van varsmelk, langlewemelk en melk met 'n verlengde raklewe af te kondig.
Ling sê 'n kwotastelsel sal byvoorbeeld een van die meganismes wees waardeur die minister dit kan doen.
Hy sê die wetgewing maak net voorsiening vir melkprodukte, maar kan ook uitgebrei word om jogurt in te sluit.
Die ledevergadering is voorafgegaan deur 'n galadinee verlede Dinsdagaand waartydens die beste produsente in verskillende kategorieë aangewys is.
Die wenners is:
Suiwelprodusent van
die Jaar (Ekstensief)
1. Dirk van Wyk
2. Hennie van Niekerk
3. Christo Lottering
Suiwelprodusent van
die Jaar (Intensief)
1. Christo Strydom
2. !Aimab Superfarm
3. Willie Aggenbach
Laagste bakterietelling
• Dirk van Wyk
Beste kwaliteit melk gelewer
• Frikkie Duvenhage
Mees akkurate
melkproduksie-vooruitskatting
• Christo Strydom
Melkboere se hoop is nou op nuwe wetgewing wat die plaaslike suiwelbedryf teen goedkoper ingevoerde melkprodukte sal beskerm.
Die wysigingswetsontwerp op die beheer van die invoer en uitvoer van suiwelvervangingsprodukte is pas deur die kabinetskomitee vir wetgewing goedgekeur en is nou gereed om in die parlement ter tafel gelê te word.
Dit was die goeie nuus wat saam met die kommerwekkende ekonomiese werklikhede van melkboerdery bespreek is toe produsente verlede week op Gobabis vergader het.
Prysverlagings en die feit dat melkboere weens kwotabeperkings nie hul produksie kan verhoog nie, laat baie van hulle tans met die vraag of dit nog die moeite werd is om aan te gaan.
Die voorsitter van die Suiwelprodusentevereniging (SPV), mnr. Kokkie Adriaanse, het in sy voorsittersrede by die bedryf se jaarlikse ledevergadering verlede week daarop gewys dat die bedryf die afgelope jaar deur 'n baie moeilike tyd gegaan het.
Hy het gesê Namibia Dairies het alles in sy vermoë gedoen om besparings ten gunste van die melkprodusente te weeg te bring en die vereniging is dankbaar daarvoor. “Vanweë prysverlagings en beperkinge om produksie vrylik te laat groei, is produsente egter onder druk en hierdie groot uitdagings los die vraag of dit nog die moeite werd is om in hierdie bedryf aan te gaan,” het Adriaanse gesê.
Hy het produsente gevra om positief te bly en te herbesin oor kostes op die plaas waaroor hulle wel beheer het.
Mnr. Günther Ling, besturende direkteur van Namibia Dairies, het boere die versekering gegee dat wanneer hierdie wetgewing deur die parlement goedgekeur en in werking gestel word en die situasie in die mark stabiliseer, die prysverlaging van 30 sent per liter herstel sal word.
Ling het by navraag oor die wetsontwerp gesê die bedryf kan nie bekostig dat daar met die implementering hiervan gesloer word nie. Hierdie wet sal die minister van landbou, water en bosbou in staat stel om wanneer die bedryf soos nou in 'n krisis verkeer, beperkings op die invoer van varsmelk, langlewemelk en melk met 'n verlengde raklewe af te kondig.
Ling sê 'n kwotastelsel sal byvoorbeeld een van die meganismes wees waardeur die minister dit kan doen.
Hy sê die wetgewing maak net voorsiening vir melkprodukte, maar kan ook uitgebrei word om jogurt in te sluit.
Die ledevergadering is voorafgegaan deur 'n galadinee verlede Dinsdagaand waartydens die beste produsente in verskillende kategorieë aangewys is.
Die wenners is:
Suiwelprodusent van
die Jaar (Ekstensief)
1. Dirk van Wyk
2. Hennie van Niekerk
3. Christo Lottering
Suiwelprodusent van
die Jaar (Intensief)
1. Christo Strydom
2. !Aimab Superfarm
3. Willie Aggenbach
Laagste bakterietelling
• Dirk van Wyk
Beste kwaliteit melk gelewer
• Frikkie Duvenhage
Mees akkurate
melkproduksie-vooruitskatting
• Christo Strydom
Kommentaar
Republikein
Geen kommentaar is op hierdie artikel gelaat nie