Blomme vir julle spesiale dag

Blomme kan ’n wonderlike dekoratiewe ietsie by jou troue voeg, veral wanneer dit met sorg gekies word vir die afronding van jou uitrustings.Jy kan jou persoonlikheid uitbeeld deur die kleure en verskeidenheid waaruit jy kies, terwyl simboliese betekenisse van blomme individualisme en simboliek by jou troudag kan voeg en dit sodoende meer spesiaal maak.Blomme het reeds sedert Romeinse tye ’n belangrike rol by troues gespeel. In Elisabethaanse tye het die bruid se vriendinne roosmaryntakkies aan die bruidegom gegee wat getrouheid gesimboliseer het. Vandag nog simboliseer sekere blomme ’n sekere eienskappe of gevoelens.Blomme het reeds in die Griekse mitologie geheime betekenisse en daar is sommige blomme wat talle, soms teenstrydige, betekenisse weerspieël. Daarbenewens het elke blom ’n verskillende betekenis wanneer dit op sekere dele van die liggaam geplaas word.Een van die tradisies is die van die enkelloper se knoopsgatblom. Die man sou vroeg in die oggend ’n blom pluk terwyl daar nog dou op die grond is en dit dan vir 24 uur in sy sak hou. Sou die blom die volgende dag nog sy kleur behou, sal hy gelukkig getroud wees. Die blom het egter maar min sy kleur behou – waarskynlik hoekom baie mans ongetroud gebly het!Dit is ook ’n tradisie om ’n lint in die bruid se ruiker te knoop. Dit verteenwoordig nie net die nuwe eenwording en goeie wense nie, maar ook rykdom.Die tradisie van die bruid wat haar ruiker gooi, is nie nuut nie. Sy gooi dit oor haar skouer en die dame wat dit vang is veronderstel om die volgende bruid te wees.Lemoenbloeisel in ’n bruid se hare of op haar rok, verteenwoordig maagdelikheid en omdat dit immergroen is, simboliseer dit die ewigdurende aard van die pasgetroudes se liefde vir mekaar. ’n Ouvroustorie vermeld dat ’n pasgetroude paartjie onmiddellik enige kunsmatige lemoenbloeisel wat by die troue gebruik is, moet verwoes om hartseer te voorkom.

Blomme vir julle spesiale dag

Kommentaar

Republikein 2026-08-21

Meld asseblief aan om kommentaar te lewer

Blomme vir julle spesiale dag

Kommentaar

Republikein 2026-08-21

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.