Blou Bulle het 'goeie plan' teen Stormers
Superrugby
Cobus Claassen
Om die Stormers in die Kaap aan te vat nadat die tuisspan 'n week gelede Kiwi se kind verfomfaai het, is vir geen teenstander 'n aangename vooruitsig nie.
Nog minder met die besef dat die wêreld se voorste speler, Pieter-Steph du Toit, en verskeie ander Springbokke op jou wag.
Wian Vosloo, losvoorspeler van die Bulle, sê hulle kan egter nie toelaat dat reputasies in die agterkop lol wanneer hul Saterdag op Nuweland die Stormers in die Superrugby-kompetisie aanvat nie.
“Die Stormers sal 'n heel ander uitdaging wees as wat die Haaie was.
“Dit is egter belangrik om op jouself en dít wat jy wil bereik, te fokus.
“Ons weet hulle sterte sal in die lug wees (ná die sege van 27-0 oor die Hurricanes), maar ons het 'n goeie plan waaraan ons werk.
“Die Stormers sal baie skop en hou nie daarvan om veel in hul eie helfte te waag nie.”
Dié oud-Klerksdorper, wat die vorige twee seisoene vir die Haaie Superrugby gespeel het, sê die Bulle se verdediging sal bepalend wees.
“Ek dink nie ons het swak verdedig teen die Haaie nie. Daar was die een drie wat ons nooit moes afgestaan het nie, maar afgesien daarvan was daar nie baie foute nie.
“Ons verdediging sal Saterdag nóg beter moet wees.”
In die Bulle-kamp word duim vasgehou dat 'n droë Nuweland op hulle wag.
“Die toestande in Durban was moeilik. Dit was ontsettend warm en die bal was baie glibberig, wat hantering moeilik gemaak het.
“Hopelik is Nuweland lekker droog, sodat ons kan jol.”
Vosloo (24) sê dit was 'n goeie besluit om verlede jaar halfpad deur die seisoen 'n Bul te word.
“Ek is baie bly vir die geleentheid wat ek gekry het. Ek geniet my rugby hier en die Bulle-familie is nie net 'n sêding nie. Ek voel beslis deel van 'n familie.”
SA BLASER VIR DERBY
Marius van der Westhuizen is aangewys as die skeidsregter vir Saterdag se Superrugby-derby tussen die Stormers en die Bulle op Nuweland. Die wedstryd sal om 17:15 afskop.
Volgens Superrugby se amptelike webblad word Van der Westhuizen bygestaan deur sy landgenote Egon Seconds en Divan Uys, met Joey Klaaste-Salmans wat diens doen as televisieskeidsregter.
Jaco Peyper is in beheer van die kragmeting op Ellispark vroeër die dag tussen die Leeus en die Reds (15:05).
Suid-Afrika se Cwengile Jadezweni, Griffin Colby en Marius Jonker (TV-skeidsregter), sal as Peyper se assistente optree.
Angus Gardner van Australië sal die fluitjie blaas wanneer die Haaie Vrydag (08:05 SA tyd) teen die Highlanders in Dunedin kragte meet.
Die Nieu-Seelanders Paul Williams, James Doleman en Chris Hart sal hom bystaan.
Die ander Suid-Afrikaanse beamptes in aksie die naweek is AJ Jacobs en Rasta Rasivhenge. Jacobs is aangewys as die skeidsregter vir Saterdag se kragmeting tussen die Waratahs en die Blues in Newcastle, Australië (10:15 SA tyd) en Rasivhenge is in beheer wanneer die Jaguares later die aand gasheer speel vir die Hurricanes in Buenos Aires (23:40 SA tyd). – Netwerk24
Om die Stormers in die Kaap aan te vat nadat die tuisspan 'n week gelede Kiwi se kind verfomfaai het, is vir geen teenstander 'n aangename vooruitsig nie.
Nog minder met die besef dat die wêreld se voorste speler, Pieter-Steph du Toit, en verskeie ander Springbokke op jou wag.
Wian Vosloo, losvoorspeler van die Bulle, sê hulle kan egter nie toelaat dat reputasies in die agterkop lol wanneer hul Saterdag op Nuweland die Stormers in die Superrugby-kompetisie aanvat nie.
“Die Stormers sal 'n heel ander uitdaging wees as wat die Haaie was.
“Dit is egter belangrik om op jouself en dít wat jy wil bereik, te fokus.
“Ons weet hulle sterte sal in die lug wees (ná die sege van 27-0 oor die Hurricanes), maar ons het 'n goeie plan waaraan ons werk.
“Die Stormers sal baie skop en hou nie daarvan om veel in hul eie helfte te waag nie.”
Dié oud-Klerksdorper, wat die vorige twee seisoene vir die Haaie Superrugby gespeel het, sê die Bulle se verdediging sal bepalend wees.
“Ek dink nie ons het swak verdedig teen die Haaie nie. Daar was die een drie wat ons nooit moes afgestaan het nie, maar afgesien daarvan was daar nie baie foute nie.
“Ons verdediging sal Saterdag nóg beter moet wees.”
In die Bulle-kamp word duim vasgehou dat 'n droë Nuweland op hulle wag.
“Die toestande in Durban was moeilik. Dit was ontsettend warm en die bal was baie glibberig, wat hantering moeilik gemaak het.
“Hopelik is Nuweland lekker droog, sodat ons kan jol.”
Vosloo (24) sê dit was 'n goeie besluit om verlede jaar halfpad deur die seisoen 'n Bul te word.
“Ek is baie bly vir die geleentheid wat ek gekry het. Ek geniet my rugby hier en die Bulle-familie is nie net 'n sêding nie. Ek voel beslis deel van 'n familie.”
SA BLASER VIR DERBY
Marius van der Westhuizen is aangewys as die skeidsregter vir Saterdag se Superrugby-derby tussen die Stormers en die Bulle op Nuweland. Die wedstryd sal om 17:15 afskop.
Volgens Superrugby se amptelike webblad word Van der Westhuizen bygestaan deur sy landgenote Egon Seconds en Divan Uys, met Joey Klaaste-Salmans wat diens doen as televisieskeidsregter.
Jaco Peyper is in beheer van die kragmeting op Ellispark vroeër die dag tussen die Leeus en die Reds (15:05).
Suid-Afrika se Cwengile Jadezweni, Griffin Colby en Marius Jonker (TV-skeidsregter), sal as Peyper se assistente optree.
Angus Gardner van Australië sal die fluitjie blaas wanneer die Haaie Vrydag (08:05 SA tyd) teen die Highlanders in Dunedin kragte meet.
Die Nieu-Seelanders Paul Williams, James Doleman en Chris Hart sal hom bystaan.
Die ander Suid-Afrikaanse beamptes in aksie die naweek is AJ Jacobs en Rasta Rasivhenge. Jacobs is aangewys as die skeidsregter vir Saterdag se kragmeting tussen die Waratahs en die Blues in Newcastle, Australië (10:15 SA tyd) en Rasivhenge is in beheer wanneer die Jaguares later die aand gasheer speel vir die Hurricanes in Buenos Aires (23:40 SA tyd). – Netwerk24
Kommentaar
Republikein
Geen kommentaar is op hierdie artikel gelaat nie